Күз мерекесіне арналған ертеңгілік, мектепке дейінгі балалар

«Күз – береке, күз -мереке»ертеңгілігі

Мақсаты: Күз мезгілі туралы білімдерін бекіту.: балалардың күз мезгілі туралы білімдерің тиянақтау, күзгі табиғатының ерекшеліктерімен таныстыру, күздің негізгі белгілерін атап, көкөніс және жеміс-жидектерді ажырата білуге үйрету; тілдерін жаттықтыру, ой–өрісің кеңейту, шығармашылық қабілетттерін, бақылауғыштығын дамыту;

Әдісі: әңгімелесу, сұрақ-жауап, ойын, кейіптендіру, интерактивті тақтамен жұмыс.

Көрнекіліктер: интерактивті тақта, күзгі көрініс плакаттары, суреттер, жапырақтар, шарлар, көкөніс, жеміс-жидектер түрлері, үнтаспа, бас киімдер.

Барысы:

Психологиялық сәт.

Тәрбиеші балаларды шеңбер жасауға шақырады:

Қане, қане тұрайық,

Үлкен шеңбер құрайық,

Оң жақтағы көршіге,

Сол жақтағы көршіге,

Күлімсірей қарайық.

Көкке қолды созайық,

Бәрінен де озайық,

Құшақтасып әркезде,

Тату достар болайық.

(Балалар бір-бірімен құшақтасады).

Тәрбиеші:

Балалар, мен сендерге қарап таң қалып тұрмын! Сендер сондай әдемі, сүйкімді болып тұрсыңдар! Ендеше осы жайдары көңіл-күйлерімізбен келген қонақтарымызбен бөлісейік!

Арайланып таң атты,

Алтын сәуле таратты,

Жарқырайды даламыз,

Жарқырайды қаламыз.

Қайырлы таң, балалар!

Қайырлы таң, қонақтар!

Сәлем, сәлем, сәлем!

Тәрбиеші:

Ойын, күлкі, той-думан,

Әсем ән мен сәнді би.

Асығыңдар, алындар,

Бәрі бізден табылар!

- дей келе, «Алтын Күз» атты мерекелік ертеңгілігімізді ән шашудан бастаймыз.

II. Ән «Бала, бала, балапан»

III.Әңгімелесу. Интерактивті тақтамен жұмыс

-Балалар, қазір жылдың қай мезгілі?

- Күзде қандай өзгерістерді байқауға болады?

Ауа-райы қандай болады?

Бау-бақшада не піседі?

Қанеки, мына көкөністер мен жеміс-жидектерді атап шығайық. (Балалар үстел үстіндегі көкөніс және жеміс-жидектерді атап шығады).

Қалай ойлайсыңдар, күз мезгілін біз неге «Алтын Күз» деп атаймыз?

Балаларға интерактивті тақта арқылы күзге байланысты слайдты көрсету.

Иә, балалар, күзде табиғат ерекше күйге еңеді. Жапырақтар сары, қызыл, қоңыр, жасыл, алқаптағы шөптер қызыл-сары түске еңеді.

Күн біртіндеп қысқарады, жауын-шашын көбейіп, күн суытады. Құстар жылы жаққа ұшып кетеді.

Бау-бақшада жеміс-жидек, көкөністер піседі. Егстікте астық пісіп қамбаларға жиналады екен. Сондықтан күзді «алтын», жомарт деп атаймыз.

Ендеше қазір біз «Көкөністер дауы» атты көрінісімізді ұсынамыз.

ІV.Көкөністер дауы

Тәрбиеші:

Өнім биыл тамаша! Көз тоймайды қараса:

Сәбіз, картоп, кәдіш пен қып-қызыл піскен қызанақ,

Қырыққабатқа қарашы!

Көкөністер бір кезде жиыла қалып дауласты.

Көкөністер:

Жиналып қаппыз бәріміз,

Қайсымыз ең дәмдіміз?

Ішімізден адамға тиеді көп пайдамыз?

Тәрбиеші: Мақтаншақ бұршақ ортаға жүгіріп шықты.

Бұршақ:

Кішкене түймедеймін мен,

Ұнаймын мен бәріне!

Дәмді тағамдарыммен

Сый жасаймын бәріңе!

Тәрбиеші:Ызаланғаннан қызылша қып-қызыл болып кетті.

Қызылша:

Мен де бір сөз айтайын,

Мақтанайын сіздерге.

Менсіз борщ болмайды

Винигретте үстелде.

Қырыққабат:

Мақтанғаннан не пайда?

Менсіз дәмді щи қайда?

Мені қосса самсаға,

Бәрі жейді тамсана!

Қияр:

Дәмім тілді үйірген

Мен тұздалған күйімде!

Жаңа піскен кезімде

Жейді бәрі сүйсіне!

Шалқан:

Кім білмейді шалқанды?

Талайлар маған таң қалды.

Бәріне сый боламын

Тауып көр менен дарханды!

Сәбіз:

Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

Қызанақ:

Піскен кезде қызанақ;

Көз тартар қызыл түсімен.

Бар ма адам сүйсінбей

Томат шырынын ішпеген?

Пияз:Боламын мен дәмдеуіш,

Барлық-барлық тағамға

Көкөністер ішінен

Мен пайдалы адамға.

Пияз:

Асханадан шықпаймын,

Атым пияз бұқпаймын.

Көзден жасты шығарып,

Тұмаудан бірақ сақтаймын.

Боламын мен дәмдеуіш,

Барлық-барлық тағамға

Көкөністер ішінен

Мен пайдалы адамға.

Картоп:

Мен ұялшақ картоппын,

Мен емеспін мақтанар.

Мені жақсы көреді

Үлкендер мен балалар!

Бос айтысты қоялық,

Дауласуды тоқтатайық.

Көкөністер: (барлығы)

Жиналып қаппыз бәріміз,

Қайсымыз ең дәмдіміз?

Ішімізден адамға

Тиеді көп пайдамыз?

Тәрбиеші:

Көкөністер бәрі де,

Денсаулыққа пайдалы.

Мұны жатқа біліңдер,

Оларды жақсы көріндер!

IV.Сергіту сәті

Ормандағы аюдың,

Құлпынайы көп екен.

Теріп-теріп алайық,

Қол себетке салайық.

V. Дидактикалық ойын «Сөзді жалғастыр»

Берекесін сыйлауға,

Өлкемізге күз келді.

Жемістерін жинауға,

Шақырады біздерді.