Гүл сыйлайық анаға сыныптан тыс жұмыс 5 сынып

« Гүл сыйлайық анаға»

ӘН: Құттықтаймын мама (5-6 сынып)

1 жүргізуші: Ана, Ана, Ана... Осы сөздің өзі адамға қандай күш береді. Дүниеде ананың мейіріне, аялы алақанына не жетеді?! Дүниеге келіп, көзіңді ашып көретінің – Ана. Қанаттыға қақтырмай, тұмсықтыға шоқыттырмай бауырына басып, біз үшін жан ұшыра шырылдайтын да – Ана. Тек жақсылық тілейтін де – Ана. Ана – біз үшін пана, дара, дана тұлға. Ана дегенде сөзге келмейтін тіл, лүпіл қақпайтын жүрек, мөлтілдемейтін жанар жоқ. Балаға анадан артық, анадан қымбат жан жоқ. Әрбір ана отының өшпеуін, бақытының көшпеуін, шаңырағының құламауын, сәбиіннің жыламауын, сұм соғыстың болмауын, қызыл гүлдің солмауын тілейді. Халық арасында «Меккеге анаңды үш рет арқалап апарсаң да қарызыңды өтей алмайсың» деген сөз ананың соншалықты қадірлі екенін адамзатқа ұғындыру үшін айтылса керек.

2 жүргізуші: Елбасы Нұрсұлтан Назарбаев былай деген: «Шығыс халықтарының арасында, жалпы мұсылман әлемінде әйел затын ерекше бағалайтын, қарындасты қатты қадірлейтін халықтың бірі де бірегейі – біздің қазақ». Ендеше біз де барша аналарға қуаныш пен бақыт ,балаларының ер жетіп адам болуын тілейікші. Өсіріп бізді баптаған Анамызға мың алғыс!

1 жүргізуші: Орасақ та жәннат ішік, құндызға,

Баласақ та айға, күнге, жұлдызға.

Ана соның бәрінен де ардақты,

Одан асқан құдірет жоқ ұл-қызға.

2-жүргізуші: Құрметті ұстаздар, аналар, көрермендер! Сіздерді 8-наурыз мерекесімен шын жүректен құттықтаймыз! Сіздердің отбастарыңызға амандық, дендеріңізге саулық, бастарыңызға бақыт тілейміз.

1-жүргізуші: Сіздер ер – азаматтардың қолқанаты, тірегі мен жүрегі болып табыласыздар. Аналарымыздың, қыздарымыздың көңілдері көктемнің шуақты күніндей мейірім – шапағатқа бөлене берсін. Әлемнің жарығын сыйлаған аналардың мерекелері құтты болсын .

2 жүргізуші: Көңілің Алатаудың ақ қарындай

Мейірімнің күннің шуақ шақтарындай

Қалайша аяулы ана атанармыз

Шын жүректен ақ тілекті ақтарылмай – дей отырып, мерекелік алғашқы құттықтау сөзді мектеп директоры, аяулы ұстаз, ардақты ана Бақытжанқызы Ләззат апайға береміз.

Ән:Ділназ бен Жолдастың орындауында «Аяулы анашым » әнін қабыл алыңыздар

2 жүргізуші:Әркімнің де өмірден аласы бар,

Аласы бар адамның анасы бар.

Мерекесін құттықтап аналардың,

Ақтілегін жолдайтын аналардың баласы бар деп 7-9 сынып оқушыларын ортаға шақырамыз.

Тілектес: Армысыздар, құрметті аяулы аналар, ұстаздар және де гүлдей құлпырған, даланың лала гүліндей жайқалған қыздар!

Ақтілек: Бүгінгі келіп жеткен сегізінші наурыз халықаралық әйелдер күні, аналар күні, қыздарымыздың төл мерекесі құтты болсын!

Тілектес: Аналарым, әжелерім ақ маңдай,

Сүйсіндіріп, ағарып таң атқандай.

Бар табиғат құлпырып-ақ кетіпті,

Сұлулыққа басын иіп жатқандай.

Ақтілек: Па, шіркін! Қандай өлең, арнадың,

Өлеңіңді өлеңіме жалғадым.

Мың сұлудың алдындамыз қарашы,

Бар ма, айтшы, бүгін сенің арманың

Тілектес: Иә, арман демекші, армандау әрбір оқушының қасиеті. Болашақ түлектер, білімді ұрпақ. Ал сол білімді ұрпақты тәрбиелеуші кім?

Ақтілек: Ұстаз! Ұстаздың қолына әкеліп, бізді тапсыратын кім?

Тілектес: Аналар! Анамыздан тығып сарқытын беретін кім?

Ақтілек: Әжелер! Әжелерінің сүйікті әрі сұлу немерелері кім?

Тілектес: Қыздар! Барша әйелдер қауымы БІРГЕ: МЕРЕКЕЛЕРІҢІЗ ҚҰТТЫ БОЛСЫН!

Тілектес: Аналар демекші, анаңа осы мереке күні қандай сыйлық берейін деп жатырсың?

Ақтілек: Білмеймін әлі. Бәлкім гүл алатын болармын.

Тілектес: Әпкең мен әжеңе ше?

Ақтілек: Айта бермеші, онсыз да басым қата бастады. Тез өтіп кетсе екен...

Тілектес: Жылына бір келетін мерекені тез өтіп кетсін дегені несі, қой қайта қуану керек. Аналардың мерекесі ғой.

Тілектес: Бір нәрсе айтайыншы, қызыңа не аласың?

Ақтілек: Ойбу, мереке тез өтіп кетсе екен...

Тілектес: Әрине, мұның бәрі әзіл. Ортада өзінің аналарға жыр арнауымен 5-6 сынып оқушылары

Ақтілек: Қыздар, қыздар, сұлу қыздар... ( әнін әндетіп сахнаға жүргізуші шығады)

Тілектес: Әлемнің жарығын, Сыйладың сен маған... (екінші әнді орындап екінші жүргізуші шығады).

Ақтілек: Шынымен, әлем ақындары таң қалатындай, қыздар қауымы сұлу ғой шіркін. Олардың күлкісі аққан бұлақтың сыңғыр дауысындай.

Тілектес: Көздері мөлдір, жаңа жауған жаңбырдың тамшысындай.

Ақтілек: Жүздері жұлдыздан жаралғандай, жарық шашып тұрады.

Тілектес: Жә, осы жерден тоқтатып, келесі өнерпаз баларға кезек берейік.

ӘН Жолдас пен Ділназдың орындауында «Әке Ана» әнін қабыл алыңыздар.

Ақтілек: Осы әйелдер қауымын «әлемнің сегізінші кереметі» десем сенесің бе?

Тілектес: Қалай сонда?

Ақтілек: Әлемнің жеті кереметін бәріміз білеміз, сол секілді қыздарды білмейтін адам жоқ қой.

Тілектес: Сен қызықсың, жігіттерді де біледі ғой.

Ақтілек: Жоқ, бізді біледі. Бірақ біз олар секілді еленіп-ескерілмейміз ғой. Олардың сұлулығына тамсанып қанша ақын жыр жазды, ән жазылды, күй шықты, тіпті, білмеймін енді.

Тілектес: Қой, олай көңіліңді түсірме. Сен негізі білмейді екенсің. Олар тек бүгін, 8 наурыз күні ғана еленеді. 365 күннің бір күні ғана нәзік жандылардың, ал қалған 364 күн сіз секілді нәзік емес жандардың күні ғой. Қайта мақтан!

Ақтілек: Оны ойламаппын. Жарайды. Қарсы алыңыздар, ортада өздерінің жыр арнауымен оқушыларды ортаға шақырамыз. (7 сынып)

Тілектес: Мерекесі асылдың, Мерейін ал асырдым. Сұлулары әлемнің, Сұлулары ғасырдың.

Ақтілек: Сіздерге шын жүректен бақыт және сұлулық тілейміз. Қартаймаңыздар. Мәңгі жасыл шыршадай құлпырып қасымызда жүре беріңіздер!

Тілектес: Әжелерім, аналарым, ұстаздарым, еңбектеріңіз жемісті болсын. Әрбір отбасының ұйытқысы, бір қолмен бесікті, бір қолмен әлемді тербетіп жүре беріңіздер! Тағы да мерекелеріңізбен!

Жүргізуші: Көз ілмей түн ұйқысын төрт бөлген, Өзіңдей асыл жанды кім көрген. Алғысым шексіз саған, жаным анам, Əрқашан тілеуімді тілеп жүрген!2- жүргізуші: Қашанда қарыздармын, əке, саған,Əрқашан мейіріміңді төктің маған.Жүректің арнап ыстық махаббатын,Əкетай, шексіз алғыс айттым саған!

Ән: «Қос бәйтерек» орындайтын Ақтілек пен Шаттық

1 жүргізуші: Әрбір ана жанұяның жылуын суытпай, тал бесікті тербей отырып, тебірене толғар бесік жыры арқылы аңыз ертегілері мен жақұт жырлары арқылы ұрпағының бойына адамдық қасиеттерді дарытып отырған.

2 жүргізуші: Ана барлық қиындықты жеңетін сарқылмайтын күш, тіршіліктің қайнар бұлағы. Қазақ әйелінің дастарханы тоқ, қонағы ырза, дүниесі түгел. Олар үшін бірінші орын отбасы берекесі тұрады. Келесі кезекте 5-6 сынып оқушыларының « Қарапайым отбасындағы бір…