Ертегілер елінде ашық сабағы мектепке дейінгі балаларға

Сабақтың тақырыбы: Ертегілер елінде.

( Буратиноға қалай көмектесеміз?)

Мақсаты: Апта күндері туралы білімдерін бекіту. Есеп құрастырып, шарты мен сұрағын таба білуге және оны шығаруды жалғастыру. Кеңістікті бағдарлау, геометриялық фигураларды ажыратып, дұрыс таба білу дағдыларын қалыптастыру. Ойлау қабілеттерін, зейінін дамыту. Табандылыққа , адамгершілікке тәрбиелеу.

Сабақтың түрі: Ертегі сабақ.

Әдіс –тәсілдер:Көрнекілік, сөйлеу , сұрақ-жауап, мадақтау,дидактикалық ойын.

Денсаулық сақтау технологиясы: Гимнастика-жаттығу.

Қостілділік компонент: апта күндерін атау,(қазақша,орысша ) түстер.

Көрнекі құралдар: конверттер тапсырмаларымен «Буратино » ертегісіндегі Алиса түлкі мен Базилио мысықтың суреті, слайдтар, ертегі кейіпкерлері бейнеленген суреттер, арифметикалық есепті шешуге арналған үйдің бөліктері, геометриялық фигуралар бейнеленген сурет .

Үлестірмелі құралдар: сандар (цифрлар), үйлер әр балаға.

Сыйлық: Алма, қалам.

Алдын -ала жүргізілген жұмыстар: «Буратино» ертегісін көрсету, сергіту сәтін , шаттық шеңберді жаттау, психологиялық дайындық.

Сабақ барысы:

Келген қонақтармен амандасу.

- Сәлеметсіздер ме !

- Здравствуйте!

Психологиялық дайындық.

Сабаққа біз даярмыз.

Жалқаулықты қоямыз.

Үздік оқып сабақты.

Кілең бестік аламыз.

Бір, екі, үщ

Топтың іші тып-тыныш

Жалқаулықты тастаймыз.

Сабақты біз бастаймыз.

Тәрбиеші :

Балалар, мен таңертең балабақшаға келгенде үстелдің үстіңде мына қорап тұр екен. Ішінде хат бар. Оны бізге Буратино жазыпты. Не туралы жазғанын білгілерің келе ме?

Хатты оқып беру.

Қымбатты балалар! Өтінемін маған көмектесіңдерші. Базилио мысық пен Алиса түлкі мені бір бөлмеде қамап қойды, менің кілтімді бермейді. Мына тапсырмаларды орындасам ғана жібереді. Мен жауаптарын білмеймін. Көмектесіңдерші! 1- тапсырма нөмірі 1 деген конвертте.

Тәрбиеші :

Балалар , көмектесеміз бе?

Көмектесеміз !

Тәрбиеші :

Ерасыл , нөмірі 1 деген конвертті алып келші. ( ішіндегі тапсырманы оқу).

№ 1 тапсырма

«Тез сұраққа жауап бер!»

Бүгін аптаның қай күні?

Аптада барлығы қанша күн бар?

Бейсенбіден кейін қай күн?

Сәрсенбінің алдында қай күн?

Аптаның бесінші күні қалай аталады?

«Жұмыс күндері» деп қай күндерді айтамыз?

Демалыс күндер қалай аталады?

Екі мысықта неше құйрық бар?

Жарайсыңдар , жақсы жауап бердіңдер.

Тәрбиеші : келесі тапсырма ол атасынан да, апасынан да қашып, жолмен дөңгелеп келе жатқан кейіпкер, қай геометриялық пішінге ұқсайды?

( Бауырсақ , түсі сары –желтый, дөңгелек, ) дөңгелекке ұқсас пішін қай конвертте? Амина, тауып алып келші.

№ 2 тапсырма

Ертегі кейіпкерлерін ретімен санау.

- оң жақтан санағанда керік нешінші тұр?