Қамқорлық ізгілікке бастар жол ашық сабақ

Күні: 10.01.2019ж

Тақырыбы: «Қамқорлық- ізгілікке бастар жол»

Сабақтың мақсаты: «Қамқорлық» ұғымының адамгершілік құндылығы ретіндегі маңыздылығын ашу. Қамқорлық туралы түсінік беру.

Дамытушылық: адамға, табиғатқа қамқорлық жасау іскерліктерін дамыту. Тәрбиелік: қамқор, қайырымды, мейірімді болуға тәрбиелеу.

Сабақтың көрнекілігі: интербелсенді тақта, бейнетаспа.

Сабақтың типі: Жаңа материалды меңгерту.

Сабақтың әдісі:Шаттық шеңбері, сергіту сәті, мәтінмен жұмыс, шығармашылық жұмыс, жаңа ақпарат, ойын, дәптермен жұмыс, жүректен- жүрекке.

Сабақтың түрі: Аралас сабақ

Пәнаралық байланыс: қазақ тілі, дене шынықтыру

Сабақтың барысы:

І. Ұйымдастыру кезеңі

а) сәлемдесу, сынып тазалығын тексеру

ә) оқушыларды түгелдеу

б) оқушы назарын сабаққа аудару

Шаттық шеңбері:

- Балалар, өткен сабақта біз қамқорлық шуағын жүрегімізбен сезінгенбіз. Өлең жолдарын бәріміз бірге қайталайық:

Қайырымды жүрекпен,

Мейірімді тілекпен,

Ізгілікті ниетпен

Қамқор болып өсемін!

- Балалар, біз бүгінгі сабақта қамқорлық туралы әңгімемізді жалғастырамыз.

Мультфильм көру «Қарлығаштың құйрығы неге айыр?» (Балаларға «Қарлығаштың құйрығы неге айыр?» мультфильмі көрсетіледі)

Көрсетіліп болған соң мультфильм бойынша сұрақтар қойылады.

- Ана қарлығашқа қандай қамқорлық көрсетті?

- Қарлығаш адам баласына қандай қамқорлық көрсетті?

Балалар сұрақтарға жауап беріп, қорытындылайды:

- Осы мультфильм арқылы адамның құстарға құстардың адамдарға қамқорлық жасай алатынын білдік. Қамқорлық — адамға, табиғатқа ,жан – жануарларға жанашырлықпен қарау, көмектесу.

Сергіту сәті: «Көлеңке»

Көлбең – көлбеңкөлеңкем,

Көлбеңдеген көлеңкем.

Құмырсқа қалай жүреді?

Көрсетші менің көлеңкем

Көлбең – көлбең көлеңкем,

Көлбеңдеген көлеңкем.

Құстар қалай ұшады?

Көрсетші менің көлеңкем

(оқушылар қимылмен құмырсқаның, құстардың ұшуын көрсетеді. Аю, түлкі, масат.б)

Мәтінмен жұмыс

Оқушылардың қамқорлық жайлы түсініктерін тереңдету мақсатында мәтінмен жұмыс жүргізіледі.

Балапан мен мысық (73 – бет) (Д.Мамырова)

Наурыз айы келді. Балалар қараторғайларға ұя жасады. Асан да құстарға ұя дайындады. Бір күні ұяда үш балапан пайда болды.Шешелері тамақ әкелуге кеткенде балапандардың біреуі жерге құлап түсті. Оны көріп ала мысық балапанға жақындай түсті. Қара торғайлар балапанын айнала шырылдай ұшып, Асаннан көмексұрағандай болды. Асан балапанды құтқармақ болып мысыққа ұмтылғанда, мысық қаша жөнелді. Асан жерде жатқан балапанды апарып ұясына салды. Қараторғайлар шат – шадыман болып әсем әуенге…