Климаттың адамзатқа әсері бойынша бағалау тапсырмасы 8 сынып

Тапсырма 1

Берілген мәтінді мұқият оқып, климаттың әсерін талдаңдар

Республикада құрғақшылық салдарынан 353 мың гектар дәнді дақылдар егістігі есептен шығарылады

Жаңалықтар АСТАНА. 24 шілде. ҚазАқпарат

Республикада 353 мың гектар дәнді дақылдар егістігі жарамсыз болып қалмақ. Бұл туралы бүгін Үкіметтің селекторлық отырысында Ауыл шаруашылығы министрі мәлімдеді.

«Қазгидромет» РМК дерек көздері бойынша Қазақстанның кейбір аймақтарында құрғақшылық жағдайы қалыптасуда. Бұл ауыл шауаршылығының дамуына кері әсер етуде. Құрғақшылық Қостанай облысының оңтүстік бөлігінде - Амангелді, Жангелді, Қамысты, Наурызым, Әулиекөл, Жітіқара, Таран, Қостанай аудандарында, Ақмола облысының Жарқайың, Есіл аудандарында және Жақсы мен Атбасар аудандарының оңтүстік бөліктерінде, Қарағанды облысының оңтүстік бөліктерінде - Ұлытау, Жаңарқа, Шетпе, Ақтоғай аудандарында, Ақтөбе облысының оңтүстік және шығыс бөліктерінде - Әйтеке би, Хромтау, Алға, Ырғыз, Шалқар, Темір, Байғанин аудандарында кеңінен тараған», -деді министр.

Оның атап өтуінше, республика бойынша дәнді-дақылдардың 33 пайызы жақсы, 55 пайызы орташа, 12 пайызы нашар. Әсіресе, Қостанай облысы құрғақшылықтан қатты зардап шегуде. Бұл өңірде дәнді дақылдар егістігінің 18 пайызы ғана тәуір. Облыстардың алдын ала берген деректері бойынша 353 мың гектар дәнді дақылдар егістігі есептен шығаруға жатады. Оның 203,1 мың гектары Ақтөбе облысына, 32,8 мың гектары Алматы облысына, 38,2 мың гектары Жамбыл облысына, 15,1 мың гектары Батыс Қазақстан облысына, 57,6 мың гектары Қарағанды облысына, 6,5 мың гектары Оңтүстік Қазақстан облысына тиесілі. «Облыстардың болжамды балансы бойынша жаңа егіннен 12,8 млн. тонн астық жиналады», -деді министр.

24.07.2012 14:13 Новости Казахстана. Агентство Казинформ

Сұрақтарға жауап беріңдер

Қандай атмосфералық құбылыстың салдары?

Ел экономикасы мен шаруаларға қандай шығын келуі мүмкін?

Болашақта шаруашылық шығынға ұшырамау үшін алдын ала қандай іс-шаралар ұйымдастыруға болады?

Тапсырма 2

Адам баласының күнделікті тіршілігіне және денсаулығына қандай климат қолайлы және қолайсыз? Төмендегі суреттердеге тақырып қойып, сипаттамма мәтін және қорғану ережелерін құрастырыңдар