Экология өмірдің соғып тұрған жүрегі сабақ жоспары

Сабақтың тақырыбы

«Экология-өмірдің соғып тұрған жүрегі»

(5-7 сыныптар арасында табиғат,қоршаған орта,экология тақырыбына өлеңдер байқауы)

Сабақтың жалпы мақсаты

Балаларды табиғат әсемдігін көре білуге,оны аялауға,қорғауға тәрбиелеу.Өз атамекенін сүюге тәрбиелеу мен қорғауға баулу.Оқушылардың ойлау қабілетін,сауатты сөйлеу дағдысын дамыту.

Әдіс-тәсілдер

Өлеңдер жаттау

Сыныпта ынтымақтастық атмосферасын қалыптастыру

Жеке оқушымен жұмыс,өлеңдер жаттау.

Сабақтың талаптары:

-өлеңнін тақырыпқа сай келуі;

-өлең жолдарының ұқсастығы;

-өлеңді мәнерлеп оқу шеберлігі;

Сабақ барысы

Кіріспе:Құрметті ұстаздар,байқауға қатысушы талапкерлер!Бүгінгі «Экология-өмірдің соғып тұрған жүрегі»атты байқауымызға қош келдіңіздер!Байқауға қатысушы талапкерлер табиғат,экология және қоршаған орта туралы ақындардың және де өздері шығарған өлең шумақтарын сіздердің алдарыңызда орындамақ.

Қазылар алқасы талапкерлердің бағасын қорытынды кезеңінде берілетінін ескерте кетеміз.Талапкерлерді қошеметтеп,сахна сыртына шығарып салайық.

Ән:«Желсіз түнде жарық ай» Орындаушы:Сүндетова Ақшолпан

Жүргізуші:Табиғат-тіршілік атаулының құтты қоныс мекені,тіршіліктің түлеп өсуіне қажетті нәрі,жер бетіне көрік берген сәні.Халық ұғымында табиғат,қоршаған орта сөзі-жер,аң,туған жер,атамекен сөздерімен қатар тұрады.Көшпелі тұрмыс кешкен қазақтар өзінің барлық ақыл-ойын қоршаған ортамен байланыстырған.

Ну орман,жасыл орман,мынау орман,

Далаға қорған болып тұра қалған.

Барлығы баласындай бір-ақ үйдің,

Барлығы жаралғандай бір адамнан.

Табиғат әсемдіктің төркінісің,

Ән саламыз бір сенің көркің үшін.

Жан-жануар табынып бір өзіңе,

Сенен алып тұрғандай бар тынысын-дей келе ортаға бірінші қатысушымыз Бартбек Еркебұланды «Табиғат» өлеңімен шақырамыз.

(осылайша талапкерлер кезекпен шыға береді)

Күн сәулесі төгілгені әдемі,

Алуан түрлі қызыл гүлдер әдемі.

Сылдыр қаққан мөлдір суда әдемі.

Биік –биік шыңдарым да әдемі.

Айдын көлде аққу қандай әдемі

Сұңқар құстың самғағаны әдемі

Даланы әнге бөлеген құстарым қандай әдемі

Мөлдіреген көздері киігім қандай әдемі

Ақ көрпеге оранған қысым қандай әдемі.

Масатыдай құлпырған көктем қандай әдемі

Асыр салып ойнайтын жазым қандай әдемі.

Сары түске боялған күзім қандай әдемі.

Осылайша табиғатқа бір қарап

Табиғатпен сырласуда әдемі.

Жер-Ананы аяласаң жан-тәнмен

Боласыңдар сендер де, дүниедегі ең әдемі!

Ән:«Сәлем саған туған ел» Орындаушы:Утебаева Аяжан,Ыспанова Маңдайлым

Қорытынды

Табиғат,сен тіршілік,тұнып тұрған,

Сен күнсің көтерілген күліп қырдан.

Сен көлсің,сен армансың,сен бұлақсың,

Адамға сұлулықты шын ұқтырған!