Достардың асарға баруы: ертегіні сахналауға арналған мәтін

«Достардың асарға баруы» ертегісін сахналау

А.М.Изятова, МКҚК №38 «Әлем» МДҰ-ның бірінші санатты педагог-психологы

Ақтөбе қаласы

Мақсаты: Ертегі кейіпкерінің бейнесін беру және сөздегі ырғағын келтіре қолдануға білуге үйрету. Балалардың қоршаған орта туралы білімдерін бекіту.

Достыққа және ұйымшылдыққа тәрбиелеу.

Табиғат бейнеленген. Саңырауқұлақ алдын ала отырады. Әуенмен қимыл жасайды.

Саңырауқұлақ- Мирас:

Жаңбыр жауса себелеп

Болар еді керемет

Нөсерлетіп құйса екен

Менің бойым өссе екен

(Саңырауқұлақ орнына тұра қалады, Сол кезде әуенмен ағаш сүйретіп құмырсқа шығады. Тоқтап маңдайының терін сүртеді)

Құмырсқа-Диас:

Менің атым құмырсқа

Шаршамаймын жұмыста

Дән тасимын жаз бойы

Азық жинап мен қысқа

(Көріп қалған дәнді бір-бірден ұясына тасиды да тағы да былай дейді.)

Шалғынға осы жатайыншы

Рақатқа бір батайыншы

Қыс бойы тоңазыдым

Көктемді аңсап мен сағындым

(Жерге шалқасынан жатады аяғын көтеріп. )

Көбелек-Жансая: Әуенмен гүлдерді иіскеп көбелек ұшып келеді де

Гүл қанатты көбелекпін

Өте нәзік сұлумын

Гүлден гүлге қонып мен

Мың бұралып билеймін –деп қимылдап билеп гүлді иіскей бергенде құмырсқаны көріп қорқып кетеді.

Құмырсқа –Диас:

Мен тимеймін жасқанба

Дос болайық көбелек

Жайнап тұрған бақшада

Гүлдерімді тере кет!

Көбелек-Жансая:

Рахмет саған құмырсқа. (Көбелек гүлдерді әуенмен аралап, иіскеп жүреді де шығып кетеді)

Әуенмен торғай ұшып келеді, би билейді. Осы кезде құмырсқа тығылып қалады жапырақтың астына.)

Торғай-Расул:

Мен торғаймын, торғаймын

Суықта да тоңбаймын.

Құрт –құмырсқа шіркейден

Бау-бақшаны қорғаймын.

Аспан түнеріп, күн күркірейді. Құмырсқа тұрып былай дейді. Күн күркіреген дауыс шығады.

Құмырсқа –Диас:

Бұлттар бері жылжыпты,

Жаңбыр сірә төгеді

Мына саңырауқұлақ пана болса

Маған тиер көмегі

(Құмырсқа саңырауқұлақтың астына тығылады, жаңбыр жауа бастайды.)

Көбелек-Жансая: (Қалтырап, үсті су болғандай дірілдеп айтады)

Күшім кетіп әлсіреп,

Қанатым су боп жабысып,

Ұша алмадым құмырсқа

Алшы мені қасыңа

Пана берші басыма –дейді.

Құмырсқа –Диас:

Кел,кел сен кішкентайсың ғой

Екеуміз сыйамыз.

Көбелек-Жансая:

Рахмет саған.

(Ұшып торғай келеді.)

Торғай-Расул:

Жаңбыр қандай күшті еді.

Ұша алмадым мен кері

Бас сауғалап келіп ем

Жандарыңнан орын бер.

Екеуі қосыла: Кел-кел.

Торғай-Расул: