Кикілжіңнің алдын алуға арналған ойындар мен жаттығулар

«Кикілжіңнің алдын алу» (Ойындар, жаттығулар)

Мақсаты: Балаларға кикілжіңді жағдайдың алдын алуды үйрету. Проблемалық жағдаяттардан шығу жолдарын қарастыру.

1. «Бір бірімізге жаман сөз айтамыз» ойыны

Психолог: 2 жұпка бөліңдер, 1- жұп жаман сөздер айтса, 2 жұп келісіп, комплименттер (қолпаштау, мадақтау) айтады. Мысалы: (1- жұп ) сен жамансың десе, (2- жұп ) иә мен жаманмын келісемін, сен жақсысың рахмет т.с.с.

Талдау: Жаман сөз айтқанда қандай сезімде болдыңдар? Мадақтау, қопаштау естігенде ше?

2. «Көқөністер арқылы ұрсамыз» ойыны

Психолог: Бұл ойында балалар бір- біріне жаман сөздердің орнына көкөністердің атаулары арқылы ұрысады. Мысалы: Сен қиярсың, сен пиязсың. т.с.с.

Талдау: Көкөністер арқылы ұрысқанда өздеріңді қалай сезіндіңдер?

Жаман сөз айтып ұрысқан жақсы ма , әлде көкөністер арқылы ұрысқан жақсы ма? Ерекшілігі неде?

«Тілсіз итеру» ойыны .

Психолог: Ойыншылар бөлме ішінде еркін қозғалып жүреді де, бір- бірін түртіп итереді, жай ұрып, соғып, шымшып көреді, бірақ сөйлемейді.Кейін балалар ойыннан алған әсерлері мен бөліседі.

Талдау: Түрткен, ұрған сендерге ұнады ма? Не істегілерің келді?

Кикілжіңді жеңуге көмектесетін ережелер жазу.

Кикілжің болған жағдайда өзіңді- өзің ұстай біл, өзіңді тоқтата біл.

Көңіл күйіңді басқара біл.Үнемі көңілді күліп жүр.

Ән, музыка тыңда!

Мезгілімен ұйықта

Жаттығулар жаса!

Екі жақты қанағаттандыратын шешім таба біл!

«Тазару» жаттығуы

Терең дем алып, демді барынша қайта шығарыңыз. Денеңізді босатыңыз. Өзіңізге былай деңіз:

Мен өмір сүруіме кедергі келтіретін барлық өкпе, реніштен тазарғым келеді. Мен барлық қысымнан осылайша босаймын. Барлық ескі реніш, өқпелерімнен құтылғым келеді. Мен жанға рахат жайбарахаттылықты сезінемін..Мен өз қалпымдамын.Өз өмірімнің ағынымен барамын. Бірақ өқпені ұмыттым, кештім.

Қорытынды:

«Егер сен күлсең, бар әлем сенімен бірге күледі, ал егер сен жыласаң сен жалғыз жылайсың» деген нақыл сөз өте орынды айтылған.Күлкі денсаулықты жақсартып, адамның көңіл – күйін көтереді. Өзгелерге де қуаныш сыйлайды. Күлкі сізге бақыт сезімін әкеледі. Күлкі жандарыңызға серік болсын.