Энергия түрлері туралы ашық сабақ жоспары, 5 сынып

Энергия және қозғалыс

Мектеп: “№7 “Тұран” мектеп-гимназия” коммуналдық мемлекеттік-мекемесі

Күні: 08.02.2019ж.

Мұғалімнің аты-жөні: Оспанова Фатима

Сынып: 5 «А»

Қатысқандар саны:

Қатыспағандар саны:

Сабақ тақырыбы

Адамға энергияның қандай түрлері белгілі?

Осы сабақта қол жеткізілетін оқу мақсаттары (оқу бағдарламасына сілтеме)

5.4.11.1. Энергияның түрлерін біледі және ажыратуды үйренеді;

5.4.11.2. Энергияның өзара айналымына мысал келтіреді;

5.4.11.3. Энергияның шығынын, азық-түлік өнімдерінің құрамындағы калория мөлшерін білу арқылы әр оқушы дұрыс тамақтанудың маңыздылығын біледі;

Сабақ мақсаттары

Білім алушылар:

- Энергияның түрлерін, өзара ауысуын, энергия шығыны туралы тапсырмаларды орындайды;

- Жаңа тақырып бойынша мұғалімнің көрсеткен тәжірибелерінің қорытындысын айтуда қатысады;

- Топтық талқылау кезінде энергияның шығыны және тағам құрамындағы калория бойынша ақпарат алмасады;

- Презентацияда негізінде берілген ақпаратты талдайды және жаңа білімді бекіту тапсырмаларын орындайды;

Бағалау критерийлері

Барлық білім алушылар:

- Механикалық энергия, жылу энергиясы, электр энергиясы, энергия шығыны туралы біледі және түсінеді.

Білім алушылардың басым бөлігі:

- Энергияның түрлерін ажырата алады және бір түрден екінші түрге алмасуын мысалдар келтіру арқылы айта алады.

Кейбір білім алушылар:

- Энергия түрлерін, қызметін, маңызын, тамақтану кестесі бойынша алған калорияны есептеп шығара алады.

Тілдік мақсаттар

Білім алушылар біледі:

- Кілтті сөздер мен терминдерді дұрыс қолдануды;

- күнделікті өмірде кетіретін энергия шығыны және тамақтану кезіндегі ккалориясы туралы айта алады ;

- күнделікті өмірдегі көп байқайтын энергиясы туралы түсіндіре алады.

Пәнге тән лексика мен терминология:

Энергия, механикалық энергия, жылу энергиясы, электр энергиясы, қозғалыс, калория, энергия шығыны

Диалог пен жазу үшін пайдалы сөздер мен тіркестер:

Адам спортпен айналысқанда..., себебі …

Пештің жануы...энергияға жатады, өйткені….

Сабақты оқып отыру кезде … энергия шығыны жұмсалады, себебі….

Таңғы ас кезде тұқым жеу пайдалы, себебі …

Адам жақсы тамақтанып жүрсе..., себебі,…..

Пәнаралық байланыстар

Физика, химия, дене шынықтыру

Бастапқы білім

Оқушылар жылудың тірі табиғатта маңызды рөл атқаратынын және қыздырылған денелерден салқынырақ денелерге берілетінін, біледі. Үйдегі жылу көздерін біледі. Дене мен ауаның температурасын өлшеу үшін термометрді қолдана алады. Электрдің күнделікті өмірдегі маңыздылығын, электр тогы көздерін біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Басы

Білім алушылармен сәлемдесу

Білім алушыларды түгендеу

Психологиялық атмосфераны қалыптастыру (Әр оқушы бір алқадан таңдау арқылы, ұлға не қызға жақсы лебізін айтып тағады. Олардың арасында осы арқылы біріне –бірі деген сенім, жақсы қарым-қатынас орнатуда өз септігін тигізіп, олардың өмірде де шынайы жеңімпаз болуларына әсер етуі мүмкін)

Жеңімпаз алқалары

Тест арқылы үй тапсырмасы «Жанды және жансыз табиғат денелеріндегі үдерістер» тарауы бойынша қайталау тапсырмалар арқылы сұралады

Су айналымы туралы не білесіңдер?

Қара шірінді қалай пайда болады және оның маңызы не?

Биоценоз деген не және мысал келтір

Популяция дегеніміз не және мысал келтір

Өсімдіктер қалай тыныс алады?

Біржасушалы организмдердің қандай маңызы бар?

Үй тапсырмасын бекіту және бағалау (хатқа жауап беру арқылы бірін бірі бағалап почтаға қайта салады)

Тест парақшалары

Білім алушыларды түрлі азық-түліктер арқылы топтарға бөлу.

Жетелеуші сұрақтар қою арқылы білім алушылармен бірге сабақтың тақырыбын ашу және сабақ мақсаттарын анықтау (слайд-1,2)

Мұғалім жаңа тақырыпты ашу үшін білім алушылардың қолындағы заттарға байланысты сұрақтар береді.

Слайдтағы заттар атаулары қандай балалар?

Олар бізге не үшін қажет?

Сабақ тақырыбын білім алушылардың көмегімен ашып, сабақ мақсатымен таныстыру.

Оқулықпен жұмыс. Энергия түрлерін схема арқылы жазады.

Энергия – объектінің немесе жүйенің өзгерістер туғызу немесе

жұмыс жасау мүмкіндігі. Энегргияның бірнеше өлшем бірліктері

бар, бірақ кейбірі ескірген, ал кейбірі тек нақты жағдайларда ғана

қолданылады.

Энергияның негізгі көзі – Күн.Энергияның түрлері: механикалық энергия, жылу энергиясы, электр энергиясы.

Адамның энергияны қажет етуі килокалориямен (ккал) өлшенеді.

Ой қозғау.Оқушылар слайдтағы суреттерді қарайды:

қозғалыстағы автомобиль, ұшақ (механикалық энергия), жанып тұрған үстел шамы, зарядталып тұрған ұялы телефон (электр энергиясы), балауыз, Күн (жарық энергиясы), газ пеші, үй жылытқыш (жылу энергиясы), гальвани элементі (химиялық энергия).

Оқушылар осы суреттерді топтар ішінде талқылағаннан кейін келесі сұрақтарға жауап береді:

Автомобиль мен ұшақ не себептен қозғалады?

Электр шамы мен ұялы телефон қалай жұмыс жасап тұр?