Климаттың адамзатқа әсері бойынша ашық сабақ жоспары

Сабақ жоспары

Ұзақ мерзімді жоспар бөлімі:

Атмосфера және климат

Мектеп: Шымкент қ. ФМБ НЗМ

Күні:

География пәні мұғалімі:Сахова К.К.

Сынып: 8 а,с

Сабақ тақырыбы

Климаттың адамзат тіршілігі мен шаруашылығына тигізетін әсері

Кәсіби мақсат

Оқушылардың зерттеушілік қабілеттерін өз бетінше тапсырмаларды орындау арқылы дамыту

Осы сабақта қол жеткізілетін оқу мақсаттары (оқу бағдарламасына сілтеме)

Климаттың адамзат тіршілігі мен шаруашылығына тигізетін әсеріне баға береді

(жергілікті компонентті қосымша қамту негізінде)

Әртүрлі дерек көздерінен алынған ақпараттар бойынша қорытынды жасайды.

Сабақ мақсаттары

Адам денсаулығы мен тіршілігіне климаттың жағымды және жағымсыз әсеріне мысалдар келтіре алады. Өз өмірлеріндегі климаттың әсерін бағалай алады.

Жетістік критерийлері

Қолдану

Климаттың адамзат тіршілігіндегі ролін анықтайды.

Талдау және қорытынды жасау

Шаруашылық пен тіршілігіне үш жағымды және жағымсыз әсерін бағалайды

Тілдік мақсаттар

Пирамидалық талқылау әдісі арқылы оқушылар өздерінің ойларын нақты жазады. Жазу барысында келесі академиялық сөздерді қолданады: суық, салқын, ылғалды.

Оқушы сұрақтарға жауап берген кезде және өздерінің жазған жауаптарын оқыған кезде нақты айтылым дағдысы қалыптасады.

Құндылықтарды дарыту

Құндылықтар:

- қоршаған ортаны қорғау

Пәнаралық байланыстар

биология

АКТ қолдану дағдылары

Интербелсенді тақтаны, ноутбукті пайдалан отырып керекті мәліметтерді талдай отырып, картадағы сандық деректерді жасайды. Бейнебаян көреді.

Бастапқы білім

Географиялық зерттеу әдістері

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

1 сабақ

Сабақ басында: (5 мин)

Ұйымдастыру кезеңі:

Оқушыларға өтетін тақырып бойынша проблемалық сұрақ қою арқылы пікірлерін білемін

Адамның денсаулығы, көңіл-күйі толық климатпен байланысты бола ма?

Адам климаттың барлық қиыншылығын жеңе ала ма?

Сенің өмір сүруіңе қандай климат қолайлы және қолайсыз?

Диктоглосс әдісі (15 мин)

Оқушыларға тақырып бойынша оқу үшін қызықты материал, мәтінді диктоглосс әдісі арқылы оқимын. Оқушылар мәтінді мұқият тыңдап болған соң өздері сол мәтінді құрастырады.

Әлемнің әр аймағында әр түрлі егін, мал шаруашылығы өсіруге бейімделген. Оның дамуы климаттың жылуы, ылғалдылығы, жарықтың таралуына байланысты.

Сонымен қоса климат адамдар тіршілігіне де едәуір әсер етеді. Климаты қатал аумақта киім кию, баспана, тамақ, қарапайым спорт түрлерінің дамуы да әртүрлі. Ал жылы белдеулерде климат өмір сүруге қолайлы болады. Еліміздің солтүстік және орталық аудандарындағы климат жағдайларын салыстырып көрейік. Солтүстік аудандарда егін шаруашылығымен айналысуға мүмкіндік береді, ал оңтүстік аудандарда суармалы егіншілік дамыған. Бірақ климат жағдайлары адамның шаруашылық әрекетіне барлық уақытта қолайлы емес. Қолайсыз, зиянды атмосфералық құбылыстарда болып тұрады. Олар қуаңшылық , аңызақ, үсік, көктайғақ, шаңды дауылдар.

Сонымен қатар климаттың қолайлы және қолайсыз болуы транспорт, туризм, құрылыс салаларына едәуір әсер етеді. Кейбір аймақтардың климаттық жағдайының қолайлы болуы шаруашылықтың дамуына жақсы әсер етеді. Мысалы рекреациялық (курортты) аймақтарда (ылғалдылық, температура, күн радияциясы) қажетті нормада болуы туризм индустриясын дамытып, ел экономикасын жақсартуға ықпал етеді.

Бағалау (5 мин)

Әр топ өздері құрастырған мәтінді келесі топқа бағалауға береді

Суреттермен сөйлейді (15 мин)