Дос іздеген бота мектепке дейінгі балаларға арналған

Тақырыбы: «Балаға ертегі айтудың қандай маңыздылығы бар?» (дөңгелек үстел)

Мақсаты: Балабақша мен ата-ана арасындағы ынтымақтастықты орната отырып, баланың тәрбиесі мен тілін дамытуда ортақ нәтижелерге қол жеткізу.

Данышпан үкі: - Тыңдаңыздар, тыңдаңыздар! Ата-аналар , тәрбиешілер бірлесе отырып, балалардың сөздік қорын, тіл байлығын молайту мақсатында оздырылғалы отырған іс-шараға қош келдіңіздер! Балалардың сахналауында

Дос іздеген Бота ертегісі

Мақсаты: Ертегі көрініс арқылы балаларды достық сезімге тәрбиелеу. Рөлдеріне еніп, оны іскерлікпен, үлкен шығармашылықпен орындауға тәрбиелеу; көркем сөздерді мәнерлеп орындауға бағыттау, жануарларға деген сүйіспеншілігін, қамқорлық сезімін қалыптастыру.

Ойын құралдары: маска, костюмдер

Ойын барысы:

Автор: Ерте, ерте, ертеде боталы түйе болыпты.

Түйе: Түйе, түйе, түйемін

Жануармын киелі

Жан-жағыма қараймын,

Күн мен түнді санаймын

Автор: Түйе өзінің жібек жүнді, сүйкімді баласына мейірімділікті, адалдықты үйретіпті. Мөлдір көзді бота өте ақылды болып өседі.

Түйе: Боташым, мен саған жақсы достан басқасының бәрін бердім. Енді тура өзің сияқты дос тап. Доссыз өмір қиын, әрі қызық емес. (бота басын изеп тұрады)

Автор: Бота өзіне ұқсайтын жалт-жұлт еткен жүні бар, жағымды үні бар дос іздеп шығады.

Бота: Бота, бота, ботамын

Ақылды боп атандым

Тостағандай көзім,

Әдемімін өзім.

Автор: Жайылып жүрген құлынды көріп:

Бота: Бө-ө-ө, мен дос іздеп жүр едім, қане өзіңді маған таныстыршы.

Құлын: Иһ-һ-һі, Жүремін мен шапқылап,

Күн ұзаққа бір тынбай.

Құлыншақпын құлыным,

Желкілдеген тұлымым.

кел, екеуміз дос болайық

Бота: Жоооқ, сен сияқты дос емес.

Құлын: -Жарайды, ендеше дос саған бұзау болар.

Автор: Бота бұзауға келіп:

Бота: Бө-ө-ө, мен дос іздеп жүрмін.

Бұзау: Мө-ө-ө, м-ө-ө (кең далада тентек болып жүгіріп жүреді) кел, екеуміз дос болайық.

Бота: Жооқ… Тентек болма ақ бұзау

Еріншек болма ақ бұзау.

Жүремін бе жүгіріп,

Әдепсіздік не теңім.

Дос болмаймын сенімен.

Бұзау: Ендеше, анау аулада кішкентай балапандар бар. Солармен дос боларсың.

Автор: Бота ауладағы балапандарға келеді:

«Балапандар» биі.

Бота: Бө-ө-ө, мен дос іздеп жүрмін.

Балапан: Шиқ-шиқ-шиқ кел, бәріміз дос болайық.

Бота: Жоқ, сіздер сияқты дос емес.

Балапандар: Мүмкін, осы аулада ЛАҚ бар сонымен дос боларсың.

Автор: Бота лаққа келіп:

Бота: Бө-ө-ө, мен дос іздеп жүрмін

Шөре, шөре лақпын,

Селтендейді құлағым

Су ішіп ал канекей

Сені күтіп тұрамын.

ЛАҚ: Мә-ә-ә, кел, екеуміз дос болайық

Бота: Жоқ, сен сияқты дос емес

Лақ: Мүмкін күшік болар.

Автор: Бота күшікке келіп:

Бота: Бө-ө-ө, мен дос іздеп жүрмін

Күшік: Әуп-әуп, кел, екеуміз дос болайық.

Күшік: Мен күшікпін саққұлақ.

Келемін міне шапқылап.

Сақтығымды көріңдер,

Маған ере жүріңдер.

Бота: Жоқ, сен сияқты дос емес

Бұзау: Мүмкін мысық болар.