Ерте жас тобына арналған кеңейтілген циклограмма

ЦИКЛОГРАММА

І апта ( 4-8қыркүйек, 2017 ж.)

«Қулыншақ» тобы

Өтпелі тақырып «Балабақша»

Тақырыпша «Менің балабақшам»

Балаларды қабылдау

Тәрбиешінің балалармен қарым-қатынасы. Балабақша туралы жан-жақты әңгімелесу, қарым-қатынас және көтеріңкі көңіл-күй орнатуға арналған ойындар ұйымдастыру. Жағымды жағдай орнату. Балалардың көңіл -күйлеріне назар аударып, қызуын өлшеп қабылдау. Медбике, психологпен бірлескен жұмыс.

Ата – аналармен әңгімелесу

Қабылдау ережелері, демелыс күндерін өткізу дәстүрлері т.б. бойынша ата-аналармен пікірлесу;

Баланың өміріндегі екінші әлеуметтік орта - балабақша туралы, ондағы тәрбиелеу мен оқыту үдерістері жайлы әңгімелесу; Балалардың өсуі мен дамуы үшін отбасында жасалынған жағдай жөнінде әңгімелесу;

Балаларды үлкендерді құрметтеуге тәрбиелеу мәселелері, озық іс-тәжірибелер бойынша әңгімелесу;

Өзін – өзі күтуге және жақындарына көмек беруге үйрету тақырыптары бойынша сөйлесу, пікірлесу

Ойындар (үстел-үсті, саусақ және т.б. )

Үстел- үсті ойыны: «Ойық ішіндегі заттарды орналастыру»

Құрылыс ойындары: «Балабақша» құрастырып ойнау, тату ойнауға үйрету.

«Менің балабақшам» Фото сурет құрастыру. Фото суретте бейнеленген гүлдерді және балабақша маңында өсіп тұрған гүлдерді табу.

Саусақ ойыны:

Саусағымда сақина

Санап көрші кәнеки

1,2,3 Бір, екі үш

Демалайық жинап күш.

«Сөйлемей көрейікші» ойыны (үндемес)

Таңертеңгі гимнастика (5 мин)

Музыка әуенімен таңертеңгілік жаттығулар кешені. Ұйқы ашатын музыкалық-ырғақты қимылдарды орындау.

Қазақстан Республикасының мемлекеттік Әнұранын айту.

Таңғы ас

Тамақ ішу мәдениетін, үстелде отыру, тамақтану, асхана құралдарын дұрыс ұстау мәдениетін қалыптастыру және сақтау

Ойындар, ұйымдастырылған оқу қызметіне дайындық

«Балабақша бөлмесіндегі гүл» ойыны

«Менің балабақшам» суретін үлгі бойынша құрастырып ,әңгіме айтып беру

Балабақшадағы ойыншықтармен ойнату, балалардың бір- бірімен ауызша қарым - қатынас жасауына ықпал ету

Өлеңді жаттау:

Балабақша есігін,

Үшке тола ашқанбыз.

Балапандай өсіріп,

Мәпелейді бақшамыз.

Үстел үсті ойыны: «Менің балабақшам»

Ұйымдастырылған оқу қызметтері

1.Сөйлеуді дамыту

Тақырыбы: «Қуаныш және сүйіспеншілік үйі».мәдениетті сөйлеуге тәрбиелеу

Мақсаты:Сөзді дыбыстау мәдениетін тәрбиелеуге арналған дидактикалық ойындарды қолдану. Балабақша туралы түсінік беру, достарына қамқор болуға тәрбиелеу

Дидакти-қ ойын:

«Менің балабақшам» (Воскобовичтің дамытушы ойындары)

Көрнекіліктер:Қоян, тиін, доп ойыншықтары, балабақша қызметкерлерінің суреттері

Әдіс –тәсілі: ойын технологиясы.

Күтілетін нәтиже:

Түсінеді : балабақшада кімдердің жұмыс жасайтынын және олардың еңбектерінің нәтижелеріне құрмет көрсетуді.

Қолдана алады:

сурет бойынша әңгіме құрастыра алады.

2.Музыка

Тақырыбы: «Менің балабақшам»

Мақсаты: Балабақшаға сүйіспеншілігін арттыру. Ән арқылы қуана білуге үйрету. Әнді көңілді, ынталы жеткізе білуге дағдыландыру

Әуенді ырғақты қимыл:

«Қосарланып билеу»

литва халық әні.

Музыка тыңдау: «Балабақшам»С.Шынымов

Ән айту: «Біздің балабақшамыз»сөзі:

Т.Молдағалиев

Ойын ойнау:

«Өз орныңды тап!» Қимылды ойын

Күтілетін нәтиже:

Қайталай алады:Әннің сөздерін;

Түсінеді : әннің не туралы екенін;

Қолдана алады:

Әнді көңілді айтуды, қосарланып билеуді

3. Сурет:

Тақырыбы: «Балабақшадағы түрлі түсті шарлар» (заттық сурет салу)

Мақсаты: сурет салу барысында дөңгелек және сопақша пішіндерді ажырата білуге үйрету. Бояу тәсілін бекіту.Баланың ойлау, көру, есту қабілеттерін және ұсақ қол қимылдарын дамыту.

Дидакти-қ ойын:

«Балабақшада»

Көрнекілік:Альбомдартүрлі түсті дөңгелек, сопақша шарлар, үлгі сурет.

Күтілетін нәтиже:

Түсінеді: сурет салу барысында дөңгелек және сопақша пішіндерді ажырата білуді.

Қолдана алады: үлгі бойынша пішінін ескере отырып сурет салады.

1.Көркем әдебиет

Тақырыбы:

Ф. Оңғарсынованың «Үй жақсы ма, бақша жақсы ма?» өлеңі.

Мақсаты:Өлеңді түсініп, есте сақтауға үйрету.Есте сақтау қабілеттерін, зейінін, тілін дамыту.

Дидакти-қ ойын:

«Менің балабақшам»

Көрнекілік: Хат, балабақша мен үйдің суреті, бейнетаспа, автордың суреті, дүрбі, Венн диаграммасы, өленге тірек сурет

Әдіс тәсілі: ойын технологиясы. Күтілетін нәтиже:

Түсінеді :

үй мен балабақша арасындағы айырмашылықтарды.

Қолдана алады: сөздерді анық айтып,өлеңді жатқа эмоционалды айта алады.

2.Қарапайым математикалық ұғымдарды қалыптастыру.

Тақырыбы: «Біздің бақшада»

Мақсаты: Әртүрлі түстен, өлшемнен тұратын заттардың жиыны туралы түсініктерді қалыптастыру.5 көлемінде санау, заттарды үлгісі бойынша және аталған саны бойынша санау дағдысын қалыптастыру.

Дид-қ ойын: «Балабақша» (Дьенеш блоктарымен)

Әдіс тәсілі: ойын технологиясы. Күтілетін нәтиже:

Түсінеді: жиын туралы ұғымды түсінеді.

Қолдана алады:

5 көлемінде санап, ретімен атай алады.

3.Дене шынықтыру

Сапта бір-бірлеп жүру, жүруді жүгірумен кезектестіру.Еденге қолымен сүйеніп, шығыршық ішінен өту. Тақтай бойымен тепе-теңдікті сақтап жүру.

Қимылды ойын:

«Балабақшаға апарар жол».

Көрнекіліктер: 4 шығыршық (диаметрі 50 см) екі тақтай (ені 20 см), баланың санына қарай жалаушалар.

Әдіс тәсіл: Денсаулық технологиясы

Күтілетін нәтиже:

Қайталай алады: Қолын еденге тигізбей шығыршық ішімен өтуді.

Түсінеді :

жаттығуларды орындау барысында бір - бірден

тізбекпен және шашырап жүгіруді. Қолдана алады:алған білік дағдыларын қолданады.

1. Құрастыру:

Тақырыбы: Балабақша ғимараты (құрылыс материалдарынан құрастыру)

Мақсаты: «іргетас» ұғымымен таныстырып, балабақша ғимаратын құастыруға үйрету; еңбексүйгіштікке тәрбиелеу; үлкен құрылыс материалынан екі қабатты ғимарат құрастыруға дағдыландыру.

Дид-қ ойын: «Балабақша» (Дьенеш блоктарымен)

Көрнекілік: Қоян, тиін, доп ойыншықтары. Әдіс –тәсілі: ойын технологиясы

Күтілетін нәтиже:

Түсінеді : жаңа сөздердің (іргетас) мағынасын.

Қолдана алады: құрылыс бөлшектерін атап, оның құрылымдық қасиеттерін ескере отырып, пайдаланады.

2.Дене шынықтыру

Еденге қолымен сүйеніп, шығыршық ішінен өту.

Бір орында тұрып, екі аяқпен секіру(2-3рет жүрумен кезектестіре отырып, 10 рет секіру).Заттар арасымен доптарды домалату.

Қимылды ойын:

«Жылдам барайық бақшаға»

Көрнекіліктер: 4 шығыршық (диаметрі 50 см) екі тақтай (ені 20 см), баланың санына қарай жалаушалар.

Әдіс тәсіл: Денсаулық технологиясы

Күтілетін нәтиже:

Қайталай алады: қолын еденге тигізбей шығыршық ішімен өтуді,

Түсінеді: Бір орында тұрып, екі аяқпен секіруді.

Қолдана алады:заттар арасымен допты домалатады.

1. Жаратылыстану

Тақырыбы: «Балабақша ауласына саяхат»

Мақсаты: Балабақша ауласындағы және маңайындағы өсімдіктерді, ағаштар мен бұталарды атауға үйрету.

Дид-қ ойын: «Ағашты тап»

Көрнекілік: Балабақша ауласындағы өсімдіктер мен ағаштар суретін бейнепроектор мен көрсету. Әдіс- тәсілі: Ойын технологиясы Күтілетін нәтиже:

Түсінеді: балабақша ауласындағы

ағаштар мен бұталардың айырмашылықтарын түсінеді.

Қолдана алады: өсімдіктерді бақылап, оларға күтім жасайды.

2. Музыка

Тақырыбы: «Менің балабақшам»

Мақсаты: Балабақшаға сүйіспеншілігін арттыру. Ән арқылы қуана білуге үйрету. Әнді көңілді, ынталы жеткізе білуге дағдыландыру

Әуенді ырғақты қимыл:

«Қосарланып билеу»

литва халық әні.

Музыка тыңдау: «Балабақшам»С.Шынымов

Ән айту: «Біздің балабақ-шамыз»сөзі:Т.Молдағалиев

Ойын ойнау:

«Өз орныңды тап!» Қимылды ойын

Күтілетін нәтиже:

Қайталай алады:Әннің сөздерін..

Түсінеді : әннің не туралы екенін.

Қолдана алады:

Қосарланып билеуді.

1.Мүсіндеу

Тақырыбы: «Балабақшадағы әр түрлі доптар»

Мақсаты: Түрлі тәсілдерді қолдана отырып, таныс заттарды өзіне тән ерекшеліктерін ескере отырып мүсіндеуге үйрету.Тазалыққа, ұқыптылыққа тәрбиелеу.

Дидакти-қ ойын:

«Балабақшада»

Әдіс тәсілі: ойын технологиясы

Күтілетін нәтиже:

Түсінеді:

ермексазды домалату, есу әдістері арқылы допты мүсіндеуді.

Қолдана алады: домалату, мыжу, шымшу тәсілдерін қолданады.

2.Дене шынықтыру

Еденге қолымен сүйеніп, шығыршық

ішінен өту. Тақтай бойымен тепе-теңдікті сақтап жүру.8м дейінгі қашықтықта заттар арасымен тура бағыт бойынша төртағандап еңбектеу.

Қимылды ойын:

«Балабақшада кім бірінші?».

Көрнекіліктер: 4 шығыршық (диаметрі 50 см) екі тақтай (ені 20 см), кеглилер.

Әдіс тәсілі: денсаулық технологиясы Күтілетін нәтиже Қайталай алады: қолын еденге тигізбей шығыршық ішімен өтуді;

Түсінеді: тақтай бойымен тепе-теңдікті сақтап жүруді.

Қолдана алады:

8м қаш-қа заттар арасымен төрттағандап еңбектеуді біледі.

II Таңғы ас

Тамақ ішу мәдениетін, үстелде отыру, тамақтану, асхана құралдарын дұрыс ұстау мәдениетін қалыптастыру және сақтау; Сөздік материалдарды қолданып, тамақ ішу ережелерін сақтауға баулу.

Серуенге дайындық

Балалардың киіну реттілігін бақылау, киінгенде түймелерін қадап, аяқ киімінің бауын байлауды, киіміндегі олқылықтарды жөндеуді қадағалау. Киім шкафтарын таза ұстау және жинау.

Серуендеу

Бақылау:Бұлтты бақылауМақсаты: Балаларға бұлттың неге ұқсайтынын қай бағытқа көшіп жатқанын бақылатып әңгімелеу.Еңбек: Учаскедегі шашылған ағаш бұтақтарын жинату.Қимылды ойындар: «Ақ қоян», «Күзгі тіршілік»Балалардың өз еріктерімен жасалатын іс-әрекеттері

Бақылау: Жәндіктерді бақылауМақсаты: Күзде жылы жаққа ұшқан құстарды бақылату.Еңбек: Бөлме гүлдерін суару.Қимылды ойындар: «Құс болып ұшамыз»Балалардың өз еріктерімен жасалатын іс-әрекеттері

Бақылау:Күз мезгілінде желді бақылауМақсаты: Күз мезгіліндегі желдің салқын болатынын айту. Балалардың тілін дамыту, әңгімелеу арқылы.Еңбек: Учаскедегі шашылған қағаздарды жинау.Қимылды ойындар: «Күн мен түн»Балалардың өз еріктерімен жасалатын іс-әрекеттері

Бақылау: Ағаштардан желмен ұшып түсіп жатқан жапырақтарды бақылауМақсаты: Жапырақтардың ағаштардан қалай түскенін бақылап, әдемі жапырақтардың айналаға қалай сән беріп тұрғанын әңгімелету.Еңбек: Шашылған жапырақтарды ұшып келген қағаз қалдықтарын жинау.Қимылды ойындар: «Тақия тастамақ»Балалардың өз еріктерімен жасалатын іс-әрекеттері

Бақылау: Құмдағы іздерді бақылау.Мақсаты: Учаскелердегі құмдағы іздердің кімнің ізі екенін айыра білуге үйрету.Өз іздерін бір-бірімен салыстыру.Еңбек: Құм салғыштағы құмды күрекшелерімен көтеру.Қимылды ойындар: «Тышқан мен мысық»Балалардың өз еріктерімен жасалатын іс-әрекеттері

Серуеннен оралу

Балалардың дұрыс шешінуін, шкафқа киімдерін орналастыру тәртібін бақылау. Жинақылыққа тәрбиелеу. Мәдени-гигиеналық талаптарды орындауларын қадағалау

Түскі ас

Ұқыпты тамақтану дағдыларын, ас құралдарын қолдану дағдыларын жетілдіру. Тамақтану алдында мұқият жуынуды, тамақтану әдебін сақтап, асты аз-аздан алып, шусыз жеуді үйрету. Тамақтан соң ауыздарын шаюды қадағалау.

Түскі ұйқы

Балалардың тыныш ұйықтауына жағымды жағдай орнату.

Біртіндеп ұйқыдан ояту, шынықтыру шаралары

Жалпақ табандылықтың алдын алу мақсатында ортопедиялық жол бойымен жүру.

«Қайық» - Төсекте ішпен жатып , қолды иекке таяп қою, жартылай тұрып оңға- солға тербелу.

«Кемпірқосақ» - Төсекте арқамен жатып аяғымен ауада шеңбер жасау.

«Созылу» - Төсекте аяқтары бірге, қолды денесінің қалпымен жоғарыға созып, арқасымен жатып керілу.

«Тышқандар» - Массажды кілемшеде аяқ ұшымен және өкшемен айналу

Бесін ас

Ұқыпты тамақтану дағдыларын, ас құралдарын қолдануды жетілдіру. тамақтану алдындамұқият жуынуды, тамақтану әдебін сақтап, асты аз-аздан алып, шусыз жеуді үйрету. Тамақтан соң аузын шаюды қадағалау.

Ойындар, дербес әрекет

Балалармен жеке жұмыс : «Бұлт»

Қ. ӘлімқұловТүрленді дала, бау- бақшаҚұлпыра қалды тау жақтаҚара бұлтты жел қуыпЖөкеп берді аулаққа

Үстел үсті ойыны: «Менің балабақшам»

Мақсаты: үлгі бойынша орналастыру тәсілдерін қолдана отырып, картиналар құрастыру.

«Мақал мәтелдер»

Мақсаты: Айтылған мақал- мәтелді қайталап айтып беруге дағдыландыру.

« Менің балабақшам» Жандос, Әсеммен жеке жұмыс.

Мақсаты:

Суретті үлгі бойынша бояп, эстетикалық талғамын дамыту.

«Санамақ айту»Бөрік тіктімОн ойланыпТоғыз толғанып,Сегіз рет сызып,Жеті рет бұзып.Алты рет қарап,Бес рет санап,Төрт рет қадап.Үш тал үкі тағып,Екі қолым талып.Бір бөрік тіктім,Әзер деп біттім.

Баланың жеке даму картасына сәйкес жеке жұмыс

Жеке баламен жұмыс:

Мақсаты: Диаспен сурет оқу қызметі бойынша түрлі түсті шардың суретін үлгі бойынша салдыру, қарандашты дұрыс ұстауға үйрету.

Жеке баламен жұмыс: Мақсаты: Шадиярмен сөйлеуді дамытудан «Менің балабақшам» өлеңінде «ң» дыбысын дұрыс айтуға жаттықтыру.

Жеке баламен жұмыс: Мақсаты: Нұрила , Диасқа құрастырудан балабақша ғимаратын берілген үлгі бойынша дұрыс құрастыруды үйрету.

Вариативтік компонент

«Қызықты ағылшын тілі»

Вариативтік компонент

«Ойнайық та –ойлайық» В.Воскобовичтің дамытушы ойындары.

Серуенге дайындық

Балаларды киінгенде түймелерін қадап, аяқ киімінің бауын байлауды, киіміндегі олқылықтарды байқап, оны дұрыстай білулерін қадағалау.

Серуен

Балабақша ауласына серуен.

Балалармен әңгімелесу.

Кешкі ас

Ұқыпты тамақтану дағдыларын, ас құралдарын қолдануды жетілдіру. тамақтану алдындамұқият жуынуды, тамақтану әдебін сақтап, асты аз-аздан алып, шусыз жеуді үйрету. Тамақтан соң аузын шаюды қадағалау.