Дүниежүзі тарихы бойынша сабақ жоспары, 1 бет

Білімгерлермен мұражайға саяхат

Колледж білімгерлері Өлкетану факультатив курсы бойынша “Алакөл” мемлекеттік табиғи қорығы мұражайына саяхатқа барды.

Мақсаты: “Алакөл” мемлекеттік табиғи қорығы мұражайымен таныстыру ,ондағы ерекше қорғалатын құстар мен жануарлар , жәндіктер, өсімдіктер тұралы мәлімет беру, білімгерлердің ой-өрістерін, танымдық қабілеттерін арттыру, туған өлкеге деген қызығушылығын қолдау жән дамыту, өзінің туып-өскен жеріне деген сүйіспеншілікке тәрбиелеу.

Саяхат барысында білімгерлер мұражайдағы ерекше қорғалатын құстар мен жануарлар, өсімдіктер туралы мағлұматтар алды.

Мұражай қызметкерлері білімгерлерді жылы шұрай танытып, қарсы алды. Мұражай меңгерушісі білімгерлерге мұражайды аралатып, оңың құрылу тарихымен таныстырды. Муражайдың 2000 жылдың қазан айынан бастап жұмыс жасап келе жатқанын ,мұражайға Эрнар Мұхтарұлы Әуезовтың есімі берілгенін айтты. Эрнар Мұхтарұлы Әуезовтың өмірбаяны жайлы түсіндіріп өтті.

Алакөл көлінен , бұдан 40 жыл бұрын Гоби шөлінде бір-ақ кездесетін ерте дәуір шағаласының колониясының ашуы Әрнар Мұхтарұлын халықаралық деңгейде танымал етеді. Бірнеше маусымдық дала жұмысының нәтижесінде ол ерте дәуір шағаласының биологиясы атты кандидаттық диссертациясын 1980 жылы Москва қаласында жоғарғы деңгейде қорғап шығады. Э.Әуезовтың Алакөл көліндегі аралдардан көне дәуір шағаласын зерттеген кезінде пайдаланған заттары,соымен қатар көне дәуір шағаласы туралы жазылған ғылыми еңбектерімен мақалалары,қорықтың кітапханасында 500- кітаптан тұратын кітапханасы сақтаулы тұр.

Алакөл мемлекеттік табиғи қорығы 1998 жылы 21 сәуірде ұйымдастырылған. Ауданы 20000 га. Алматы (17710 га) және Шығыс Қазақстан облысының (2290 га) аумағында орналасқан. 2 учаскеден: бастауын Жоңғар Алатауынан алатын Тентек өзенінің атыраулары және Алакөл көлінің – Үлкен, Орташа, Тасты аралдарынан тұрады. Алакөл қазаншұңқыры, Жоңғар Алатауы және Қазақстанның оңтүстік - шығыс бөлігінде Тарбағатайдың таулы жүйелері арасында 10000км жуық көлеміндегі тау арасындағы көл ойпатын алып жатыр. Қорықта өсімдіктердің 249 түрі бар, балықтың 17 түрі,құстардың 315түрі мекендейді,оның 34 қызыл кітапқа енгізілген. Өте сирек кездесетін өсімдіктері: шымды жуа, ақ тұңғиық. Қызыл кітапқа енген сирек жоғалып бара жатқан құстардан Алакөл қазаншұңқырында 38 түрі тіркелген, соның ішінде қарамойнақ \реликті \ шағала осында кезедеседі.

Білімгерлер өлкемізде мекендейтін, ерекше қорғалатын әр түрлі жануарлар мен құстар жайлы өздеріне қызықты ақпарат алды.