Фастфуд тағамдарының зияны туралы таныстырылым, 7 сынып

№ 4 Ж.Баласағұн атындағы жобб мектебінің қазақ тілі мен әдебиеті пәнінің мұғалімі – Алмасова Биб і нұр Сүлейменқызы

Бөлім атауы: 8 -бөлім . Дұрыс тамақтану.

Гендік өзгеріске ұшыраған тағамдар

Сабақтың тақырыбы: Фастфуд тағамдарының зияны

Оқу бағдарламасына сәйкес оқу мақсаты

7.3.5.1. Оқылым және тыңдалым материалдары бойынша тірек сөздер мен сөз тіркестерін синонимдік қатармен ауыстыра отырып, жинақы мәтін жазу

7.4.4.4. Одағай түрлерін ажырата білу, қолдану.

Сабақтың мақсаты:

Оқылым және тыңдалым материалдары бойынша тірек сөздер мен сөз тіркестерін синонимдік қатармен ауыстыра отырып, жинақы мәтін жазады;

Одағай түрлерін ажырата біледі, қолданады.

Бағалау критерийі:

- Оқылым және тыңдалым материалдары бойынша тірек сөздер мен сөз тіркестерін синонимдік қатармен ауыстыра отырып, жинақы мәтін жазады

- Одағай түрлерін ажыратады және мәтінде қолданады

Ойлау дағдыларының деңгейі

қолдану

Оқу мақсатына қол жеткізуге мүмкіндік береді

Барлық білім алушыларды оқу процесіне тартуға ықпал етеді

Оқушыларды жеке және ерекше білім беру қажеттіліктеріне сәйкес оқытуды қарастырады

1. «Біздің қиялымыздың әлемі» әдісі. Топтық жұмыс

Үш топтың оқушылары қиял әлемін ойдан құрып, оқыған мәтіннен пайдалы және зиянды тағамдар туралы жинақтаған тірек сөздер мен сөз тіркестерін алып, оларды синонимдік қатарымен ауыстыра отырып, фастфудтық тағамдар туралы өз ойларынан «Біздің қиялымыздағы тағам» тақырыбында жинақы мәтін жазады.

Тапсырма бойынша саралау жүзеге асырылады.

Білім алушылар тапсырманы орындау барысында жалпы оқу мақсатқа сәйкес бірдей тапсырмамен жұмыс істейді, бірақ әр баладан әртүрлі нәтиже күтемін, жұмыс қарқынын ескере отырып қосымша уақыт беруді ұсынамын.

Білім алушының ойы жүйрік, жазылым дағдысын орындауға өте бейім. Жас ерекшелік деңгейіне сай ойлау жүйесі толық жетілген, жазба жұмысын орындауды өте жақсы көреді, сауатты жазады. Бірақ айтылым дағдысының тапсырмаларын орындауға қиналады, тілінің мүкісі бар, тұтығып сөйлейді. Сондықтан да бар ойын жазба жұмысы арқылы көрсетуге дағдыланған.Сондықтан бұл оқушыма фастфуд өнімдеріның зияны туралы өзі білетін жекіру одағай сөздерді қатыстырып, 1-2 сөйлем жазуды ұсынамын

Оқыту әдістері

Оқу мақсатына қол жеткізуге мүмкіндік береді

Барлық білім алушыларды оқу процесіне тартуға ықпал етеді

Оқушыларды жеке және ерекше білім беру қажеттіліктеріне сәйкес оқытуды қарастырады

2-тапсырма Жағдаятты тапсырма

Жұптық жұмыс .

Төмендегі берілген жағдаятқа одағай түрлерін, жекіру одағайларын қатыстырып, фастфудтың зияны туралы қысқаша диалог құрыңдар.

Бекет пен қарындасы Аяна азық-түлік дүкеніне нан алуға кірді. Аяна қалған ақшаға чипс алуын өтініп тұр. Бекеттің жауабы......

Оқушылар «Ойлан-жұптас-бөліс» әдісімен ойланып жұптасып, бір-бірімен сұрақ-жауап алу арқылы пікір алмасып, диалог құрастырады және өз пікірлерімен бүкіл топпен бөлісіп, талқылауға ұласады.

Оқушылар бір-бірімен пікір алмасады.

Түйген ойларымен бүкіл топпен бөліседі

Оқушылар өз жауаптарын өмірмен байланыстыра отырып жауап беруіне назар аударамын және өз ойларын жүйелі жеткізуге дағдылануына үлес қосамын.

Топтық жұмысты орындау барысында оқушылардың жұмыс қарқынын ескере отырып, қосымша уақыт беремін

Тіл мүкісі бар оқушыма басқа оқушылармен бірлесіп жазбаша тапсырма орындауды ұсынамын.

Оқушы топпен жұмыс жасайды, қажет болған жағдайда қолдау көрсетемін.

3-тапсырма Жеке жұмыс. «Ой жалғау» әдісі

Мұғалім мәтінді жартылай оқиды, тақтаға жекіру одағайларын жазып қояды, сол сөздердің синонимдік қатарын пайдаланып «Фастфудтың зияны» туралы екі достың өзара сұхбатын «Ой жалғау» әдісі бойынша 1-топқа - қайғылы, 2-топқа – көңілді, 3-топқа – юмормен жалғастырып, аяқтауға тапсырма беріледі. Жұмыс аяқталған кезде топ мүшелері белгі береді. Спикер шығып оқиды.

Топқа бөлініп, сұхбатты жалғастырады.

Оқушыларға ресурс арқылы қолдау жасаймын

Білім алушылар тапсырманы орындау барысында жалпы оқу мақсатқа сәйкес бірдей тапсырмамен жұмыс істейді, бірақ әр баладан әртүрлі нәтиже күтемін.