Кейіпкерлерді сипаттау және Ю дыбысы ашық сабағы

Тараз қаласы әкімдігінің білім бөлімі

№23 орта мектебі КММ

Ашық сабақ

Сауат ашу

Тақырыбы: «Ю әрпі мен дыбысы»

Бастауыш сынып мұғалімі: Бекембетова Э.И.

Сыныбы: 1 «А»

Тараз қаласы

Сауат ашу. 27-ақпан.

Сынып жетекшісі: Бекембетова Эльвира Игиликовна

Күні: 27.02.2019

Сынып : 1 «А»

Сабақтың тақырыбы: «Кейіпкерлерді сипаттаймын. Ю әрпі және дыбысы.»

Осы сабақта қол жеткізілетін оқу мақсаттары: (оқу бағдарламасына сілтеме)

1.7 Тыңдалған материал бойынша өз пікірін айту.

1.8 Берілген тақырыпқа әңгіме құрап айту.

1.9 Сөздерді, дыбыстарды орфоэпиялық нормаларға сәйкес дұрыс айту.

Сабақтың мақсаттары:

Барлығы: Жаңа білімді меңгереді.

Көбі: Тақырыпты түсініп, тыңдап, жетекші сұрақтар арқылы талқылайды.

Кейбірі : Алған білімді өмірде қолдана алады. Айтылған сөздер мен сөйлемдердің көпшілігін дұрыс қайталай алады.

Жетістік критерийлері:

Нақты сөйлеу арқылы, мәселені түсінгенін көрсете алады.

Құндылықтарды дарыту:

Оқушылырды бір-біріне деген құрмет көрсетуіне тәрбиелеу.

Пәнаралық байланыс: Өнер, ана тілі, жаратылыстану.

АКТ қолдану дағдылары: Аудиожазба, таныстырылым.

Тілдік құзіреттілік: Ою- орнамент.

Сабақтың барысы:

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы:

Ұйымдастыру кезеңі

-Саламатсыңдар ма қадірлі қонақтар?

-Балалар, бүгін бізде жай сабақ емес, сендердің білім, білік, дағдыларыңдң көру үшін қонақтар келіп отыр. Ендеше, қазақ халқының дәстүріне сай ең алдымен қонақтармен амандасып алайық.

Кішіге де сіз,

Үлкенге де сіз.

Бас иеміз сіздерге,

Құрметпенен біз. (оқушылар бас иеді)

Ынтымақтастық атмосферасын қалыптастыру

Оқушыларды түгендеу. Психологиялық ахуал тудыру мақсатында «Мен қандаймын?» ойсергегін өткізу. Ойсергектің ережелері: Оқушылар шеңбер құрып, әр оқушы өзінің атына сәйкес сын есімді айтады. (Арсен ақылды)

Шаттық шеңбері.

-Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш!

Топқа бөлу

Оқушылар сурет қиындылары арқылы 3 топқа бөлінеді.

1-топ -Күн

2-топ – Ай

3-топ- Жұлдыз

Топ басшысын топ мүшелері сайлайды.

Суреттер

Өткенді пысықтау:

«Ой қозғау». Сұрақ- жауап арқылы жұмыс:

1-топ: Дыбыс дегеніміз не?

Әріп дегеніміз не?

2-топ: Дыбыстар неше түрге бөлінеді?

Дауысты және дауыссыз дыбыстардың айырмашылығы неде?

3-топ: Буын дегеніміз не? Жуан және жіңішке дауыстыларды ата.

АКТ

«Мені ата » суреттегі заттардың атын жазу, диктант. Пияз, ұя, т.б. (Жұптық жұмыс. Балалар жазғандарын көршілеріне көрсету арқылы, тексереді, бір-бірінің қателерін түзетеді, бірін-бірі бағалайды.)

Суреттер.

Жаңа сабақ

Кіріспе:

Балалар, бүгінгі сабақтың тақырыбын сендер тапсаңдар деп тұрмын.

Жұмбақ шешу

Кіруге адам батпайды,

Затыңды аман сақтайды. (сандық)

-Сандықты немен әшекейлеп безендіреді.

-Оюмен.

-Оюды қандай жерлерден көруге болады?

-Ұлттық киімдерден, жиһаздардан.

-Дұрыс, балалар. Ендеше, балалар біздің бұгінгі тақырыбымыз қалай аталады деп ойлайсыңдар?

-Ю әрпі мен дыбысы.

-Сабағымыздың мақсаты не деп ойлайсыңдар? Сендердің мақсаттарың не?

-Ю әрпімен танысу, ю әрпін жаза алу, ю әрпі бар сөздер құрау, сөйлемдер құрау, қатесіз, жылдам оқу. (мақсатын оқушылар айту көзделіп отыр)