Көңілді кірпі тақырыбында бейнелеу өнері сабағы

Батыс Қазақстан облысы, Казталов ауданы,

Казталов ауылы, «Нұрбалапан» бөбекжайы

Сурет салу бойынша ұйымдастырылған оқу қызметінің

технологиялық картасы

Тобы: ІІ кіші

Білім беру саласы: Шығармашылық

Ұйымдастырылған оқу іс - әрекет түрі: Сурет

Тақырыбы: Көңілді кірпі

Мақсаты: Жабайы аңдар, олардың табиғаттағы ролі мен маңызы туралы түсінік беру. Кірпінің тіршілігімен таныстыра отырып, сызба бойынша бейнелеу, іскерліктерін дамыту. Қоршаған ортаға, аңдарға, табиғатқа деген сүйіспеншілікке тәрбиелеу.

Әдіс – тәсілдер:Жұмбақ жасыру, көрсету, суретпен жұмыс, дәстүрден тыс әдіспен бейнелеу.

Қолданылатын көрнекі құралдар: Жабайы жануарлардың суреттері, сызба сурет. альбом, қарындаштар, түстер палитрасы, субояқ, қылқалам, мольберт, шанышқы

Қызмет кезеңдері

Педагогтың қызметі

Балалардың қызметі

Себепті қызығу-

шылығын ояту

кезеңі

Сиқырлы айналу. «Мен ормандамын» жылулық шеңбері.

Балалар залға көздерін жұмып кіреді.

Үнтаспадан жайлы әуен ойналып тұрады.

Балалар, көзімізді ашайық. Біз қайда келдік? Педагог балалармен бірге орманға саяхатқа барады.Орман тіршілігімен, жабайы аңдармен танысады.

Балалар, сендер орманнан нелерді көрдіңдер?

Балалар көздерін жұмып, өздерін орманда жүргендей елестетеді.

Орманға келдік

Аңдарды көрдік.

Ұйымдастырушылық ізденіс кезеңі

- Орманда қандай аңдар жүреді?

- Қандай жабайы аңдарды білесіңдер?

Оларды неге жабайы деп атайды?

Жұмбақ:

Тоны – инелер,

Жиналып қалса қадалар,

Толған тікенек,

Ұстауға келмей мазалар

Өзін қорғай алады,

Домалана қалады,

Содан кейін тиіп көр,

Тура «уколын» салады

Бұл не, балалар?

Балалар кірпіні көргендерің бар ма?

Альбоммен жұмыс.

- Балалар, бүгін кірпінің туған күні, сондықтан да ол өте көңілді. Оның көңілді бейнесін салып береміз бе?

Кірпіні бейнелемес бұрын оның тіршілігімен танысу үшін видеороликке назар аударайық.

Балалар, кірпі де жабайы аңдарға жатады. Ол әртүрлі жәндіктерді аулап, жеміс - жидектерді, өсімдіктерді жейді. Ол жақсы естіп және иісшіл болады. Күндіз інінде ұйықтап, түнде жорыққа шығады. Қыста ұзақ ұйқыға кетеді. Қауіп -қатерден инесімен қорғанады.

Балалар біз сурет салғандағы қауіпсіздік ережелерін айтып өтейік.

Бояуды қолданғанда үстелді, киімімізді, көршіміздің киімін бүлдірмейміз.

Қылқаламды жұмыс жасап болған соң

суқұйғышқа салып қоямыз.

Шанышқыны сабымен береміз, тек сурет салуға пайдаланамыз.

Ең алдымен кірпінің үлгі суретін сәйкес түстермен бояп аламыз.