Электр тогының жұмысы мен қуаты бойынша сабақ жоспары

"Қазтұтынуодағының Қостанай жоғары экономикалык колледжi" Мекемесі

Пәні бойынша: физика

Тақырыбы: «Электр тогының жұмысы мен қуаты»

Мамандығы бойынша: 0516000 «Қаржы»

Құрастырған оқытушы: Қамидоллаұлы Мейрамбек

2019-2020 оқу жылы

Мазмұны

1.Кіріспе.

2. Сабақтың технологиялық картасы.

3.Әдебиеттер тізімі.

Кіріспе.

Бұл сабақ жаңа білімді меңгерту,сабақта әр түрлі технология элементтері кіріктіріліп қолданылады.Студенттер топпен және жеке жұмыстар жасайды,берілген тапсырмалар мен сөзжұмбақтарды жалпылама топпен орындаса,таратпалармен берілген тапсырмаларды жеке орындайды.

Электр тогының күнделікті өмірдегі орнының жоғары екенін,оның атқаратын жұмысының маңыздылығын,шамасын түсіне біледі.

Сабақ үш деңгейде құрылған:

1.Өткен сабақты пысықтау,нақтылау,электр тогының не екендігін толық ұғыну.

2.Жаңа сабақты жан-жақты баяндау арқылы жеткізу.

3.Жаңа сабақты пысықтау,қортындылау,тапсырмалар орындау.

Сабақ барысында студенттер топпен жұмыс жасай алады,шамаларды анықтау,оны есептей алу қиындық туғызған жоқ.

Ашық сабақтың әдістемелік әзірлемесі.

Күні

Топ.

Пән: физика

Сабақтың тақырыбы: «Электр тогының жұмысы мен қуаты».

Сабақтың типі: жаңа білімді меңгерту.

Сабақтың түрі: аралас

Сабақтың мақсаттары:

Білімдік: Зарядтар орын ауыстырғанда электр күші

атқаратын жұмыс пен уақыт бірлігі ішінде атқарылған токтың жұмысын

көрсететін шама қуат және өткізгіштер қызған кезде бөлінетін жылу мөлшері

жайлы мағлұматтар беру.

Дамытушылық: Өзіндік көзқарастары мен логикалық ойлау қабілеттерінің қалыптасуына, ойлау және ой жетілдігі дағдылары мен біліктіліктердің дамуына, топтық жұмыстар кезінде өзгеің пікірін сыйлау, өз көзқарасын ұтымды жеткізе алу және оны қорғай алу машығын дамытуға жағдай жасау, электр тогы жайлы білімдерін дамыта отырып, алған білімдерін күнделікті өмірмен байланыстырып, практикада қолдана білуін жетілдіру.

Тәрбиелік: оқушылардың логикалық ойлау, есте сақтай қабілеттерін дамыту, электр сұлбаларын талдай отырып, электр энергиясын үнемдеуге тәрбиелеу.

Пәнаралық байланыс:

1.Электротехника негіздері-«Тұрақты токтың заңдары»

2. Математика-есеп шығару

Көрнекі құралдар:

Компьютер, мультимедиялық проектор, экран; жеке карточкалар, тест.

Сабақтың барысы

I.Ұйымдастыру кезеңі:

1.Аудиторияның даярлығын бақылау.

2. Студенттерге жағымды ахуал туғызу

Эпиграф: Ғылымды терең ұғынуға тырыссың,

Таныммен мәңгілік шөліңді қандырарсың.

Ең алғашқы танымың нұр болып жарқыраса,

Білімнің шексіз екенін сонда ғана білерсің.

Фирдауси

II. Өткен материалды қайталау және:

1.Электр тогы дегеніміз не?

2. Электр тогының пайда болу шарттарын ата ?

3. Тұрақты электр тогы дегеніміз не?

4.Тұрақты токтың қандай заңдарын білесіздер?

5.Электр тогын сипаттайтын қандай физикалық шамаларды білесіздер?

Есептер

1. Электр тізбегі ЭҚК-і 6 В, ішкі кедергісі 2 Ом ток көзінен және кедергісі 1 Ом өткізгіштен тұрады. Тізбектегі ток күші неге тең?

2. Мыс сымның ұзындығы 100 м, көлденең қимасының ауданы 2 мм2 . Сымның кедергісі неге тең? ρ =0,017 Ом*мм2 /м (Жауабы 0,85 Ом)

Таблицаны толтырыңдар:

Физикалық шама

Белгіленуі

Өлшем бірлігі

Формуласы

Ток күші

Кернеу

Кедергі

Электр заряды

Электр сыйымдылығы

III. Жаңа тақырыпты өту:

Жоспар:

1. Сабақтың мақсаты мен тақырыбын жариялау

2. Жаңа сабақты түсіндіру

Елімізде 2017 жылы не өтті? (ЭКСПО 2017 көрмесі)

Осы көрменің тақырыбы қалай аталады? (Болашақ қуаты)

Осы қуат деген сөзді бұрын естулерің барма? ( 7 сыныпта механикалық қуат)

Қуат неге байланысты? (жұмыс)

Зарядталған бөлшектердің өткізгіш бойымен реттелген қозғалысында электр өрісі жұмыс өндіреді. Оны ток жұмысы деп атаймыз. Қыздыру шамының қылы, электр двигательдерінің орамалары және т.б. арқылы t уақытта өткізгіштің көлденең қимасы арқылы q заряд өтті делік.

Сонда электр өрісі А=qU жұмыс өндіреді. q=It болғандықтан А= I U t . Тізбектің бөлігіндегі токтың жұмысы ток күшінің кернеуге және жұмыс өндіруге кеткен уақытқа көбейтіндісіне тең.

Кез келген электр аспабы– электр шамы, электр двигателі т.б., уақыт бірлігінде белгілі бір энергия тұтынуға негізделген. Сондықтан токтың қуаты деген ұғымның маңызы зор.

Токтың қуаты t уақыттағы ток жұмысының сол уақыт аралығына қатынасына тең:

IV. Бекіту: 1.Әр айдың соңында әрбір отбасы электр энергиясын төлеу үшін түбіртек алады.Парталарыңда электр энергиясын төлеу түбіртегінің үлгісі жатыр. Әрине электр энергиясының шығынын электр санауыштың көрсеткіші бойынша есептедік.Ал формулаларды пайдаланып электр энергиясының құнын қалай есептеуге болады?

Мекен жайы:________________________________________

Аты-жөні:__________________________________________

Есептеу түрі

Есеп көрсеткіші

Шығын

(кВт*сағ)

Тариф,

тг

Төлемі

(тг)

Есеп көрсеткіші бойынша

Барлық студенттердің алдында таратпалар жатыр.Әр электр аспаптарының 2 сағат ішіндегі тұтынған электр энергиясының құнын есептей керек.

Аты-жөні___________________________________

Аспап

Қуат, Вт

Кернеу, В

Ток күші, А

Уақыт, сағат

Жұмыс,

кВт*сағ

Құны, тенге

Электр шамы