Дұрыс тамақтану денсаулық кепілі сыныптан тыс жұмыс

Тақырыбы:

«Дұрыс тамақтану – денсаулық кепілі»

Тәрбиеші: Кыстаубаева Эльмира Орынкулкызы

Тақырбы: Дұрыс тамақтану – денсаулық кепілі

мақсаты:

Оқушылардың дұрыс тамақтану туралы білімдерін жүйелеу, кеңейту;

Оқушылардың ойлау, есте сақтау, салыстыру және таным белсенділігін арттыру;

Тазалық гигиенасын сақтау, тазалыққа баулу.

көрнекіліктері: суреттер, жасанды жеміс, көкөністер, сүт тағамдарының суреттері

Техникалық құралдар: интерактивті тақта, компьютер

барысы:

Ұйымдастыру кезеңі.

Әр кім өз отбасында сақталған дәстүр туралы айту

Ой түйіндеу

Наурыз тойы

Дәстүр

Тұсау кесер

Қыз ұзату

Бесікке салу

(интерактивті тақтада орындалады)

Психологиялық дайындық

Бүгінгі тәрбие сағатымызда мынандай маңызды сұрақтарға жауап береміз:

Біз неге дұрыс тамақтануымыз керек?

Неліктен жемістер мен көкеністерді жуып жеу керек?

Неліктен ас ішер алдында қолды жуып, тісті тазалау керек?

Балалар, біз отбасы мүшелері туралы айттық.

Отбасы мүшелеріне кімдер жатады?(әке-ана, ата-әже, аға-іні, әпке-сіңлі)

Дұрыс сол кісілердің қандай болғанын қалайсыңдар?( Дені сау,ұзақ өмір сүргені)

Олай болса, балалар бүгін сабақта «салауатты өмір сүрудің бір ережесі – дұрыс тамақтану» туралы мәлімет аламыз.

Қанеки, барлығымыз тақтаға көңіл бөлейік. Қандай сурет көріп отырсыңдар?( интерактивті тақтада бір өте семіз адамның және өте жүдеу адамның суреті бейнеленген)

Неге бұл адамдар осындай сырт көрініске тап болды деп ойлайсыңдар? (оқушылар ойларын айтады)

Жалпы балалар, сендердің айтып жатқан ойларың дұрыс. Бұл адамдар дұрыс тамақтанбаудың салдарынан, денсаулықтарын жоғалтқан.

Кіріспе әңгіме: тамақтану – адам ағзасы үшін аса маңызды қажеттілік.біздің денсаулығымыз көбінесе қалай тамақтануымызға байланысты. Адам күш-қуат жұмсайды, соны қалпына келтіру үшін дұрыс тамақтану керек. Дұрыс тамақтану – денсаулық негізі.

Өткен кезеңнің данышпан адамдары «Біз тамақтану үшін өмір сүрмейміз, өмір сүру үшін тамақтанамыз»деген. Дұрыс тамақтану дегеніміз бұл аз-аздан әр-түрлі тамақтарды қабылдау. Ағза үшін жұмыс атқарады, сондықтан уақытылы тамақтануды талап етеді. Ағзада қоректік заттар қарапайым заттарға ыдырайды да, қуат бөліп шығарады.

Тағам өнімдері өсімдік және жануартекті болады. Өсімдіктекті тағамдарға: жемістер мен көкеністер, нан, қант, өсімдік майы жатады. Жануартекті тағамдарға: ет, жұмыртқа, ірімшік, сүзбе, балық, құс еті, сары май жатады.

Тамақты жеткіліксіз, артық мөлшерде ішу ағза үшін зиянды.