Хобби тақырыбына арналған 5-сынып қазақ тілі жоспары

Тексерілді: ....................... ДОЖЖО Р.Сүйінбай «.........» ............2018 ж.

Күні : 10. 12. 18 ж

Мұғалімнің аты - жөні: Сарсенбаева Гүлнұр

Сынып:

5 «Ғ, И»

Тақырыбы:

«Бос уақыт және хобби» бөлімі. Морфология

Хобби

Осы сабақ арқылы жүзеге асатын оқу мақсаттары

5.1.5.1. Тыңдалған мәтіннің мазмұнын негізінде сұрақтарға жауап беру, көтерілген мәселе бойынша өз ойын білдіру.

5.4.4.1. Жұрнақ арқылы жасалған туынды сөздерді және күрделі сөздерді ауызша және жазбаша тілдесім барысында қолдану.

Сабақ

мақсаты

Барлығы: мәтін мазмұны негізінде сұрақтарға жауап бере алады

Көпшілігі: сұрақтарға жауап беріп, көтерілген мәселені анықтайды

Кейбірі: сұрақтарға жауап беріп, көтерілген мәселені анықтап, өз ойларын еркін жеткізеді

Бағалау критерийлері

Сұрақтарға жауап береді;

Мәтінде көтерілген мәселе бойынша өз ойын білдіре алады;

Тілдесім барысында жұнақ арқылы жасалған туынды сөздерді ажыратып, орынды қолданады

Құндылықтарды дарыту

Жалпы еңбек қоғамы. Еңбексүйгіштікке тәрбиелеу

Тілдік мақсат

Түйінді сөздер мен тіркестер:

Бос уақыт, хобби, тиімділік, сүйікті іс, т.б

Алдыңғы оқу:

Хобби туралы түсінік қалыптасқан

Жоспар

Жоспарлан-ған уақыт есебі

Жоспарланған жаттығу түрлері

Ресурстар

Сабақтың басы

9 минут

Сәлемдесу

Жағымды ахуал орнату

Үй тапсырмасы 5 – тапсырманы тексеріп, оқытып, пысықтау

Ширату жаттығуы:

«Ой қозғау»

Сұрақтарға жауап алу арқылы бүгінгі сабақтың тақырыбы мен мақсатын ашу.

Әркімнің айналысатын сүйікті ісі – хобби деп аталады

Суреттер

Сабақтың ортасы

25 минут

1-тапсырма

Оқылым:

Мәтінді оқып, сұрақтарға жауап беріңдер де ойды жалғастырыңдар

Хобби дегеніміз – әрбір адамның өзі сүйіп істейтін әрі қолынан келетін ісі. Біреулер сурет салғанды, біреулер ән айтқанды, ал енді біреулер коллекция жинағанды ұнатады. Жер бетінде қанша адам болса, барлығының да бос уақытында айналысатын, өмірлік мәні бар сүйікті ісі болады.

Қазақ қаламгерлерінің көпшілігінің өз сүйікті істері болған. Мәселен, балалар ақыны Мұзафар Әлімбаевтың хоббиі – сөзжұмбақ және сканворд құрау және шешу, әлем халықтарының мақал-мәтелдерін жинау және оларды қазақ тіліне аудару; жауынгер-жазушы Әзілхан Нұршайықовтың хоббиі – cурет, жақсы кітаптар жинау; Қадыр Мырза Әлінің хоббиі –кітап, қалам, бәкі, төсбелгі жинау болса, жазушы-аудармашы Герольд Бельгер шахмат ойнауды жақсы көрген, классик жазушы Ғабит Мүсірепов неше алуан таяқ жинаған.

Қазақтың біртуар ұлы Дінмұхамед Қонаев оттықтан (зажигалка) топтама жинаса, Н.Ә.Назарбаевтың хоббиі – табиғат аясында болу, спортпен шұғылдану, музыка тыңдау және кітап оқу екен.

Сол секілді өнер адамдарының да хоббилері сан алуан, бірі құс өсірумен айналысса, екіншілері аңшылықпен, үшіншілері жылқы ұстаумен, төртіншілері қолөнер кәсібімен, гүл өсірумен т.б. істермен айналысқанды ұнатады. Ойтүрткі

1. Хоббимен адам не үшін айналысады деп ойлайсыңдар? Дәлел келтіріңдер.