Ертегілер елінде жақсылыққа жетелер презентациясы

Бауыржан Момышұлы атындағы мектеп-гимназия

Сыныптан тыс тәрбие сағаты

«Ертегілер жақсылыққа жетелер»

Мұғалім: Сансызбаева З

Өтілетін сынып :2 «Ә» сынып

Сабақтың тақырыбы: « Ертегілер жақсылыққа жеттелер»(Сыныптан тыс сабақ)

Сабақтың мақсаты: 1.Танымдық аясын кеңейту, әртүрлі мінез-құлықтарды ажырата білуге

үйрету.

2.Ертегі арқылы оқушылардың ой-қиялын дамыту, тілін, сөздік қорларын

молайту, шығармашылық қабілеттерін жетілдіру.

3.Мақтаншақтықтан арылту, ертегі кейіпкерлерінің сипаты арқылы жақсы

қасиеттерге баулу.

Көрнекілігі: Ертегі көріністерін бейнелейтін суреттер, ертегі кейіпкерлерінің киімдері, т.б.

Сабақ барысы:

Әлемде нұр тыныштық

Әрбір бейбіт күн ыстық

Қайырлы күн достарым

Достарымды көргенде

Қуана қарсы аламын

Сәлем! Сәлем! Сәлем!

Мұғалім: :Саламатсыздар ма? Ата -аналар, қонақтар, оқушылар! Бүгінгі «Ертегілер жақсылыққа жеттелер»тақырыпта өтілетін сыныптан тыс іс-шарамызға қош келдіңіздер. Бүгін біз ертегілер еліне саяхатқа шығамыз.

-Балалар, сендер ертегілерді ұнатасыңдар ма?

1-оқушы:

Өткен күн таң тамаша ертегі ғой,

Айтады ертегі сыр, ертегі ой.

Ертегі айтса еліктіріп балалар,

Қиялға қызықтырып ертеді ғой.

2-оқушы:

Ертегіде халықтың мұң-зары бар,

Орман, тау, өрмелейтін кұздары бар.

Жамандықпен алысып, жауын жеңген

Халқымның ұлдары мен қыздары бар!

3-оқушы:

Жауларымен алысып жекелеген,

Батыр ма ел намысын өтемеген.

Ертегімен халқымыз ертеңіне

Ұрпағын қызықтырып жетелеген.

4-оқушы:

Кел онда, ертегіні шертейік біз,

Қауымды мына келген ертейік біз.

"Ертегі еліне" бір саяхаттап,

Келгендерді соңымыздан ертейік біз.

Өте жақсы, балалар! Ендеше ертегілер елінің қақпасын ашайық! Бізді қандай ертегілер күтіп тұр екен. Балалар, ертегілер — бұл қиял-ғажайып оқиғалар туралы әңгімелер. Ертегілердің түрлері көп. Хайуанаттар туралы, қиял-ғажайып, шыншыл ертегілер, аңыз-ертегілер болып бөлінеді. Сендер өздерің қандай ертегілер білесіндер? Әжелерің ертегі айтады ма? Сендерге қандай ертегілер айтты? Қане, кім айтар екен?

: Балалар ертегілердің жағымды, жағымсыз кейіпкерлері болады. Жағымды кейіпкерлерді атайықшы, өте жақсы. Енді жағымсыз кейіпкерлерді атаймыз? Келесі тапсырмада мына суреттердегі ертегі кейіпкерлері болып өзін-өзі қорғайды..

"Мақта қыз бен мысық "

Мақта қыз: Мен Мақта қыз үйімді тазаладым,

Сен, мысық, кайта-қайта мазамды алдың.

Қатық төктің, еңбекті қадірлемей,

Құйрығынды жұлып ап жазаладым.

Мысық: Көзіме көрінбей тышқан,

Мен мысықпын іші пысқан.

Қатығынды қайтардым төккен,

Қайырымдық алдым көптен.