Кітап – ұлт байлығы тақырыбындағы 2-сыныптан тыс жұмыс

Мақсаты:

Кітапхана өмірімен таныстыру, білімің кітап арқылы берілетіндігін ұғындыру. кітапқа деген қызығушылықта арттыру, оны күтіп ұстауға үйрету.

Көрнекіліктері:

білім, кітап туралы жазылған плакаттар, кітап көрмесі «Кітап - деген бір әлем», жазушылар суреттері.

Сабақ - сайыс кезеңдері:

1 кезең. «Кітапхана – кітап үйі» сұрақ - жауап. 2 кезең. «Шежіре», мақал жалғастыру 3 кезең. «Кітаппен бірге болашаққа қадам басамыз» тақырыбында шығарма. 4 кезең. « Біз тапқырмыз» ойындар шеруі.

Сабақтың барысы: Кітапханашы: Армысыздар оқушылар! Балалар, бізде бүгін ерекше сабақ. Бұл кітапхана саяхат. « Кітаппен бірге жаңа әлемге қадам басамыз» атты кітапхана сабағына қош келдіңіздер!

Білесің бе кітап білім ұясын, Келесің мұнда, өмірге азық жиясың.

Оқып біліп, зерттеп көріп санаңа,

Терең білім ой маржанын құясың.

Талап қыл артық білуге, Артық білім кітап,- деп Абай атамыз айтқандай ілім - білімнің сарқылмас қазынасын кітаптан аламыз. Адамзат баласының жер басып өмір сүрген уақытынан, бүгінгі күнге дейінгі басты үш құндылығы - білім, ғылым және өнер. Ал осы құндылықтардың қыр - сырын түсінуге қол ұшын беретін алуан түрлі жаңалықтарды ашуға апаратын бірден - бір жолдың ордасы – кітапхана. Кітапхана сабағы ойын түрінде өтеді. Қазір алдарыңызға екі топ «Тапқырлар» мен «Білгірлер» шығады.

Топтарды таныстыру.

1 топ - «Тапқырлар», топ ұраны: « Талап қыл артық білуге, Артық білім ғылымда». А.Құнанбаев 2 топ - «Білгірлер», топ ұраны: Оқу өмірдің сәні Тіршіліктің шамы». С. Сейфуллин.

Әділқазылар алқасымен таныстыру. 1 - кезең. Дейді ойшылдар” Кітап – білім бұлағы” Кітапхана сол кітаптар тұрағы. Көп үйреніп көп оқыған баланың Анық тағы білімпаз болып шығары.

«Кітапхана – кітап үйі» сұрақ - жауап. Екі топқа кезекпен сұрақтар қойылады. Бірінші топ жауабын білмесе, екінші топ жауап береді. Толық жауапқа - 2 ұпай, толық емес жауапқа – 1 ұпай.

1. Таусылмас байлық, сарқылмас қазына (кітап). 2. Кітап үйі -... (кітапхана). 3. Кітап құрылысы (кітап сырты, мұқабасы, титулдық бет, форзац) 4. Титулдық бетінде қандай мәліметтер бар? (авторы, аты, баспаның аты, шыққан жылы). 5. Аннотация деген не? (кітап туралы қысқаша мәлімет). 6. Аннотациядан басқа тағы қандай кітап туралы мәліметтер бар? (алғы сөз, безендірілуі, мазмұны).

2 кезең. «Шежіре» кезеңі.

Кітапханашы: Үлгі - сөзі атаның, үйренеміз мақалың - дегендей «Мақал - мәтел» сайысына көшеміз. Мен мақалдың сыңарын айтамын, сендер жалғастырасыңдар: • Кітап – білім бұлағы,...(білім өмір шырағы) • Кітапсыз білім жоқ, білімсіз...(күнің жоқ) • Кітапсыз үй -...(жансыз дене). • Күш – білімде, ал білім –...( кітапта) • Артық ғылым кітапта, Ерінбей...( оқып көруге).

• Наданмен дос болғанша, ….(Кітаппен) дос бол.

• Оқысаң озарсың...(оқымасаң тозарсың)

3 кезең. «Кітаппен бірге жаңа әлемге қадам басамыз!» тақырыбында шығарма. Топтық жұмыс. Екі топқа таза парақ беріледі. Бірінші бала бір сөйлем жазып бастайды, сосын келесі бала екінші сөйлемді жазады. Барлығы бір - бір сөйлемнен жазып шығуы керек. Аяғында байланысқан мәтін шығады.

Оймен, кәне өсейік, Ал жұмбақты шешейік.