Кітапханаға саяхат тақырыбындағы тәрбие сағаты 1 сынып

Кітапханаға саяхат

Мақсаты: Түсіндіру, сұрақ-жауап,әңгіме

Көрнекіліктер: Мақал-мәтелдер жазылған плакаттар,кітаптар ақын жазушылардың суреттері.

Кітапханашы: Ал бүгін біз сендермен кітапханаға саяхат жасаймыз. Саяхат жасауды біз бәріміз жақсы көреміз ғой. Балалар, бүгін біздің сабаққа қонаққа кітаптар келіп қалыпты.Сол кітаптарды ортаға шақырайық. Кітаптар өздерінің шығу тарихын,сұрақтарын дайындап келіпті, сендер мұқият тыңдаңдар. Қойған сұрақтарға дұрыс жауап беруге тырысыңдар.

1-Оқушы: Кітап- рухани азық. Кітап адамның дүниетанымын кеңейтеді. Біз кітаппен күн сайын кездесеміз. Ертегі, әнгімелермен сыр шертетін кітаптар біздің ең жақын ақылшымыз.

2- Оқушы: Кітапты шығару үшін көптеген адамдар еңбек етеді. Біз оны қалай ұстауымыз қажет ?

3- Оқушы: Кітапты жыртпай, кірлетпей, бүлдірмей таза ұстап, оқыған кезде мәнерлеп оқу керек.

Кітапханашы:Ұлы адамдарымыз кітапты жоғары баға лаған. Алғаш қазақ даласында мектеп ашқан, қазақ балаларына арнап « Әліппе» жазған Ахмет Байтұрсынұлы атамыз. Ахмет Байтұрсынұлы туралы толығырақ жоғары сыныптарда оқып түсінік аламыз.

-Оның балаларға арнап жазған өлеңін кім біледі ?

-Балалар, бізге бүгін қонаққа қазақ тілі кітабы келіп отыр. Кітапты ортаға шақырайық.

Қазақ тілі кітабы: Балалар, мен –білім көзі кітаппын. Мені жасау үшін көп адам еңбек сіңіреді. ( Кітап туралы бейне таспадан көрсету.)

-Міне балалар, сендер қазір кітаптың қалай шығуын көрдіңдер.

-Сонымен, кітап неден шығады екен ?

-Ағаштын.

Кітапханашы: Кітап шығару үшін көп еңбек сіңіреміз. Кітап сен бізге қонақ болып, балалардың өнерлерін тамашала.

1-Оқушы:

Адамның досы кітап-өмір кілті

Тең келмес оған жиған мүлкі.

Ақылшы жанға серік, жол бастаушы,

Асыл ғой қазынасы, өмір көркі.

2-Оқушы:

Саған білім жемісі, оқулығың береді.

Талай адам ол үшін, маңдай терін төгеді.

3-Оқушы:

Орманшының аялы, алақаны өсірген.

Сонау ағаш саялы, қағаз үшін кесілген.

4-Оқушы:

Әріп теру үшін де, талай адам терледі.

Бсапахана ішінде, айлап тыным көрмеді.

Кітап туралы тақпақтар айту.

Көрініс көрсету.

1-Оқушы: Ух, шаршағаным –ай.

2-Оқушы: Неге сонша мұңайдың досым ?

1-Оқушы: Мұңаймасқа не шама менде, мен баспадан шыққанымда жап-жаңа қағаз иісі бұрқырап тұрушы еді.