Кеңістік фигуралар тақырыбына қысқа мерзімді жоспар

Пәні: математика

Сынып : 1«Ә» Мектеп:«Н.Төреқұлов атындағы № 13 жом »

Күні: 12.02.19ж. Мұғалімнің аты-жөні: Шарипова.С.К

Сабақ тақырыбы

Кеңістік фигуралар

Осы сабақта қол жеткізілетін оқу мақсаттары (оқу бағдарламасына сілтеме )

1.3.1.2 жазық фигураларды (үшбұрыш, дөңгелек, шаршы, тіктөртбұрыш) және кеңістік фигураларды (куб, шар, цилиндр, конус, пирамида, тікбұрышты параллепипед) тану және қоршаған ортадағы заттармен сәйкестендіру.

Сабақ мақсаттары

Барлық оқушылар: Кеңістік фигураларымен танысады, суреттен табады, оларды бір-бірінен ажыратады, сәйкестендіреді;

Көптеген оқушылар: сыныптан кеңістіктегі фигураларды тауып, біреуінің суретін сала алады;

Кейбір оқушылар: Кеңістік фигураларының қасиеттерін ажырата алады, дәлелдеп бере алады.

Бағалау критерийлері

-кеңістік фигураларын біледі.

-сыныптан кеңістік фигураларды табады

-фигураның суретін салады

-қасиетін анықтайды

Тілдік мақсаттар

Фигура , цилиндр , конус , шар , текше , пирамида.

Талқылауға арналған сұрақтар :

Қандай кеңістік фигураларды білесің ?

Құндылықтарды дарыту

Математикалық білім бере отырып , олардың алдарына мақсат қоя білуге , ұқыптылыққа , еңбексүйгіштікке , уақытты тиімді пайдалана білуге дағдыландыру .

Пәнаралық байланыс

Бейнелеу , көркем еңбек .

АКТ-ны қолдану дағдылары

Бастапқы білім

Геометриялық фигураларды біледі .

Сабақтың жоспарлан-

ған кезеңдері

Сабақтағы жоспарланған іс-әрекет

Ресурс

тар

Сабақтың

басы

Ұйымдастыру кезеңдері:

Сәлемдесу.Түгелдеу.

«Бейтаныс фигуралар» әдісі. Әртүрлі фигуралар оқушыларға тарату. Сол фигуралар арқылы оқушыларды топқа біріктіремін.

1.Цилиндр тобы 3.Пирамида тобы.

2.Конустар тобы. 4. Шарлар тобы

Моделденген оқу.Мұғалімнің түсіндірмесі. Оқушыларға бүгінгі біздің мақсатымыз сабақта кеңістік фигуралармен танысатыны туралы айтамын.Әр топқа кеңістік фигуралар топтамасын ұсынамын. Кеңістік фигурасы заттың пішініне байланысты айтылған ұғым екенін түсіндіремін. Айналадағы заттарды көру арқылы кеңістік фигураларды байқауға болатынын, оларды қолға ұстауға болатынын, үстелге қоюға болатынын, олардың көлеңкесі болатынын ,шарлар мен цилиндрдің домалайтыны , конустың айналатынын,пирамида мен текшенің қырлары болатынын түсіндіремін.

Геометриялық фигуралар

Оқулық

Сабақтың ортасы

Дескриптор

1-тапсырма. Оқулықпен жұмыс.Белсенді оқу үдерісі негізінде және тілдесу арқылы қарым-қатынас жасау дағдылары негізінде табу .

Тапсырманың мақсаты:кеңістік фигураларымен танысады, суреттен табады, оларды бір-бірінен ажыратады.

«Ажырата біл» әдісі топтарға бірдей тапсырма беремін.Оқулықтан суреттен кеңістік фигураларды таба алады, оларды бір-бірінен ажырата аталады, олардың атауларын атайды.

Ғимараттардан кеңістік фигураларды тауып, оларды бір-бірінен ажыратады; атауларын атайды.

2-тапсырма.Шығармашылық жұмыс.Пәнаралық байланыс және саралаудың жіктеу әдісі негізінде орындалады.

Тапсырманың мақсат:сыныптан кеңістіктегі фигураларды тауып, біреуінің суретін салу ;

Оқушылар сыныптан кеңістік фигураларды таба алады , олардың біреуінің суретін сала алады.

Дескриптор

Сыныптан кеңістік фигураларды табады;

Олардың біреуінің суретін салады.

3-тапсырма. Топтық жұмыс .Оқытудың дәлелдеу және зерттеуге негізделген оқу барысында орындалады.

Тапсырманың мақсаты:кеңістік фигураларының қасиеттерін ажырата алады, дәлелдеп бере алады.

«Жасап көр» әдісі. Топтық жұмыс. Әр топқа бөлек тапсырма беріледі.Топтарға өз атауларына байланысты заттар беру. Кеңістік фигураларды ермексазбен жасай алады.Фигураларды жасау арқылы олардың айырмашылығын, қасиеттеріне көз жеткізеді.

«Джигсо» әдісі арқылы топтар бір-біріне түсіндіреді. Оқушылар әр фигураның ерекшелігін бір-бірінен ажырата алады , дәлелдеу жұмысын жүргізеді. Оларды қолға ұстауға болатынын, үстелге қоюға болатынын, олардың көлеңкесі болатынына көз жеткізеді.Цилиндр мен шардың домалай алатынын,конустың айналатынын , пирамида мен текшенің қырлары бар екенін дәлелдей алады.

Талқылауға арналған сұрақ:

Қандай кеңістік фигураларын білдің ?

Дескриптор

Фигураларды ермексазбен жасайды;

Олардың қасиеттерін анықтайды ;

Сабақтың соңы

4-тапсырма.Дәптермен жұмыс.Оқушыларды уәждеу және сәйкестендіру негізінде орындалады.

Тапсырманың мақсаты : Кеңістік фигураларымен танысады, суреттен табады, оларды бір-бірімен сәйкестендіреді;

«Сәйкестендіру» әдісі .Кеңістік фигурасы мен оған сәйкес атауды сызықпен қосады.

Дескриптор

Дәптерден кеңістік фигураларды оған сәйкес атаулармен сәйкестендіреді.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың

материалды меңгеру деңгейін

қалай тексеруді жоспарлайсыз?

Денсаулық және қауіпсіздік техникасының сақталуы