Көңілді ойындар арқылы сенсориканы дамыту сабағы

Байгонусова Айнагуль Джубаевна-дефектолог

Ашық сабақ. Сенсорика

Тақырыбы: «Көңілді ойындар»

Мақсаты: 1. Білімділік Балаларға заттарды түсіне қарай сәйкестендіруге, көлеміне, пішініне, түсіне қарай топтауға,көлемді пішіндерді салыстырып көру ажырату, геометриялық пішіндер дөңгелек,төртбұрыш туралы білімдерін, көп-біреу, үлкен-кіші түсініктерін бекіту.

2.Дамытушылық Балалардың көріп, естіп қабылдау, есте сақтау қасиеттерін, зейіндерін, ұсақ-қол қимылдарын, көрнекі-әрекетті ойлауын,тактильді қабылдауын, сөздік қорларын дамыту.

3. Тәрбиелік Ұсынылған тапсырмаларды ұғынып орындауға қызығушылығын арттыру, ұқыптылыққа және бастаған ісін аяғына дейін жеткізе білуге, достыққа, мейірімділікке, табиғатты аялауға тәрбиелеу.

Қажетті көрнекі құрал-жабдықтар: түрлі-түсті шарлар, ыдыстар, текше мен шар, пішіндер, әтеш, тауық, қоян ойыншықтары, үйшік, қима қағаздар, дәндер, тәрелкелер, құм.

Ұйымдастыру кезеңі:

-Балалар, қараңдаршы бізге қонаққа кім келіпті?

-Күн . Қанекей, Күнмен сәлемдесейік.

-Сәлеметсіз бе, Күн. Қараңдаршы, бізге қонақтар да келіпті, олармен де амандасайық.

-Сәлеметсіздер ме!

-Балалар,күн сәулесі қай кезде жылуын береді?

-Балалар, жазда күн қандай болады?Ыстық.

-Ал,қазір күзде күн қандай болып тұр?Жылы.Алдымызда қыс келеді,қыста күн қандай болады?Суық.Ал көктемде қандай болады?Жылынады.

-Балалар,бүгін күніміз бізге жәй келген жоқ,біздің не білетінімізді білу үшін, жолға шақырып отыр. Алдымен ол бізге көптеген тапсырма береді.

1- тапсырма:«Түсіне қарай жина» -ойыны .

-Балалар,мынау не?Шар.Түсі қандай?Көк. Ал мұнда да бірнеше түрлі-түсті шарлар және ыдыстар тұр. Біз осы шарларды түсіне қарай ыдыстарға саламыз. Қанекей, жұмысқа кірісеміз.

-Жарайсыңдар! Мұнда балалар шарлар қанша болып еді? Шарлар көп еді, ал енді олар жоқ. Балалардан ыдыстардың түсін сұрау. Мынау қандай түсті ыдыс?Сары.Шарлардың да түсі қандай?Сары Келесі ыдыс қандай түсті –жасыл.

-Шардың түсі қандай?Жасыл.

-Мынау қандай түсті ыдыс? Қызыл. т.б.

Бұл тапсырманы біз орындадық. Жарайсыңдар, балалар!

2-тапсырма: «Пішінін, көлемін, тап».

-Балалар, қараңдаршы мынау не? Бұл- өзен. Бұл өзеннен біз қалай өтеміз? Оның көпірі жоқ екен. Мұнда тастар жатыр.Олар қандай тастар екен,көрейікші. Балалар, кішкентай дөңгелек тастарды алайықшы.

- Енді, үлкен дөңгелек тастарды аламыз. Жарайсыңдар!

- Кішкентай төртбұрыш тастарды алайық.

-Енді,үлкен төртбұрыш тастарды алайық.

-Балалар, мұнда тағы тастар бар екен (шар, текше).

- Мынау дөңгелек тас неге ұқсайды?

-Шарға.

-Ал, мынау төртбұрыш тас неге ұқсайды? Текшеге.Жарайсыңдар!

- Ал, енді, көпірді үлкен дөңгелектермен соғайық

Балалар, қараңдаршы біз көпірді де соғып болдық. Көпірден балалар өтеді.

Музыка әуені орындалады.

Дефектолог : -Балалар біз қайда келдік? Мұнда біздің достарымыз бар екен. Қоян шығады.

Дефектолог: –Сен кімсің?

Қоян: – Мен қоянмын.

Дефектолог:-Сен қайда тұрасың?

Қоян :– Мен апаммен тұрамын.

Дефектолог:-Сен неге көңілсізсің?