Ертегі тәрбиелеу құралы, 2 сыныпқа арналған мақала

Аққайың мен Қарағаш

Сылдырап мөлдір су ағып жатқан таза бұлақтың жанында екі ағаш қатар өсіп тұрыпты. Оның бірі-Ақ қайың,екіншісі-Қарағаш екен. Олар бір-бірімен өте тату əрі дос болыпты. Сыбдырлаған желдің үнімен бірге тербеліп, жарасып бірге өсіп келе жатқандықтан өзара сырлас және сыйлас болыпты, ылғи бірге оянып бірге ұйқтайды екен.

Олардың татулығы тобылғы ағашына ұнай қоймапты. Тобылғы өзі маймиған орта бойлы əрі жуантық, ана екеуі сияқты желмен тербелген əдемі солқылдақ,нәзік болмағанына да іштей өкініпті.Іштарлық маза бермей бір күні қараңғы түнде ол Ақ қайыңға келіп былай депті. - Мен Сізге бір шындықты айтқалы келдім. Мына көршіңіз Қарағаш, сіз ұйқтап кеткенде бұлақ суының бəрін өз тамырына тартады,арнадағы барлық нәрліліктің бәрін өз бойына сіңіріп алады. Сенбесеңіз қараңызшы,ол жуандау əрі күшті, өзі биік, ал сіз гүлдей нәзік əрі жіңішке жəне одан сəл аласалаусыз деп сыбырлапты да тез кетіп қалады.

Қайың бұтақтарын сілкіп-сілкіп тастап ,көршісімен шайқасу үшін ашуға мініп таңды асыға күтеді. Тобылғы енді жайлап ұрлана басып Қарағашқа келеді де былай депті.

- Сіз қалғып тұрғанда Аққайың шидей шыбықтарына былай деп ақыл айтып жатқанын естіп қалдым:

- Қарағаштың шыбықтары өте сиқысыз,қисық-қыңыр, түстері де қап-қара,мінездері де жаман.Оларға қосылмаңдар,бүкіл орманға күлкі боласыңдар,олардың түстері қандай болса іштері де сондай қап-қара деп жатқанын өз құлағыммен естіп қалдым депті.

Қарағашқа бұл сөз қатты тиеді,кіжініп, кектеніп шыдамсыздана таңды күтті. Көкжиектен жайлап шығып,жарқырап күнде күлімдеді . Екі көрші бір-біріне жаман көздерімен қарап,тіпті амандаспады. Əдеттегі сыпайылық та жоқ, бірін-бірі сөзбен шағып жақтыртпапты. Сөйтіп жанжал басталады. Бұтақтарымен бірін бірі шапалақтап ұрып,сарт-сұрт шайқас басталыпты.

Бұл жанжалды бүкіл орман ағаштары естіп,арашалау үшін жүгірісіпті. Содан бері Аққайың мен Қарағаш қатар өспей бір,бірінен алыс қоныстанатын болыпты. Күн ана ғана бұның себебін біліп,тобылғыға ашуын төгіп,күйдіріп жібермек бопты, ыстық жалыннан оның бойы одан әрі аласарып қалыпты. Қатты қорыққан тобылғы орманнан қашып шығып, айдалада жалғыз өсетін болыпты. Ол өз кінәсін түсініп ,Күн анамен өзге ағаштардан қатты ұялып қып-қызыл болып кетіпті. Содан бері ол…