Ғабит Мүсірепов Ана құшағында 4 сынып

Сабақтың тақырыбы:Ғабит Мүсірепов. «Ана құшағында»

Сабақтың мақсаты:Шығарманың тақырыбын ашу, талдау жұмыстарын жүргізу, мазмұнын меңгерту; оқушылардың көркемсөзді, көркем ойды өз сөздік қорларына қолдана алуы, соның нәтижесінде ауызша сөйлеу дағдылары мен жазба тілдерін жетілдіру; сонымен бірге ананы сыйлау, құрметтеу, өнеге тұту сияқты ізгі қасиеттерді бойларына сіңіру.

Түрі: жаңа сабақ

Әдісі: Сұрақ-жауап, топтау, түсіндіру

Көрнекілігі: Ғ.Мүсірепов портреті, интерактивті тақта

Сабақтың барысы: I. Ұйымдастыру

II. Жаңа сабаққа әзірлік

Балалар, мен сендерге бір сқрақ қояйыншы. Қазақтың қандай ұлттық ойындарын білесіңдер?

Балалардың жауабы

Сабағымызды «Көкпар» ойыны желісі бойынша жүргіземіз.

«Іліп әкету» «Көзбен көр, сөзбен өр.»

Үй тапсырмасын сұрақтар арқылы бекіту

Үлек дегеніміз не? Мәтінге сүйеніп оған сипаттама бер.

Балалар Мүлкібай атамен бірге қайда, не үшін барды?

Балалар неден, неге қорықты?

Егер Мүлкібай ата бармаған болса , не болар еді?

Әңгімеде Мүлкібай атаның сыртқы түрін қалай суреттейді?

Әңгіменің ең соңғы сөйлемінен қандай қорытынды айтуға болады?

Жазушының айтайын деген ойы не?

Үлкенді тыңдау, сыйлау керек екендігін айтқысы келді.

Біздің де бағынатын, айтқанын тыңдайтын, бізге де қамқор болатын жан бар. Ол кім?

Ана.

Тәтті тағамдарды дайындап беретін, киім тігіп беретін, еркелететін, үнемі қасымыздан табылатын, бізге жарық сыйлаған жан кім?

Ана

Ендеше , бүгінгі сабағымызда ана туралы, ананың балаға деген махаббатының шексіз екендігін толығырақ түсінетін боламыз.

Олай болса, бүгінгі сабағымыздың тақырыбы Ғ. Мүсіреповтың «Ана құшағында» мәтіні

Дәптермен жұмыс. Күннің жады, тақырыбы, мақсаты.

Ғ.Мүсірепов – (1902.22.03-1985.31.12) Солтүстік Қазақстан обл, Жамбыл ауданында дүниеге келген. Ол – жазушы, драматург, және қоғам қайраткері. Оның «Оянған өлке», «Жат қолында» «Қазақ солдаты», «Ұлпан», «Кездеспей кеткен бір бейне» атты көлемді шығармалары бар. Ғ.Мүсірепов ана тақырыбында көп қалам тербеген классик жазушы. Ана тақырыбындағы шығармалары: «Адамның анасы», «Ананың анасы», «Өлімді жеңген ана», «Ашынған ана», «Ана жыры», «Ер ана», «Ана кесімі айнымайды», «Екі әйел – екі дүние».

- Ана тақырыбына құрылған «Ана құшағында» мәтіні - «Қазақ солдаты» романынан үзінді.

«Қазақ солдаты» романы – Ғ. Мүсіреповтың проза жанрындағы ең күрделі еңбегі. Шығарманың ең әуелгі нұсқасы «Қазақ батыры » деген атпен 1945 жылы жарияланды. Кейіннен жұртшылықтың сын-пікірін ескере отырып, «Қазақ солдаты» деген атпен бастырып шығарды.

Бұл романдағы оқиғалардың желілерінің бәрі – бас кейіпкер Қайрош Сарталиевтің сөзі, дүниеге көзқарасы, өз басынан өткергендері секілденіп баяндалады.

«Ширату» «Оқы да, ойыңа түй »

Оқулықпен жұмыс

Оқу, түсіндіру

Балаларға оқыту