Есептеу және қорытындылау бойынша ашық сабақ, 3 сынып

Қарақия аудандық білім бөлімінің

«№9 бастауыш мектебі»

коммуналдық мемлекеттік мекемесі

ПӘНІ: Математика

ТАҚЫРЫБЫ: Есептеу. Қорытындылау.

ӨТКІЗГЕН: Джумабаева Турганай Бекмуратовна

ҚЫЗМЕТІ: І санатты бастауыш сынып мұғалімі

2017-2018 оқу жылы

Оқу мақсаты: 3.1.2.3 көбейтудің үлестірімділік, терімділік қасиеттерін тиімді есептеулер жүргізу үшін қолдану.

Кестеден тыс ауызша көбейту мен бөлуді орындау.

100 көлеміндегі сандарды ауызша көбейту мен бөлуді орындауда қосындыны және көбейтіндіні бір таңбалы санға бөлу, қосындыны санға көбейту ережесін қолдану.

Сабақ мақсаты:

Білу

Көбейту мен бөлуді орындауда тиімді есептеуді еске түсіреді. Құрылымы күрделі теңдеулерді ажыратып таниды.Күрделі теңдеуді қарапайым теңдеуге айналдыра алады.

Түсіну

Күрделі, қарапайым ұғымының айырмашылығын түсінеді. Белгісіз санды табуды түсінеді, қорытынды шығарады. Теңдеуде тиісті амалдарды қолдану болжайды.

Қолдану

Есеп шығаруда тиімді тәсілді қолданады. Мысалдарды есептеп шығарады, кері есептеп құрастырады.

Талдау

Мәліметтерге сүйене отырып есеп шығарады. Еселік ұғымдарды қолданады, мәліметтер мен жауап арасындағы байланысты анықтайды.

Жинақтау

Есептерді шығара отырып тұжырым жасайды.

Бағалау

Өз жұмысы туралы шешім шығарады.

Сабақтың құрылымы:

І. Сабақтың басы: (3 мин)сабақ мақсаты, бағалау критерийі түсіндіріледі, проблема анықталады, мотивация туғызу кезеңі.

ІІ. Сабақтың алғашқы кезеңі:(7 мин)проблеманы шешу, мағынаны ашуға берілген өрнектердің мәнін табу топтық жұмыс жасау.

ІІІ. Өзіндік жұмыс: (25 мин)операциялық орындаушылық кезең. Бекіту, өздік, жұптық, топтық тапсармаларды орындау.

ІҮ. Сабақтың соңы: (5 мин)меңгерген білімді айқындау, жұмысты бағалау, проблема бойынша шешім қабылдау. Рефлексия кезеңі.

Оқыту әдісі:

• Танымдық, ішінара ізденушілік, түсіндіру.

Мұғалім іс-әрекетінің тәсілі:

• Бағыт-бағдар береді, оқушыларға қажет болғанда көмектеседі, олардың танымдық тапсырмаларды өз бетімен орындауын қадағалайды, тексерді.

Оқу іс-әрекетін ұйымдастыру формасы:

• жеке, жұптық, топтық жұмыстар (интерактивті).

Танымдық тапсырмалар:

Қорытындылауға арналған тапсырмалар.

Оқушы іс-әрекетін ұйымдастыру.

Күтілетін материалға қол жеткізу үшін оқулық материалын меңгеру.

Оқушыларда дағды қалыптастыру.

Берілген тапсырмаларды орындай отырып, қорытынды жасап үйрену; әртүрлі тапсырмаларды шығара білу; өзін-өзі жылдамдыққа тежей білу, білімін жоғарылатуға бағытталған тапсырмаларға ұмтылу және мақсатқа жетуге талпыну, жеке және топтық жұмыстарының нәтижесін көру мен өз ойын дәлелдей білу дағдысын жетілдіру.

Негізгі терминдер:

Теңдеу, өрнек, қосу, азайту, көбейту, бөлу.

Білім алушыда қалыптасады:

Есептеуді меңгереді, логикалық ойлайды, ой қорытады, жеке және топтық жұмыстар жасау дағдылары қалыптасады.Сонымен қоса өз жұмысын бағалай алуға дағдыланады.

Ақпарат көздері:

Математика: жалпы білім беретін мектептің 3-сынып оқушыларына арналған оқулық. 3-бөлім. /Ә.Б.Ақбаева, Л.А.Лебедева, М.Т.В. Лихобабенко/Алматыкітап баспасы, 2018ж. 28-31 беттері.

Сабақты бағалау:

Оқушылардың іс-әрекеттері тапсырмаларды орындау дейгейлеріне байланысты критерийлермен бағалау. (жеке, жұптық, топтық жұмыстар)