Ізгілікке бастар жол ашық сабағы алтыншы сыныпқа

Өзiн-өзi тану сабағының жоспары

МектепМерзiмі: № 1 сабақ

Тақырып:Ізгілікке бастар жол

Құндылық:сүйіспеншілік

Қасиеттер:мейірім, қуаныш, достық.

Мұғалiм:

Сынып 6 Оқушылар саны:

Сабақ мақсаты: Оқушылардың өзін-өзі танудың адам

өміріндегі мәнділігі жөніндегі ұғымдарын дамыту.

Міндеті:

Білімділік:Оқушыларға ізгілік ұғымы туралы түсінікберу;

Дамытушылық:Оқушыларды ізгі істерге жетелейтін адамгершілік қасиеттерін дамытуға ықпал ету;

Тәрбиелік: Мейірімді, ықыласты болуға тәрбиелеу.

Сабақ барысы:

1.Ұйымдастыру кезеңi. 2 мин.

Сәлемдесу, оқушылардың көңіл-күйін сұрау, сабаққа қатысуды тексеру.

2.Тыныштық сәтi. 3 мин.

«Арманымның суреті». Барлығымыз көзімізді жұмып, қандайда бір арманымызды көз алдымызға елестетеміз. Ең маңызды армандарыңды таңдаңыздар. Енді көзімізді ашып өздеріңнің армандарыңның суретін саламыз.Соңында суреттері бойынша өз ойларын сұрап шығамын.

3.Үй тапсырмасын тексеру. 5 мин.

Сабақ барысын талқылау:

4.Дәйексөз. «Оқу ақпараты» оқушылардың «Ізгілік» құндылығы жөніндегі білімдерін айқындай түседі.

«Адам өмірі мен іс-әрекетіндегі жағымды қарым-қатынас пен сүйіспеншілік ізгілік сезімін тудырады. Ізгілік адамның өзіне және өзгелерге жасаған жақсы, игі, адал істерін қамтиды. Ізгілікті іс игілікке жеткізеді» деген «Оқу ақпаратын» мұғалім өзі оқып таныстырады.

5.Әңгiмелеу (сұхбат). 3мин. Оқулықтағы «Ойланайық, пікірлесейік» айдары әңгімелесу өткізу мақсатында ұсынылған. Әңгімелесу үшін төмендегідей сұрақтар берілген:

Өзін-өзі тану сабақтарынан қандай жақсы қасиеттерді үйрендіңдер?

Осы қасиеттер іс жүзінде қандай көрініс табады?

Өзіңе және өзгеге жасаған ізгілік істерің сендерді қандай сезімге бөлейді?

Жазғы демалыста жасаған ізгі істерің туралы айтып беріңдер.

6.Шығармашылық жұмыс, топтық жұмыс. 12 мин.

Оқулықта мынадай тапсырма берілген:

Мейірімді және ықыласты болуға жетелейтін игі істер мен жақсы әрекеттер топтамасын жасаңдар.

Оқушылардың тапсырманы жекелей немесе топпен жұмыс түрінде орындауларына болады.

7.Дәптермен жұмыс Нақыл сөзді оқыңдар.

Мен кіммін? Менің өмірімдегі мақсатым не? деген сұрақтарға негізінде ой тұжырымдарыңды жасаңдар.

2-тапсырма

Мәтінді оқыңдар. Өз өмірлік мұраттарыңды мәтіндегі пікірмен сәйкестендіре аласыңдар ма? Мысалдармен дәлелдеп айтып беріңдер.

8.Топпен ән айту. 3 мин.

«Арман жолдар» Сөзі:А.Дүйсенбінікі, әні: Ұ.Жолдасовтікі

9.Үй тапсырмасы. 2 мин.

дәптердегі 2-тапсырманы орындау.

10.Қорытындылау,соңғы тыныштық сәтi. 3 мин.

Балалар, енді бір сәт тынышталайық.

. Балалар денелерін түзу ұстап, бастарын жоғары көтеріп, ыңғайланып отырады. Ауаны терең жұтып, еркін тыныстайды, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Бүгінгі сабақтан алған әсерлерің мен жақсы ойларыңды естеріңе түсіріп көріңдерші... Оны өздеріңмен бірге қалу үшін жүректеріңе салып, бір-бірлеріңе жылы лебіздеріңді білдіріңдер.Аңсаған армандарларыңа жетулеріңізге тілектеспін. Бүгін сендер өте көп жақсы істер жасадыңдар, ойларыңды жеткізе білдіңдер. жақсы ойлар айттыңдар сол үшін сендерге рахмет айтамын!

Өзiн-өзi тану сабағының жоспары

Мектеп №8 Мерзiмі: №2сабақ

Тақырып:Ізгілікке бастар жол

Құндылық:сүйіспеншілік

Қасиеттер:мейірім, қуаныш, достық.

Мұғалiм:

Сынып 6 Оқушылар саны: 15

Сабақ мақсаты: Оқушылардың өзін-өзі танудың адам өміріндегі мәнділігі жөніндегі ұғымдарын дамыту.

Міндеті:

Білімділік:Оқушыларға ізгілік ұғымы туралы түсінік беру;

Дамытушылық:Оқушыларды ізгі істерге жетелейтін адамгершілік қасиеттерін дамытуға ықпал ету;

Тәрбиелік: Мейірімді, ықыласты болуға тәрбиелеу.

Сабақ барысы:

1.Ұйымдастыру кезеңi. 2 мин.

Сәлемдесу, оқушылардың көңіл-күйін сұрау, сабаққа қатысуды тексеру.

2.Тыныштық сәтi. 3 мин. Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз.Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елесететіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балығы және таза әсем гүл сіздің әр ойыңызды, әр сезіміңізді,эмоцияңыз бен тілек-қалауыңызды шайып,жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз.Ол бірітіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп, сәуле шашуда.Қолымыз тек жақсы,ізгі істер істейді және баршаға көмектеседі.Нұр аяқтарарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі нұр сіздің ауызыңызға,тіліңізге тарады.Тіліңіз тек шындықты және жақсы,ізгі сөздер ғана айтады.Нұрды құлақтарыңызға бағқыттаңыз, құлақтарыңыз тек жақсы сөз бен әсем әуенді ғана естейді. Нұр көздеріңізге де жетті, көзіміз тек жақсыға қарап, бәрінне жақсылықты көреді. Сіздің басыңыз тұгелдей нұрға бөленніп, басыңызға тек ізігі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңыздан сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз.Нұрды уақытша түсініспей,ренжісіп жүрген адамдарға да бағыттаңыз,олардың да жүрегі нұрға толсын.Осы нұр бүкіл әлемге:барлық адамдарға,жан-жануарларға,өсімдіктерге,барлық тірі жанға таралсын....Ғаламның барлық түпкір-түпкіріне нұр бағыттаңыз.Ойша айтыңыз:"Мен нұрлымын...Нұр менің ішімде...Мен Нұрмын"

Осындай Нұр,Махаббат және Тыныштық күйінде отыра тұрыңыз....

Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Жаймен көзіңізді ашуға болады.Рахмет.

3.Үй тапсырмасын тексеру. 5 мин.

Мәтінмен жұмыс жүргізу үшін аңыз әңгімені оқып талдау ұсынылады.

Аңыз әңгімені мұғалім ауызша әңгімелеп беруіне немесе алдын ала тапсырылған оқушылардың айтуына болады. Содан соң балалар әңгімені өз бетінше оқып шығады. Оқушылар мәтін соңында берілген сұрақтарға жауап береді.

Оқушылар әңгіме мазмұнын талдау барысында жаман ниет, қайырымсыздықтың залалы қандай жағдайға душар ететініне көз жеткізеді. «Жазықсыз жанға жауыздықпен жасаған әрекеті өз алдына келеді», - деп неліктен айтылғанын, яғни «жақсылыққа жамандық жасаудың» мәнісін ұғады.

Аңыз әңгіме

Сабақ барысын талқылау:

4.Дәйексөз. «Кімде кім өзін сүйсе, туысқандарын сүйсе, өз елін сүйсе, әсіресе, адам баласын бауырым деп білсе, сол адамды ізгі атаймыз» деген Мағжан Жұмабаевтың нақыл сөзінің мағынасын қалай түсінетіндерін мұғалім оқушылардан сұрайды.

Оқушылардың дәйексөз мағынасын кеңірек түсінуі үшін мұғалім «алдымен адам өзін сүйе білуі керек, өйткені өзін сүйе білген, өзгені де сүйе алады, адамның сүю сезімі өзінің жақындарын, туған-туыстарын, айналасындағы адамдарды елін, жерін сүюге, бүкіл адамзат баласын бауырындай сүюі үлкен сүйіспеншілікке ұласады. Міне, лсындай адамды «ізгі жан» деп айта аламыз» деген ой түйіндейді.

5.Әңгiмелеу (сұхбат). 3мин.

6.Шығармашылық жұмыс, топтық жұмыс. 12 мин. Оқулықта оқушылардың ізгі іс туралы білімдерін бекіту үшін мынадай тапсырма беріледі:

Еліңе қызмет етудің ізгі іс ретіндегі мәнін мысалдармен дәлелдеңдер.

Оқушылар тапсырманы орындау жолдарын ойластырады. Мұғалім оқушыларға елге қызмет етуді осы жас шамаларына лайықты немесе келешекте еліне қандай қызмет ететінін елестете отырып, тапсырманы орындауға бағыт береді. Сондай-ақ мұғалім еліңе қызмет етудің ізгі іс екенін неден, қалай көруге болатынын оқушылардың сезініп, оны сипаттап айтып берулерін қадағалайды.

Тапсырманы балалар жекелей немесе топпен орындауларына болады. Орындаған тапсырманы сынып алдында жария етеді

7.Дәптермен жұмыс 4-тапсырма тексеру

8.Топпен ән айту. 3 мин.

«Арман жолдар» Сөзі:А.Дүйсенбінікі, әні: Ұ.Жолдасовтікі

9.Үй тапсырмасы. 2 мин.

Мәтінді оқыңдар. Ата-ананы, үлкендерді қалай құрметтеукеректігі жөніндегі өз ойларыңды айтып беріңдер

10.Қорытындылау,соңғы тыныштық сәтi. 3 мин.

Балалар, енді бір сәт тынышталайық.

. Балалар денелерін түзу ұстап, бастарын жоғары көтеріп, ыңғайланып отырады. Ауаны терең жұтып, еркін тыныстайды, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Бүгінгі сабақтан алған әсерлерің мен жақсы ойларыңды естеріңе түсіріп көріңдерші... Оны өздеріңмен бірге қалу үшін жүректеріңе салып, бір-бірлеріңе жылы лебіздеріңді білдіріңдер.Аңсаған армандарларыңа жетулеріңізге тілектеспін. Бүгін сендер өте көп жақсы істер жасадыңдар, ойларыңды жеткізе білдіңдер. жақсы ойлар айттыңдар сол үшін сендерге рахмет айтамын!

Өзiн-өзi тану сабағының жоспары

Мектеп №8 Мерзiмі: № 3 сабақ

Тақырып:Өз мүмкіндігімізді таниық

Құндылық:сүйіспеншілік

Қасиеттер:мейірім, қуаныш, достық.

Мұғалiм:

Сынып 6Оқушылар саны: 15

Сабақ мақсаты: Әр оқушының өзіндік мүмкіндіктерін танып, оларды қабілеттеріне орай дамытуға жағдай туғыз

Міндеті:

Білімділік :Оқушыларға адам мүмкіндіктері туралы түсінік беру:

Дамытушылық :Әр оқушының өз мүмкіндігін танып,дамытуына ықпал ету:

Тәрбиелік :өз мүмкіндіктерін бағалай және іске асыра білуге тәрбиелеу

Сабақ барысы:

1.Ұйымдастыру кезеңi. 2 мин.

Сәлемдесу, оқушылардың көңіл-күйін сұрау, сабаққа қатысуды тексеру.

2.Тыныштық сәтi. 3 мин.

«Арманымның суреті». Барлығымыз көзімізді жұмып, қандайда бір арманымызды көз алдымызға елестетеміз. Ең маңызды армандарыңды таңдаңыздар. Енді көзімізді ашып өздеріңнің армандарыңның суретін саламыз.Соңында суреттері бойынша өз ойларын сұрап шығамын.

3.Үй тапсырмасын тексеру. 5 мин.

Оқушылардың адам мүмкіндігі,қызығушылығы мен талпыныстары туралы түсініктерін кеңейту үшін Қ.Толыбаевтың шығармасымен таныстырылады

Бір кісі көп армандайды екен.Ол сол арманының іске асқан игіліктерін көрудің түрлі тәсілдерін ойлап,ұзақ қиялдайды екен.Бірақ көз сүзгеніне жеткізетін бағдарды да,жолды да таба алмай сарыла береді

Мен қиялмен әлемді кезіп,түрлі игіліктерді иеленуді көксеймін,-дейдіәлгі қиялшыл кісі көршісіне.

-Осының мәнін түсінуге көмектесіңізші,не істеуім керек?

-Өзім де білмеген соң,сізге не айтамын.Бұл жайды ғұламалардан сұрағаныңыз жөн шығар,-дейді көршісі.

-Сонда қай ғұламаға барғаным жөн?

-Ғұламалардың ғұламасы-Фараби дейді ғой жұрт.

Әлгі қиялшыл адам Әбунасырды арнайы іздеп барады.Аман-саулықты айтысқан соң,Әбунасыр қиялшыл кісіден:

-Маған не айтпақ едіңіз?-деп жөн сұрайды.

-Ғафу өтінем,ұстаз,менің сізден сұрайын деген бір жайым бар еді.

-Сұраңыз,білгенімше көмектесейін.

-Мен қиялмен әлемді шарлап, небір игіліктерді көруге құмартамын.Бірақ қолым жетпейді.Қиялға қалай жетудің жолын таппаймын.Осының бағытын нұсқап жібермес пе екенсіз,мәртебелі ұстаз.

-О,мұныңыз ұшып жүрген жел сияқты екен.

-Соның тұтқасы барма?

-Қиял---сезім мен ойдыңарасындағы дәнекер ғана.Қиял адамды бостан-босқа еліктіре береді,тұрлаусыз.Қолға ұстар тұтқасы жоқ.Сондықтан сезіміңіз бен ойыңызды бір мақсатқа бағындырып,өз мүмкіндігіңізді ескеріңіз.сол мүмкіндіктен айырылып қалмауға талаптаныңыз.Содан кейін мақсатыңызға жету үшін әрекеттеніңіз Сонда армандаған мұратыңызға қолыңыз жетуі мүмкін.

-Е,түсіндім,арманың орындалып,мақсатқа жету үшін күш-қайратты сарқа жұмыс істеу керек екен ғой.

-Иә, тынбастан қимылдңыз,ойыңыз орнықты болсын!...

Әлгі адам тұңғиық ойға шомады.

1Адамның неліктен ойлаған ойына қолы жетпеді?

2.Алға қойған мақсатқа жету үшін не істеу керек?

3.Ғұламаның кеңесін қалай тұжырымдар едіңдер?

4.Адамның қиялы оның мүмкіндігіне сәйкес келе ме?

Сабақ барысын талқылау:

4.Дәйексөз.

5.Әңгiмелеу (сұхбат). 3мин.

Оқушыларға сұрақтар қойылып,жауаптары тыңдалады

1Адам алдына қойған мақсатын жүзеге асыру үшін қандай әрекеттер жасайды

2.Адамдардың кейде арманына жете алмауының себебі неде деп ойлайсыңдар

3.Адамның мүмкіндігі мен мақсатының сәйкес келуі қажет деп ойлайсыңдар ма

6.Шығармашылық жұмыс, топтық жұмыс. 12 мин.

Оқулықта берілген отандық және әлемдік мәдени мұраларға салыстырмалы түрде сипаттама беру үшін мынадай сұрақтар қойылады:

1.Өнер туындыларын көргенде қандай сезімде болдыңдар?

2.Өнер туындыларынан қандай ұқсастықтар мен артықшылықтар байқадыңдар?

3.Адам мүмкіндігінің шексіз екендігінің тағы да немен дәлелдер едіңдер?

4.Адам мүмкіндігінің шексіздігіне қандай мысал келтіре аласың?

Оқушылардың жауаптары тыңдалады

7.Дәптермен жұмыс

8.Топпен ән айту. 3 мин.

«Арман жолдар» Сөзі:А.Дүйсенбінікі, әні: Ұ.Жолдасовтікі

9.Үй тапсырмасы. 2 мин. Соқпақбаевтың «Менің атым Қожа»повесінен үзінді оқу

10.Қорытындылау,соңғы тыныштық сәтi. 3 мин.

Балалар, енді бір сәт тынышталайық.

. Балалар денелерін түзу ұстап, бастарын жоғары көтеріп, ыңғайланып отырады. Ауаны терең жұтып, еркін тыныстайды, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Бүгінгі сабақтан алған әсерлерің мен жақсы ойларыңды естеріңе…