Ертегілер елінде ашық сабақ мектепке дейінгі балаларға

Білім беру саласы: «Таным»

Бөлімі: Математика

Тақырыбы: Ертегілер елінде

Мақсаты: Балалардың апта күндері туралы түсініктерін бекіту (қазақ , орыс тілдерінде), тура және кері санауды, ретімен санауды білу, көршілес сандарды таба білу, ауызша есептің құрылымы және оны шығару,есеп құрастыру туралы білімдерін бекіту, геометриялық фигуралар , олардың ұқсастықтары мен айырмашылықтарын білу, кеңістікті бағдарлай білу, есте сақтау қабілеттерін дамыту. Бір-біріне көмек көрсетуге, қайырымдылыққа, адамгершілікке тәрбиелеу.

Сабақтың түрі: саяхат сабақ.

Әдіс –тәсілдер: Шаттық шеңбері, сұрақ-жауап, дидактикалық ойын. Сергіту сәті.

Денсаулық сақтау технологиясы: көзге арналған жаттығулар, ойын биі.

Қостілділік компонент: апта күндерін атау,(қазақша,орысша )1-ден 10-ға дейін тура санау (3 тілде) шырша –ель.

Көрнекі құралдар: «Қызыл телпек» ертегісіне арналған слайдтар, табиғат бейнеленген суреттер,шырша ағашы кеңістікті бағдарлау, арифметикалық есепті шешуге арналған үйдің бөліктері,гүлдер алаңы, «Көршілес сандарды ата» дид. ойыны, геометриялық фигуралардың суреті, қасқырдың суреті.

Үлестірмелі құралдар: сандар (цифрлар), 2 жолақты карточка, 10 түймедақ гүлі, 10 саңырауқұлақ,

Сыйлық: себеттегі бәліштер.

Алдын -ала жүргізілген жұмыстар: Ш. Перро «Қызыл телпек» ертегісін оқып беру, сергіту сәтін , шаттық шеңберді жаттау.

Сабақ барысы:

-Балалар , сендерді көргеніме қуаныштымын.

Шаттық шеңбер.

Армысың, алтын күн!

Армысың, жер ана!

Армысың, достарым!

Армысыздар, қонақтар!

Доброе утро, всем нам.

Доброе утро, всем гостям!

-Ертегілер еліне қонаққа барғыларың келе ме? (Иә)

-Онда менің бір шартым бар, сұрақтарыма дұрыс жауап берсеңдер барамыз.

-Балабақшаға қашан келесіңдер? (таңертең)

-Бір аптада неше күн бар? (атап беру)

-Бүгін аптаның нешінші күні?

-Кеше қай күн болды?

-Күндіз ай жарқырап тұра ма?

-Түнде балабақшаға барып, содан кейін түнімен үйықтайсың ба?

-екі мысықта қанша құйрық болады?

Орындарына отырыңдар.

Жұмбақты шешсеңдер ертегінің аты шығады.

Кішкентай қыз,

Көңілді жүгіреді.

Ормандағы үйге,

Соқпақпенен жүреді.

Ол қызға тезірек,

Апасына жету керек.

Себеттегі бәлішті

Жеткізу керек.

( «Қызыл телпек» Француз жазушысы Шарль Перро жазған.)

№1 Слайд

Қызыл телпекке ормандағы апасына жетуіне көмектесеміз.

№2 слайд жолдар

Біздің жүретін жолымыз қиын, сондықтан көзімізді жаттықтырып алайық. Көзбен, баспен жоғары төмен, ирек, қисық сызықтармен жүреміз.