Хобби еріккеннің ермегі емес, 5 сынып презентациясы

Қысқа мерзімді сабақ жоспары

Ұзақ мерзімді жоспардың тарауы:

5-бөлім: Бос уақыт және хобби

Мектебі: «Т.Кенжебаев атындағы орта мектеп» коммуналдық мемлекеттік мекемесі

Мұғалімнің аты-жөні: Оршибекова Б.Н

Күні: 03.03.2020

Қатысқандар: Қатыспағандар:

Сынып: 5

Сабақтың

тақырыбы

Хобби еріккеннің ермегі емес

Осы сабақта қол жеткізілетін оқу мақсаттары (оқу бағдарламасына сілтеме)

5.Т/А5. Тыңдалған мәтін мазмұны негізінде сұрақтарға жауап беру, көтерілген мәселе бойынша өз ойын білдіру.

5.Ж4. Эссенің кіріспе, негізгі, қорытынды бөлімдерін сақтай отырып, өзіне таныс адамды, белгілі бір мекен мен оқиғаны сипаттап не суреттеп жазу.

Сабақтың мақсаты

Барлық оқушылар:

Мәтін мазмұны негізінде сұрақтарға жауап береді

Көптеген оқушылар:

Көтерілген мәселе бойынша өз ойын ашық білдіреді

Кейбір оқушылар:

Эссе құрылымын сақтай отырып, оқиғаны сипаттап жазады

Бағалау критерийі

Тақырып бойынша сұрақтарға жауап береді;

Негізгі ақпаратты анықтайды.

Эссе құрылымын сақтай отырып, оқиғаны сипаттайды

Тілдік мақсаттар

Пәнге қатысты сөз тіркестері мен терминология:

Хобби, құмарлық, бос уақыт,ермек,әрекет, сүйікті іс

Құндылықтарға баулу

Жауапкершілік

(топтық, жеке жұмыста жауапкершілік қасиет танытады)

Құрмет

(жұмыс барысында өзіне және өзгеге құрмет көрсетеді)

Пәнаралық байланыс

Өзін-өзі тану, психология

Тақырып бойынша алдыңғы білім

Бос уақыт және хобби

Сабақ барысы

Сабақтың кезеңдері

Сабақтағы жоспарланған жаттығу түрлері

Ресурстар

Сабақтың басы

7 минут

«Түймедақ» әдісі бойынша әр қағаздың артында жасырылған гүл түрлері бойынша топқа бөлінеді.

Психологиялық ахуал қалыптастыру:

Үй жұмысын тексеру (Әркім өз хоббилерін көрсетеді)

Стикерлер

Сабақтың ортасы

8 минут

5 минут

20 минут

Күн ретін жазу.

Қызығушылығын ояту кезеңі.

1-тапсырма.

Топтық жұмыс.

«Маңыздылық пирамидасы» әдісі бойынша оқушылар тыңдалған мәтін мазмұны желісінде негізгі ақпаратты анықтай отырып, оқушылар топ бойынша берілген сұрақтарға жауап іздейді, әрі тірек сөздерді табады. Әр оқушы әрекетіне қарай мадақталады.

Мәтін:

Хобби («hobby» -ағылшын тілінен алғанда –«сүйікті ісіңмен айналысу» дегенді білдіреді.Бұл – ләззат алу үшін орындалатын адам әрекетінің бір түрі, яғни адам өзінің бос уақытында қуана-қуана айналысатын ісі. Адамның сүйікті ісі оны күйзелістен, ашу-ызадан құтқарады. Оның үстіне, ол адамның жан-жақты болуына көмектеседі. Хоббидің негізгі мақсаты- өзін-өзі дамытуға көмектесу.

Microsoft (Майкрософт) компаниясының негізін қалаушы Билл Гейтс теннис және бридж ойнауды жақсы көреді. Әсіресе оның кітап оқуға деген құмарлығы кішкентай күнінен басталған. Ол кітапханасын сирек кездесетін кітаптармен толықтыруға арнайы адам жалдаған.

Телеграф, телефон, киноаппарат, фонограф тәрізді дүниелерді өмірге алып келген ХХ ғасырдың басындағы ұлы адам- Томас Эдисон түрлі диетаның адам ағзасына әсерін зерттеумен айналысқан.

Facebook (Фейсбук) әлеуметтік желісін құрушы Марк Цукерберг жыл сайын өзінің хоббиін өзгертіп, әлем туралы түсінігін кеңейту үшін бос уақытын түрлі пәндерді оқуға арнаған.

Хобби осылайша адамдардың негізгі кәсібіне кедергі жасамайды, керісінше оның жан-жақты болуына және өмірінің мағыналы өтуіне көмектеседі екен.

Дескриптор:

Көтерілген мәселені анықтайды;

Берілген сұрақтарға жауап береді;

Тірек сөздерді табады.

2-тапсырма.

«Синквейн» әдісі (бес жолды өлең) арқылы «хобби» сөзін сипаттап жаз.