Гамма және этюдпен жұмыс ашық сабағы

Сабақ тақырыбы: Гамма және этюдтермен жұмыс.

Сабақ мақсаты: Техникалық шеберлігін, дағдыларын арттыру; Орындау шеберліктерін орындаған шығарма , гаммаларында қолдану.

Сабақ міндеті:

Білімділік:

- Практикалық дағдыларының қалыптасуын одан әрі жалғастыру;

-Оқушыларды техникалық ойнау тәсілдерімен таныстырып, үйретіп, оны шығарма ойнағанда қолдану;

- Техникалық шеберлікті игеру: динамикалық, артикуляциялық, ырғақтық.

-Теориялық алған білімді бекіту (темп, ырғақ, штрих, динамика);

Тәрбиелік:

-Еңбексүйгіштік пен шыдамдылыққа;

-Эстетикалық сезімге , музыкаға деген құмарлыққа – тәрбиелеу.

Дамыту:

-Пианистің қозғалыс дағдыларын дамыту;

-Музыкалық ойлау, қиял, зейінін дамыту.

Көрнекілік: фортепиано аспабы, нота кітабы,

Сабақ барысы:

Сергіту сәті: Қозғалыс аппараттарының еркіндігі үшін жаттығу және саусақ гимнастикасы жасалады.

1. «Қақпан» - саусақтарды бір мезгілде еркін ашып –жабамыз.

2. «Сау бол» -Қоштасып жатқан кездегідей саусақтардын барлығымен еркін қимыл жасаймыз.

3. «Сақина» - Бірінші саусақпен еркін дөңгелетіп шеңбер жасаймыз. Буынды бүкпейміз.

4. «Дөңгелек шар» - 1-2, 1-3,1-4,1-5 саусақтармен қиялдағы кішкентай шарды дөңгелетіп айналдырамыз.

До мажор гаммасы ойналады. Бірінші саусақтың жақсы жұмыс жасауы үшін гамманы 1-2, сосын 1-3, 1-4 саусақпен ойнап шығамыз. Мұғалім оқушыға көрсетіп отырады. Динамиканы сақтап, бірінші саусақты жұмсақ , қалқытып әкеліп ойнаймыз.

Оқушыға өткен сабақтарға байланысты теориялық сұрақтар қойылады.

-Гамма денгеніміз не?

-Хроматикалық гамма деген не?

-Аккорд?

Оқушы гамманы әр түрлі штрихта ойнап шығады. Оң қол стаккатоға , сол қол легатоға.

Келесі жаттығу «Қуып жет» деп аталады. Мұғалім гамманы «до» нотасынан бастап ойнайды, «ми» нотасына келген кезде оқушы «до» нотасынан бастайды. Бұл жаттығу оқушының есту, есте сақтау, ырғақты сезіну қабілеттерін дамытады.

Өткен сабақта талдап бастаған Чернидің «Этюдін» ары қарай жалғастырамыз. Оқушыға шығарма бойынша сұрақтар қойылады.

-Қандай ойнау техника түрлерін білесің?

-Этюдтің тональдігі қандай?

Сол қолдың ноталарын стаккатоға ойнап шық . (Оқушы орындайды) Енді осы ырғақты сезініп есте қалуы үшін ырғақты столға ұрып санаймыз.

Енді әуенді топқа бөліп ойнаймыз. Мұғалім ойнап көрсетеді, оқушы қайталайды. Этюдті динамикасымен , легатоны анық жүргізіп ойнау керек. Шығарманың бір бөлігі талданып, жай ырғақпен , әуенді сезініп ойнауы қадағаланады.