Физиканы ағылшын тілінде оқытуға арналған құрал, 7 сынып

CLIL ОҚЫТУШЫЛАРЫНА АРНАЛҒАН ҚҰРАЛДАР.

БАУБЕКОВА АЙЖАН ТАКЕНОВНА

АЛМАТЫ ОБЛЫСЫ,КӨКСУ АУДАНЫ,БАЛПЫҚ БИ АУЫЛЫ,МЕДЕУБАЙ ҚҰРМАНОВ АТЫНДАҒЫ №2 ОРТА МЕКТЕП

CLIL әдісі оқушылардың мәдени ынтымақтастығын, білімін, тілдік және коммуникативтік құзыреттілігін қалыптастыруға септігін тигізеді, ал бұл қазіргі қоғамда ең қажет ететін дағыларының бірі болып табылады. Мұғалімдер қауымы жаңа материалды игеру барысында үштілділікті енгізе отырып, оқушыларға әр түрлі әдіс-тәсілдер көрсетіп, оларды сипаттау арқылы сөйлеу дағдыларын қалыптастыруымыз қажет, сонымен қатар оқушыларға ағылшын тілін жетілдіруге қолдау жасауымыз керек. Мұндай жұмыстарды орындау оқушылардың қызығушылығын тудырады. Сонымен қатар сөйлеу дағдысын жетілдіре отырып оқушы тіл мен пәнді түсіну үшін ойлау қабілетін де жетілдіргені дұрыс.Бұл мақсатты жүзеге асыру үшін ең алдымен мұғалімнің шеберлігі мол болуы тиіс.

А. Байтұрсынов атамыздың «Мектеп деректері» еңбегінде:

«….Мұғалім қандай болса, мектеп, пән сондай болмақшы. Яғни мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім»делінген.

Мұғалім:

Ең алдымен, осы CLIL технологиясымен оқушыларға пәндерді үйретуді бастамас бұрын,оқытушының өзінде мақсат,жігер,ынта және ең бастысы екі пәнненде білімі мықты болу керек.

Екіншіден мұғалім оқушыға сенім көрсетіп,оқушыға мақсаты мен міндетін белгілеуге көмектесу керек.

Үшіншіден,оқушының шет тілін оқуға деген ішкі қызығушылығына мән беру,оқушы қиындыққа кездескенде кеңес беретіндей тұлға болу,оқушыға ұялмай өз пікірін айта алуға көмектесу,әрбір оқушының сезімі мен көңіл толқуларын түсініп, ыңғайлы жағдай жасау сияқты қағидаларды басшылыққа алуы тиіс.

Осы мақсаттарға жету жолында өзімнің сабақ беретін сыныбыммен біршама жұмыстар жасалды. Осы жұмысты іске асыру мақсатында мектебімізде жаратылыстану бағытындағы 7-сыныптарға физика пәнін ағылшын тілінде өту қолға алынып отыр. Негізгі мақсат – оқушылардың физикалық терминдердің мағынасын үш тілде түсінуі, физикалық құбылыстарды айқындай алуы, ағылшын тілінде есептердің мағынасын түсініп, оларды дұрыс шешу. Бұл курстық бағдарламаны қолдану барысында оқушылардың пәнге қызығушылығы, ізденімпаздығы артады және шығармашылық қабілеттері мен өз ойын (ағылшын тілінде де) жүйелі түрде тұжырымдай білу қабілеттері қалыптасады. Мысалы, оқушылардың бәрі үздік, екпінді оқушы емес. Ол кезде оқушылардың өз деңгейіне қарай тапсырмалар берілді.Нәтижесінде сыныптағы барлық оқушы бағаланып, қатысып отырды.Сабақтың алғашқы күндерінде І деңгейдегі оқушыға ағылшын тіліндегі физикалық терминдердің,ағылшын тілінде жазылған анықтамасын анықтауды тапсыра отырып, ынталандыру көзделді, ІІ деңгейге берілген сурет пен ағылшын тілінде жазылған сөздерді байланыстыру, ІІІ деңгейге…