Кока-Кола сусынының беймәлім сырлары 5 сынып ғылыми жұмысы

Қайырлы күн, құрметті әділ қазылар алқасы! Ғылыми жұмыстың тақырыбы: «Кока –кола сусынының беймәлім сырлары»

«Ауырып ем іздегенше, ауырмайтын жол ізде» деген қазақта жақсы мақал бар. Адам өз денсаулығына өзі жауапты. Ал, қазіргі заманда үлкен адамдар да, балалар да денсаулықтарына немқұрайлы қарайды. Ми қайнатар ыстықта кеуіп, шөлдеген жұрт неше түрлі құты мен қалбырдағы суларды сатып алып жатады. «Кока- кола», «Фанта», «спрайт», «Макси чай» дейсіз бе, толып тұр. Бұрын – соңды аты белгісіз « су жаңа» сусындар қаншама? Ол қайдан шыққан, қалай жасалған, бауырға әсер етіп, бүйректі сыздатып, асқазан ауруын қоздырмай ма, бұл мәселеге бас қатырып жатқан адам жоқ, шөлі қанса болды. Сонымен, бұлар қандай сусындар? Шөл қандырыам деп жүріп, денсаулығымызды бүлдіріп алып жүрмейміз бе? Бұл туралы мамандар не дейді екен? Осындай газдалған сусындардың адам денсаулығына қаншама зиян келтіріп жатқанын байқағанда мен Қазақстанның кішкентай азаматы бола тұра бейжай қарап отыра алмадым. Жобаның мақсаты: Газдалған сусынның адам ағзасына және оның атқаратын қызметіне тікелей әсері бар екендігі жөнінде өскелең ұрпаққа насихаттау.

Міндеттері:

 Кока – кола сусынының шығу жолдары, оның құрамы мен зияндылығы туралы түсінік беру  Кока – коланың тұрмыстық жағдайда және өмірде қандай заттарды тазалап, нендей зиян келтіретінін ерекше тұстарын таныту.

Газдалған сусындар адам ағзасына әр түрлі әсер береді. Сөзімізге арқау болып отырған: «Кока – кола» (Соса- СоІа) – сергітетін алкогольсіз сусын, көптеген елдерде кеңінен тараған; The Coca- Cola Company компанаиясының өнімі; 2006-2010 жылдар арасындағы әлемдегі ең үздік бренд болып саналады. «Кока- кола» сусынын 1886 жылдың 8 мамыр айында (Джорджия штаты , АҚШ) Атлантада ойлап тапқан. «Кока- кола» және «Пепси» сусындарын дайындау кезінде пайдаланылатын карамельдердің құрамындағы бояулар қатерлі ісіктің дамуына әкеліп соғады», - деп жазады газет.

«Кока- коланың» құрамы қандай ? Бөтелкедегі қағазға қарасақ, газдалған су, қант, карамель түсі, кофеин мен дәмдеуіштер. Бірақ , сусынның құрамында тағы бір «7Х» деген құпия ингредиент бар. Бұл заттың мазмұны жазылған ақпарат Джорджия штатына тиісті Атланта қаласының банкінде сақтаулы тұр. Дұние жүзінде осы заттың не екенін білетін адамдардың саны санаулы. Осы орайда , «Біз не ішіп жатырмыз?»деген сұрақ туындауы мүмкін.