Кикілжіңнің шығу себептері туралы психологиялық материал

Тақырыбы:Кикілжің қайдан шығады?

Түрі:тренинг

Қатысушы: 9- сынып

Мақсаты: Белгілі бір кикілжіңдік жағдайдан, кикілжіңге қатысты мінез-құлық стильдерін қолдана отырып, шешуге үйрету. Кикілжің туралы түсініктерін қалыптастыру.

Тренинг барысы:

Бөлмеден шығып бара жатып есікті ашуланып қатты жапқан жағдайды басыңыздан кешіргенсіз бе? Немесе біреудің дөрекі сөзінен ренжігенсіз бе? Досыңызбен келіспей қалып ұрысқан кездеріңіз болған ба? Егер де сіз осы сұрақтардың біреуіне де болса да сенімді жауап берсеңіз, онда сіз «кикілжің» деп аталынатын құбылыспен таныссыз.

Кикілжіңдер – қазіргі қоғамның әлеуметтік және саясаттық өмірінің маңызды құбылыстарының бірі.

Ескерту: Кикілжіңге байланысты ситуацияларды тренингке қатысушыларға ойнату барысында бір-біріне ренжіп қалмас үшін, бір-біріне балағат сөздер айтып тастамас үшін, ситуациялар қарапайым және қатысушылар үшін маңызды болуы керек. Себебі, тренинг барысында немесе тренингтен кейін бір-біріне ренжіп қалуы мүмкін.

«Конспект»

Ойынға екі адам қатысады.

Бірінші қатысушыға нұсқау: «Сендер екеуін мектепте бірге оқисыңдар. Кітабы жоқ пәннен сен конспект жазбадың. Конспекттіні досың жазып жүрді. Емтиханда мұғалім өз пәнінің конспекттісін талап етті. Емтиханды бүгін тапсыратындықтан, өз досыңнан конспектісін уақытша сұрадың. Себебі, ол осы пәннен емтиханды ертеңіне тапсырады. Емтиханды беске тапсырғанына қуанып, конспектіні аудиторияда ұмытып кеттің. Есіңе түсіп қайтіп келгенде, аудиторияда ешкім болмады және конспектіні де таппадың».

Екінші ойыншыға нұсқау: «Екеуін коридорда кездесіп қалдыңдар. Өздеріңді күнделікті өмірідегідей ұстаңдар».

Ойыннан соң классикалық анализ жүргізіледі: алдымен бақылаушылар, содан соң қатысушылар өз пікірлерін білдіреді. Пікір алысып болған соң тренер ойынға қатысушылардың ойыннан алған әсерлерін анықтау үшін келесідей сұрақтар қояды: «Сен келесіде одан конспект сұрайсың ба?»; «Ал сен оған келесіде конспект бересің бе?». Анализ барысында қатысушыларға және бақылаушы топқа кикілжің жағдайында қандай да белгілі бір стиль түрлерінің айқын байқағандықтарын, сонымен қатар оны шешуге қандай да бір ережелерін қолданғанын көрсету маңызды. Және соңғысы: егер ситуация нәтижелі аяқталса, онда жәбірленуші кінәлі адамның бойынан кінә сезімінен арылтуға көмек беруі қажет. Міне, барысы осылай жүргізілетін төменде келесідей кикілжің жағдайлы ситуациялар берілген.

«Статья»

Екі ойыншы қатысады. Нұсқауы екеуіне қатар оқылады.