Химия пәні мұғалімінің жартыжылдық сараптамасы

Қостанай облысы, Қостанай ауданы әкімдігі білім бөлімінің « Семенов орта мектебі » ММ

химия пәні мұғалімі Т.К. Бахатованың

2018-2019 оқу жылының

I жартыжылдығында атқарылған жұмысы бойынша

ЕСЕБІ

Мақсаты: Атқарылған жұмыстар бойынша есеп беру Мерзімі: 24.12.2018 ж.

Мұғалімнің тегі аты әкесінің аты ( құжат бойынша)

Бахатова Тенгуль Камиевна

Білімі

Жоғары / Ы.Алтынсарин атындағы Арқалық мемлекеттік педагогикалық институты 1994 – 1998 ж. /

Химия пәні оқытушысы және эколог

Диплом № 0024606

Категория

01.09.2018 ж. Жоғары

Еңбек өтілі

Осы мекемедегі еңбек өтілі

20 жыл

Кәсіби біліктілігін көтеру курстары

Педагогикалық шеберлік орталығының Қостанай қ. филиалы

17.07 – 28.07.2017 ж.

Қазақстан Республикасында орта білім мазмұнын жаңарту шеңберінде « Химия » және « Жаратылыстану » пәндері бойынша педагог кадрларының біліктілігін арттыру білім беру бағдарламасы бойынша....

Топтық жұмысты химия сабақтарында енгізу арқылы оқушылардың шығармашылық қабылеті мен танымдық белсенділіктерін арттыру

Топпен жұмыс барысында жан-жақты біліммен қаруланған, ақпараттық жүйемен жұмыс істей алатын, белгілі бір көзқарасы қалыптасқан, білімді де білгір тұлға қалыптастыру.

Мақсаты:

Химия ғылымы – эксперименттік ғылым. Сондықтан бұл пәннің сабақтарында эксперименттік, демонстрациялық тәжірибелер, зертханалық жұмыстар, сарамандық сабақтарға көп мән беріледі. Химия сабағында да әр түрлі оқыту технологияларының элементтерін пайдалану өте тиімді.

Химия пәнін оқытуда қолданылатын технологиялар:

1. Дамыта оқыту технологиялары;

2. Саралап және даралап оқытуға негізделген педагогикалық технологиялар;

3. Тақырып бойынша тірек конспект жүйесін қолдана оқыту;

4. Ойын технологиялары.

5. Ақпараттық коммуникативтік технологиялар;

Мультимедиа, электронды оқулықтар мүмкіндіктерін қолдану химия сабақтарын дәстүрлі емес сабақтар деңгейіне көтере алады, оның ішінде кіріктірілген сабақтарды ұйымдастыруда мұғалімнің таптырмас көмекшісі бола алады.

Қазіргі әлемдік білім кеңістігіндегі халықаралық стандарт талаптарына сай оқыту үдерісінің орталық тұлғасы білім алушы субъект, ал ол субьектінің алған білімінің түпкі нәтижесі құзіреттіліктер болып белгіленуі білім беру жүйесінде «функционалдық сауаттылықты» қалыптастыру мәселесін негізге алудың өзектілігін арттырып отыр. Осыған орай алған білімдері негізінде әрекет етуге қабілеттілік пен даярлықты білдіретін құзіреттерді қалыптастыру үздіксіз білім беру жүйесінің маңызды буыны болып саналатын жалпы білім беретін орта мектептердегі әрбір пәнді оқытудың да басым бағыттарының бірі болып табылады.

Функционалдық сауаттылық – адамның сыртқы ортамен қарым-қатынасқа түсе алу қабілеті және сол ортаға барынша тез бейімделе алуы мен қарым-қатынас жасай алу деңгейінің көрсеткіші. Олай болса, функционалдық сауаттылық тұлғаның белгілі бір мәдени ортада өмір сүруі үшін қажетті деп саналатын және оның әлеуметтік қарым-қатынас жасауын қамтамасыз ететін білім, білік, дағдылардың жиынтығынан құралады.

Сауаттылық тұлғаның тұрақты қасиеті болып табылатындықтан, функционалдық сауаттылық сол тұлға меңгерген белгілі бір білім-біліктерден көрініс табады. Өйткені функционалдық сауаттылыққа адам нақты білім алу кезеңдерінен өткеннен кейін қол жеткізеді.

Функционалдық сауаттылық оқушылардың сыртқы ортамен қарым-қатынас жасау қабілеті, оқушылардың өзгермелі өмірге бейімделуінің шарты, оқушылардың жеке бас қабілеттерін дамытудың тетігі, оқушылардың әлеуметтік дағдыларын дамытудың негізі, әлеуметтік-мәдени дамуының өлшемі, білім, білік, дағдыларының құзыреттілікке ұласу жолы. Ол оқушылардың қатысымдық, ақпараттық, проблемалардың шешімін табу құзыреттіліктерінің бірлігінен құралады.

Оқушылардың функционалдық сауаттылық мазмұны келесі құзыреттіліктерден көрінеді:

оқу, жазу сауаттылығынан;

жаратылыстану ғылымындағы сауаттылығынан;

математикалық сауаттылығынан;

компьютерлік сауаттылықтан;

денсаулық мәселесіндегі сауаттылықтан;

құқықтық сауаттылығынан.

Химия пәнінен 7,8,9,10,11 сыныптарға, жаратылыстану 5 сыныпқа, географиядан 7,9,11 сыныптарға сабақ беремін. Апталық жүктемем: 24 сағат. Оның ішінде жаңартылған білім беру мазмұнына сай сағат саны 5,7,8 сыныптарда 10 сағатты құрайды. Осы пәндерге сай тақырыптық-күнтізбелік жоспар 28 тамыз күні « Болашақ » жарытылыстану-математикалық пәндер әдістемелік бірлестігі отырысында қаралып, 3 қыркүйек күні бекітілді. Сабақ кестесі бойынша апталық жүктемеме байлынсты сағат сандары дүйсенбі – жұма күндеріне қойылды.

2018-2019 оқу жылында химия пәнінен 61 оқушы, жаратылыстану пәнінен – 12 оқушы, география пәнінен 25 оқушы білім алды. Барлығы 5,7-11 сыныптарда аралығында 10 класс- комплект бар.

8-11-сыныптар аралығында химия пәні бойынша бірінші жартыжылдықтың білім сапасы – 64,0 %. Бірінші тоқсанмен салыстырғанда 1,0 пайызға көтерілген.

Бірінші жартыжылдық бойынша химия пәнінің білім сапасының салыстармалы көрсетіші

2018-2019 оқу жылы