Экология – өмірдің соғып тұрған жүрегі, 11-сынып жоспары

Тақырыбы «Экология — өмірдің соғып тұрған жүрегі!»

Мақсаты:

Оқушыларға қазіргі таңдағы адамзат баласының алдында тұрған экологиялық проблемелар туралы түсініктерін қалыптастыра отырып, экологиялық тәрбие беру

Табиғатты сүйе білуге, білдірмеуге, ұқыптылыққа тәрбиелеу

Оқушыларды ойлау қабілетін, жалпы дүниетанымын, ғылыми көзқарасын дамыта отырып, өз елінің қамын ойлайтын, табиғат байлығын көзқарашығындай қорғайтын азамат болуға тәрбиелеу.

Керекті құрал – жабдықтар мен көрнекіліктер: Тапсырмасы бар үлестірме қағаздар, топтардың аттары жазылған көрсеткіштер, фламастер, ақ қағаз, «Қазақстанның байлықтары», «Арал тағдыры», «Семей полигоны» видеофильмдерінен үзіліс, «Қазақстан қорықтары» суреттері.

Өткізу әдісі: әңгімелеу, сұрақ – жауап , жарысу.

1.Ұйымдастыру кезеңі.

Кіріспе сөз:

Ей адамзат сен алдымен досынды ұқ,

Сенің досың таза ауа өсімдік

Табиғаттан ала беріп барлығын

Ал, оны қорлау деген не сұмдық — деп әсем табиғаттың ажары мен тепе-теңдігін сақтау байыптау біздің өз қолымызда! Сондықтан бүгінгі сайысымыз :«Экология — өмірдің соғып тұрған жүрегі!» деп атап отырмыз.Бізге келіп отырған қонақтарымызбен таныс болыңыздар . Сайысты бағалайтын әділқазылар.Ал енді сайысымызды бастаймыз.

Бүгінгі сайысқа 2 топ қатысқалы отыр өздерін таныстырып өтсін І-ші топ «Каспий» тобы, ұраны: «Толқынындай Каспийдің тербелеміз, биіктерге білімменен кенелеміз!»

ІІ — ші топ «Арал» тобы ұраны: «Арал деп аталатын тобынан біз, аманатын бабалардың орындаймыз!»

Сайыскерлеріміздің таныстырудағы бағасы.

«Қазақстан -2030» Бағдарламасында Елбасы Н.Ә. Назарбаев «2030 жылы Қазақстан мөлдір сулы, жасыл желекті, ауасы таза аймаққа айналады. Өндіріс қалдықтары мен радиация бұдан былай біздің үйіміз бен бақтарымызға енбейтін болады. Біздің балалар кінаратсыз толыққанды өмір сүретін болады», -деп атап көрсеткен еді. Қазіргі таңда экология өзекті мәселеге айналып отыр. Сондықтан, қоршаған ортаны қорғау-әрбір адамның төл міндеті.ЭКОЛОГИЯ

Енді балалар экранға назар аударып, экология туралы ұғымдарға тоқталайық:

Топырақ экологиясы Жануарлар мен өсімдік экологиясы Су экологиясы

Мұғалім:Айналадағы қоршаған ортаның әсері адам денсаулығын нығайтып, еңбекке деген ынтасын арттырады, организмнің үйлесімді дамуына мүмкіндік туғызып, бос уақытты жан-жақты тиімді пайдалануға ықпал жасайды. Адам табиғат пен Жер-ананың төл перзенті. Табиғат тіршілік көзі, сондықтан да табиғи заңдылықтарды қатаң сақтау керек.

Осы тақырыпта Қадыр Мырза Әлінің мынадай өлең шумақтары бар:

Табиғаттан бабамыз ала берген секілді,

Дархандықты қазаққа дала берген секілді.

Еркелікті, ерікті желден алған секілді,

Мөлдірлікті көгілдір көлден алаған секілді. (Қ.Мырза Әлі.)

2 тапсырма Үй жұмысы сурет салу қорғау

І топқа “Табиғатты қорғау, аялау”