Ең үздік оқырманды анықтауға арналған ашық сабақ

« Ең үздік оқырман» сайысы

Мақсаты: «Рухани жаңғыру» - болашаққа бағдар» бағдарламасын іске асыру шеңберінде студенттерге кітап оқудың маңыздылығын насихаттап, студент жастарды оқуға тарту, кітаптың құндылығын ұғындырып, дәстүрлі оқуды сақтау және дамыту, кітапхананың мерейін артыру, үздік оқырманды анықтау. Ақын-жазушылардың шығармашылығын халық арасында кеңінен насихаттау, ақын-жазушылардың әдеби мұралары негізінде өскелең жас ұрпақты адамгершілік рухында тәрбиелеу, Отанға, анаға деген сүйіспеншілігін арттыруға және оқушылардың орындаушылық шеберлігін арттыратын, сахналық мәдениетін дамыту.

· Эстетикалық талғамы бай, ойы зерек, қиялы жүйрік, жан-жақты білімді оқырмандар санатын іріктеу.

· Кітапхана мәртебесін маңызды әлеуметтік-мәдени институт ретінде позициялау, кітапхананың жаңа имиджін көрсету.

Көрнекілігі: кітап көрмесі,қанатты сөздер,слайд

Нақыл сөздер:

1.«Кітап- жан азығы», «Кітап- білім бұлағы, білім- өнер шырағы»

2.«Артық білім кітапта, ерінбей оқып көруге.» Абай Құнанбаев

3.«Әрбір адамның ең жақын досы, өмірлік досы кітап болуы тиіс» М.Әуезов

Оқырмандарды кітап оқу өнеріне, дүниетанымын кеңейтуге, білімдерді сарқып білуге, көркем шығармалардың тамашалығын сезінуге, оқығандарын дұрыс бағалай алуға, өмірде, еңбекте, оқуда, кітапты пайдалануға баулу.

Жүргізуші: Армысыздар қадірменді қонақтар, дарынды білім алушылар, оқырмандар!

«Кітапхананың үздік атты оқырманы» сайысымызға қош келдіңіздер!

ХХІ ғасыр - білім, ғылымның ғасыры. Еліміздің Еуразия жүрегіндегі Жаңа Қазақстанды өрнектеудің 2030 жылға дейінгі бағдарламасында талабы таудай, қабілетті, ізденімпаз жастар ұлтымыз үшін мақтаныш, еліміз үшін абырой екені, ондай жастардың әлемдік бәсекелестікке төтеп беретіні, ұлт ақыл-ойының болатыны көрсетілген. Өркениеттің көшінен қалмау үшін біз білім сапанын арттырып, адам ресурсын байытуымыз қажет. Болашақ білімді жастарымыздың қолында. «Оқитын Қазақстан» бағдарламасын басшылыққа ала отырып, бүгінде кітапханалар- еліміздің болашағы, жастардың ғылым, білім жолындағы өмірлік құлшынысына айналып отыр. Осыған орай, біз кітапхананың білімді де таланты оқырманын анықтау үшін «Үздік оқырман» сайысын өткізгелі отырмыз.

І кезең: Таныстыру(электронды тұсаукесер түрінде таныстыру, уақыты – 5минут)

1-топ Оқырмандар. Айбек

Оқырман да гүл ғой бір.Жан-бесікке жата қалар тілдей жыр.Əр тағдырдың кеудесінде бір мұң бар,Қалай сеніп, кімге айтарын білмей жүр.Бар тірлікті салып көріп теңдеуге.Пенде көңіл кісінейді белдеуде.

2-топ Жазушылар. Ақниет

Қазағымды білмейтін ел жоқ бүгін!Жетті бізге бабам күткен ғажап күн,Елордам бар, енді бүгін азатпын,Жазушылар үйіне мен бас ием,Жазушымын, Ақынымын қазақтың!Кеудемізде көл-көсір боп көбейді ой,Жүрегіме нұрын шашып бөлейді ой,

Сайысымыздың бірінші турында « Жасырын сұрақтар»

«Оқырмандар мен Жазушылар» командаларға жасырын сұрақтар

1.1975 жылы Алматыда шыққан «Азия» кітабының авторы кім? (Олжас Сүлейменов)

2. «Көшпенділер» трилогиясының авторы кім? (Ілияс Есенберлин)

3. Қазақ халқын дүние жүзіне танытқан шығарма (М.Әуезовтың «Абай жолы»)

4. Ең көп шығарма жазып қалдырған қандай жазушыларды білесің бе? (М.Әуезов - 50 томдық)

5. Қазақ әліппесін жасаушы ғалым.(Ахмет Байтұрсынұлы)

6. Жылдың 4мезгіліне өлең жазған ұлы ақын.(Абай Құнанбаев)

7. . 23-сәуір қандай мереке? (Халықаралық кітап күні)

8. «Менің атым-Қожа» кітабының авторы.(Бердібек Соқпақбаев)