Кітапханадағы бірлескен жұмыс орталығын ашу сценарийі

Бекітемін Мектеп директоры: С.Әбікенова

«Коворкинг» орталығының ашылу салтанатының

сценарийі

Өтетін күні: 25.12.2020 Уақыты: 15: 00

Коворкинг орталығының мақсаты: кітапханадан арнайы бір бөлмені оқырмандарға сай етіп әзірлеу және мобильді стандарт бойынша жабдықталады. Коворкинг орталығы кез келген адамға өзінің сүйікті ісімен айналысуына, арнайы тақырыптарда дөңгелек үстелдер ұйымдастыруға, шахмат, дойбы ойнауға, жаңа келіп түскен кітаптары оқуға зор мүмкіндік тудырады.

Қайырлы күн құрметті қонақтар, оқырмандар, оқушылар!

ЕЛБАСЫНЫҢ «Болашаққа бағдар - рухани жаңғыру» бағдарламасының негізгі бағыттарының бірі - халықтың білімге деген құштарлығын арттыру. Осыған орай еліміздегі кітапханалардың қызметін жаңғыртып, оларды жаңа заманға сай «COWORKING» орталық ретінде қайта құру жобасын қолға алды. Себебі , кітапханалар тек кітап оқитын орын емес, түрлі семинарлар, тренингтер, дәрістер өтетін, жастар жиі бас қосатын нағыз білім орталығы болуы тиіс. Мәдени, рухани, ақпараттық бім беру орталығы саналатын № 79 негізгі мектебінің кітапханасында «Коворкинг орталығының» ашылу салтанатына қош келдіңіздер!

Жүргізуші: Коворкинг (ағылш. Co-working, “ортақ жұмыс, ынтымақтастық”) әр түрлі жұмыспен қамтылған адамдардың бірігіп, бір мақсатта жұмыс істеуі. Көбінесе жұмыстар шағын кеңселерде жүреді. Коворкинг жұмыс кеңістігінің икемді болуын және тұрғындар қауымдастығын қалыптастыру үшін жасалады.

Жүргізуші: Коворкинг орталығы пайдаланушыларға әлемдегі қазіргі заманғы үдерістерге ортақтастыру үшін жасалған. Бұл «Рухани жаңғыру» бағдарламасы аясында жүзеге асырылып жатқан жұмыстың бір бөлшегі.

Кітапханаға келушілердің бос уақытын тиімді әрі пайдалы өткізуіне бар жағдайды жасайтын орталық алаңы болады және кітапханадағы коворкинг орталығын коммуникативтік алаң деп саналады.

Бүгінгі «Коверкинг орталығының» ашылу салтанатының алғашқы құттықтау сөзі :

Ән: Қыдырбек Жәния «Нұраға»

Жүргізуші: Коворкинг орталығы – тыныштықта жұмыс істеу мақсатында тұтынушыға жеке орын бере отырып, жеке дара жұмыс жасауына немесе ұжымдық жұмыс жүргізуге жағдай туығызатын орын. Кітапхана тұтынушысы кәсіби әдебиеттер мен басылымдарға, сонымен қатар, басқа да материалдарға қолжетімділікті пайдалана отырып, ағымдағы және келешектегі жобаларды талқылауда әркім өз білімі мен тәжірибесін бөлісу арқылы өз міндетін орындауда таптыртпайтын кеңістік. Ең маңыздысы тыныштықта жұмыс істеу мүмкіндігін туғызу.

Жүргізуші: келесі сөз кезегі мектебіміздің директоры Әбікенова Сәуле апайға беріледі.

Ән: Өтебай Дилназ «Тәуелсіз қазақ қызымын»

Жүргізуші : Заман талабына сай әлемдегі дамыған елдердің кітапханасында ұсынатын қызмет түрін енгізудің өзі жаңару мен жаңғыруға бастаған үлкен қадамдардың бірі.

Мемлекет басшысының «СЫНДАРЛЫ ҚОҒАМДЫҚ ДИАЛОГ ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ» атты Қазақстан халқына арналған жолдауында жастарға ерекше көңіл бөліп, 2020 жылы Еркітілер жылы деп жариялаған болатын. Жастар қашан да қоғамның , жаңа идеялардың бастамашысы және қоғамның даму үдерісін ілгерілетудің жетекші күші жастар екені ақиқат. Келесі сөз мектебіміздің жас маманы Қазақ тілі және әдебиеті пәнінің мұғалімі Рахымжанова Гүлжайнаға береміз.

Жүргізуші: Коворкинг орталығы – бұл тек жұмыс істеу орны ғана емес, демалыс пен шығармашылық жұмыс жасау кеңістігі, олай болса сөз кезегін оқушыларымызға береміз: Мектеп оқушыларын мәнерлеп оқуға шақырамыз 3 Сынып Алпысбаева Гүлсезім 4 Сынып Ерахмет Нұрсұлтан Саттар Нұржан 6 Сынып Әбікенова Жәния Әбілтай Аружан 7 Сынып Берікбол Маржан Берікбол Інжу 8 Сынып Елеусізов Нұрсұлтан 9 Сынып Исмайлов Бақберген

Жүргізуші: Биыл 2020 жыл айтулы күндерге толы жыл, атап айтар болсақ Қазақтың ұлы ақыны Абай Құнанбайұлының туғанына 175 жыл толып отыр, Әлемнің екінші ұстазы атанған ӘбуНасыр Әл Фарабидің туғанына 1150 жыл толып отыр. Еліміздің бас Заңы Конституцияға 25 жыл, Алтын Орда мемлекетінің құрылғанына 750 жыл, Қазақ хандығына 555 жыл, Жауынгерлердің жанкешті ерлігімен жеткен Ұлы Жеңіске 75 жыл толып отыр. Қазақпын еңселі елмін егеменді Кеңейттім кең әлемге керегемді Қазақпын, қойнауы құт жері дархан

Әнімді бес құрлықтың бәріне айтам

Бірлігімнің бұзылмаған қаймағы, Бейбіт күнде желбіреген байрағы. Әлем білген басшысымен көреген Қазақстан ынтымақтың айғағы! – отырып ортада тарихи шолу

«Ұлттық тәрбие өркениеттің өзегі»

Тарихи шолу

Жүргізуші: READx жобасына қатысқан оқушымыз Елеусізова Шұғыла өзінің оқыған кітаптарымен таныстырады.

Жүргізуші: Мектебіміздің кітапханасына келген «Даналық әліппесімен» және жаңадан келген көркем әдебиет кітаптарымен таныстыру.

Жүргізуші: «Келер жылдың келеті» тақырыбындағы 2021 жылғы айтулы тұлғалардың атаулы мерекелеріне тарихи шолу жасау

Жүргізуші: Құрметті қонақтар, ұстаздар, оқушылар «Ковркинг» орталығының лентасын қию рәсіміне шақырамыз.

/лента қию/

Жүргізуші: «Болашаққа бағдар рухани жаңғыру» аясында жүргізіліп отырған мектепшілік «Коворкинг» орталығы болашақта жұмыс жасап әрі қарай дамиды деген сеніммен бүгінгі жиынымызды аяқтаймыз.

Тыңдағандарыңызға рахмет!