Дос іздеген бота ертегісі балабақшаға

«Дос іздеген бота» ертегісі

Тәрбиеші: Муханова Г.С.

«Тамшы» 2 кіші тобы

Мақсаты: балаларды таныс ертегі кейіпкерлерінің рөліне, диалог, монолог түрінде сөздердерді дыбыс ырғағына келтіре айтуға үйрету. Ертегіге деген қызығушылығын арттыру арқылы сахнада өзін-өзі еркін ұстауға қалыптастыру.

Қатысушы кейіпкерлер:

Түйе – Рауан

Бота – Айзере

Мысық – Әдемі

Ит – Исламбек

Әтеш – Айша

Бақа – Рамазан

Лақ – Мұхаммедәли

Қозы – Нұрасыл

Ара – Асхат

Жүргізуші: ерте, ерте, ертеде боталы түйе болыпты. Ол өзінің жібек жүнді сүйкімді баласына мейірімділікті, адалдықты үйретіпті. Мөлдір көзді бота өте ақылды болып өседі.

Бір күні анасы:

Боташым, мен саған жақсы достан басқаның бәрін бердім. Енді тура өзің сияқты дос тап. Доссыз өмір қызық емес, - дейді.

Бота әндете жолға аттанады.

Бота, бота, ботамын,

Ақылды боп атандым

Тостақандай көзім

Әдемімін өзім.

Мысықты кездестіреді:

Бө-ө-ө, мен дос іздеп жүрмін,- дейді бота боздап.

Мяу, мяу, мияулаған мысықпын,

Өзім тым пысықпын,

Кел екеуміз дос болайық.

Жоқ, жоқ сен сияқты дос емес.

Бота итті кездестіреді.

Аф, аф

Атым менің Саққұлақ,

Жүремін ылғи шапқылап.

Кел екеуміз дос болайық.

Бота әтешті кездестіреді.

Ку-ка-ре-ку,

Алқызыл менің айдарым

Таңмен ерте тұрамын,

Кел екеуміз дос болайық.

Бота Араны кездестіреді:

З-з-з , кел екеуміз дос болайық,

Гүл терейік бал жинайық.

-Жоқ, жоқ сен сияқты дос емес.

Ара ашуланып қуа жөнеледі.

Бота зорға дегенде қашып құтылады.

Анасы:

Дос таптың ба , ботам?

Жоқ, анашым, сенбесеңіз көктегі күннен сұраңыз. Тура мен сияқтыешкім жоқ екен.

Өзің сияқты дегенім, адалдығыңды айтқаным, боташым. Досты жан тазалығымен таңдау керек.

Бота қуанып достарын шақырып алады.

Музыка әуенімен балалар қол ұстасып, көңілді би билейді.

Сурет салу оқу қызметі бойынша балалардың шығармашылық жұмыстары