Көркем шығармаларды бейімдеп оқыту 6 сынып

Көркем шығармаларды бейімдеп оқыту

Өзге тілді аудиторияда көркем шығарманы түпнұсқа күйінде оқыту қиындық туғызады. Әсіресе, 6-сыныптар үшін шығарма қиындық туғызуы мүмкін.

Көркем шығарманы бейімдеп оқыту барысында келесі нәрселерге назар аударылады:

Ол қандай тапсырма түрінде беріледі? Тыңдалым ба, оқылым ба? Әлде суреттер желісі ме?

Шығарма көлемді болса, қанша бөлікке бөлеміз? Қай үзінділерді аламыз?

Үзінділер таңдалған соң, мәтіннен оқушылар үшін қиын болады деген сөздер мен құрылымдарды анықтаймыз.

Жиі сөздер мен қарапайым құрылымдарды пайдалана отырып, мәтінге перефраза жасаймыз.

Дәстүрге немесе мәтіннің негізгі идеясын білдіретін сөздер болса, оны мәтін ішінде ерекшелеп, мәтінсоңына оның түсіндірмесін ұсынамыз.

Өзге тілді аудитория үшін шығарманың идеясын, негізгі мазмұнын түсінсе жеткілікті.

Шығармашылық жұмыс

Көлемді шығармамен толық танысқан соң әртүрлі бағытта шығармашылық жұмыстарын жүргізуге болады. Бұл әрі шығарма идеясын жақсы түсінуге әрі шығармашылық қабілеттерін қалыптастыруға мүмкіндік береді.

Шығармашылық жұмыс түрлеріне тоқталар болсақ,

Кітап мұқабасын дайындау;

Оқиғалар желісі бойынша суреттер салу;

Шығарманы жалғастыру;

Сахналық көрініс ұйымдастыру;

Авторға еліктеп, осы тақырыпта өзге шығарма құрастыру;

Шығарма өзге жанр түріне айналдыру (өлең, ән, би, т.б.);

Шығармашылық жұмыс бойынша көрме ұйымдастыру.

Оқушылардың жазба жұмыстарында кездесетін қателіктерді кері байланыс арқылы түзетіп, қайта өңдетуге болады немесе шығарма мазмұнына сай белгілі бір грамматикалық категорияларды ұсынуға болады. Сол кезде грамматикалық бірліктің қызметі оқушы есіне жақсы сақталады.

Көрме ұйымдастыру

Оқушылардың жазған жұмыстарынан көрме ұйымдастыру мұғалім үшін екі нәрсеге септігін тигізеді. Біріншіден, мұғалімнің сыныппен жасаған жұмысы көрінеді. Екіншіден, оқушылар өз жұмыстарын көрген кезде мақтаныш сезімі пайда болады.

Көрмені ұйымдастыруды әртүрлі бағытта жүргізуге болады:

Сынып қабырғаларына ілу;

Сыныпта арнайы бұрыш ұйымдастыру;

Мектеп сайтына жариялау;

Ата-аналарға көрсету;

Альбом жасау;

Өзге сыныптарды (паралель) қонаққа шақыру.

Ең бастысы көрмеге ұсынылатын жұмысы қатесіз, көрерменге тартымды болуы қажет.