Ілияс Жансүгіровтің Жазғытұрым өлеңі бойынша 3-сынып жоспары

Тақырыбы: «Жазғытұрым»

Сабақтың мақсаты:

1. «Жазғытұрым» өлеңінің мазмұнын аша отырып, көктем мезгіліндегі өзгерістерді сипаттау.

2. Ой-өрістерін дамытуға, білімдерін кеңейтуге жағдай жасау. Әр түрлі тапсырмалар орындай отырып, шығармашылық қабілеттерін дамыту.

3. Табиғатты қорғауға, сүюге, адамгершілікке тәрбиелеу.

Қолданылатын әдіс: топпен жұмыс, жеке жұмыс, сұрақ-жауап, әңгімелеу.

Көрнекіліктер: слайдтар, І. Жансүгіровтың портреті, көктем мезгіліне байланысты суреттер, плакатар.

Сабақтың барысы:

I. Ұйымдастыру кезеңі.

Психологиялық дайындық.

Қуан,шаттан,алақай,

Қуанатын келді күн!

Қайырлы таң,қайырлы күн,

Күлімсіреп шықты күн!

- Балалар, бүгін қай күн?

- Қай мезгіл?

- Ауа - райы қандай?

Балалар, қыстың суығына қарамастан бүгінгі сабағымызды жақсы көңіл-күймен өткізуге тырысайық. Сонымен сабағымызды бастайық.

Балалар, бүгінгі сабағымыздың ұраны мынадай болмақ:

«Бір сөз болса да дауыстап айт,

Ең бастысы үнсіз қалма!»

Яғни сабақта барлығымыз белсенділік танытайық. Бүгін біз сендермен топпен, жұппен және жеке жұмыс жасаймыз. Сондай - ақ сабақ барысында айтылған мағұлматтарға мұқият болыңдар, араласып отырыңдар. Сол бойынша бүгінгі жұмыстарың бағаланады.

Алдымен сабағымызды бастамас бұрын топқа бөлініп алайық. Ол үшін үстел үстіндегі тәтілерден қалағанымызды алайықта, бірдей тәттілерді таңдаған оқушылар бірігіп, топ-топ болып отырамыз.Отырып болсақ сабағымызды жалғастырайық.

І топ “ Жауқазын”

ІІ топ “Қызғалдақ”

ІІІ топ “Бәйшешек” деп көктемде шығатын гүлдердің атамен атайық.

II. Үй тапсырмасын тексеру.

- Балалар, біз өткен сабақта Абай Құнанбаевтың «Жазғытұры» өлеңімен таныстық . Үйге жаттап келуге бергем, кім айтады.

ІІІ. Үй тапсырмасын «Кір жаятын жіп» әдісі арықылы қорытындылау.

Жазғытұры өлеңінің авторы кім?

Көктемгі табиғат қандай?

Жан- жануарлардың көктемгі тіршілігі?

«Ата-анадай елжірер күннің көзі» дегенді түсіндір

Жақсы балалар Абай Құнанбаев жылдың төрт мезгіліне арнап өлең жазды деген болтынмын. «Қыс», «Жазғытұры», «Жаз», «Күз»

Кім айтады қосымша жаттап келіңдер деген болатынмын.

ІҮ. Жаңа сабақ. Ілияс Жансүгіровтың суреті көрсетіледі.

Автор туралы мәлімет. Ілияс Жансүгіров (1894 - 1938) Талдықорған облысы Ақсу ауданында дүниеге келген. Қазақ әдебиетінің негізін қалаушылардың бірі. Оның «Құлагер», «Күй», «Күйші», «Дала» поэмалары, балаларға арналған өлеңдер жинағы бар. Біздер бұрын Ілияс Жансүгіровтің өлеңімен таныстық. Ол қандай өлең кім айтады? (Малта)

Ү. Дәптермен жұмыс. Олай болса біздер бүгін Ілияс Жансүгіровтің «Жазғытұрым» өлеңімен танысамыз.Жазғытұрым жылдың қай мезгілі деп ойлайсыңдар?

- Балалардың жауабы (көктем)

- Балалар, көктем мезгілінде қандай өзгерістер болады? (күн жылынады, қар ериді, адамдар жеңіл киінеді, құстар оралады, түн қысқарып, күн ұзарады, мал төлдейді, мал өріске шығады)