Есту қабілеті бұзылған оқушыларды оқыту жолдары

ЕСТУ ҚАБІЛЕТІ БҰЗЫЛҒАН ОҚУШЫЛАРДЫҢ

ОҚУ ІС-ӘРЕКЕТІН ҰЙЫМДАСТЫРУ

Есту қабілеті бұзылған балаларды оқытудағы түзету жұмысының

бағыттары ақпараттар мен білімдерін талдауға ерекше жағдайлар жасау, әлеуметтік байланыстар мен балалардың қажеттіліктерін, пәнаралық байланыстар мен танымдық қызығушылықтарын дамыту, арнайы оқыту әдістерін таңдау, арнайы түзету пәндері арқылы жүзеге асырылады.

Есту қабілеті бұзылған оқушылардың оқу іс-әрекетіне аса қатты мән беру керек. Себебі ерекше күтім мен қолдауды қажет ететін оқушылармен тығыз байланыста болу маңызды.

Типтік оқу жоспарында арнайы түзету курсы қарастырылған:

«Заттық-тәжірибелік оқыту», «Түзету ырғағы» және жеке-топтық

сабақтарда естуді қабылдауы мен дұрыс айтуын дамыту.

«Заттық-тәжірибелік оқыту» (ЗТО) оқу курсының мақсаты: тілді

меңгеру мен жоғары психикалық функцияларды қалыптастыру үшін

полимодальды сезіну негізінде танып білу және қарапайым тұрмыстық

түсініктерді пайдалану деңгейінде білім беру.

«Түзету ырғағы» оқушылардың есту қабілетін музыка арқылы

дамытуға, есту-көру және есту, сөйлеу қабілетін жетілдіру яғни естіп

қабылдауын интенсивті дамыту жағдайында сөйлеу тілі мен қимылдарын

дамытуға бағытталған. Оқушылардың назарын, жадын, ақыл ой, шығармашылық қабілеттерін, ұжымдық іс-әрекетінің дағдыларын дамытады.

Естуді және айтылуды дамыту үшін түзету сабақтары жеке және шағын

топтарда жүргізіледі. Бұл сабақтарда түзету жұмысы электроакустикалық аппаратураны қолданып, естіп қабылдауын интенсивті дамыту жағдайында сөйлеу тілі мен қимылдарын дамытуға бағытталған. Ауызша сөйлеуді дамыту жұмысы кешенді зерттеу негізінде анықталған мүмкіндіктер мен есту-көру резервтерін дамыту, ауызша сөйлеуді естіп қабылдау, оқушылардың жеке психофизикалық ерекшеліктерін, сөйлеуді дамыту деңгейін ескере отырып айтылу дағдыларына саралап құрылады. «Ым-ишараттық сөйлеу тілі» оқу курсы тек құлағы естімейтін балалар үшін, оның қалауы бойынша естімейтіндердің шағын әлеуметтік ортасына кіруіне негізделіп 4- 11-сыныпқа енгізілген және оқушы үшін сол ортадағы коммуникативтік қызметті атқарады.

Елімізде естімейтіндерді оқыту үдерісі есту-көру негізінде жүзеге асырылады, ал білім беру үдерісінде ым-ишараттық сөйлеу тілі көмекші тәсіл ретінде қолданылады. Ым-ишараттық сөйлеу тілін сауатты меңгерудің нәтижесінде оқушылар бағдарлама материалын сапалы игереді.

Есту қабілеті бұзылған оқушылар негізгі орта білім беру мектебін

бітіргенге дейін оқу процесіне қатысуы үшін түзету курстарын қажет етеді.

Естімейтін (саңырау) балалардың ерекшелігі

Саңыраулықта есту аппараты бөлігінің дыбысты қабылдау қызметі