Күз жомарт тәрбие сағаты 1 сынып оқушыларына

«Күз жомарт»

Музыка сынып мерекеге сай безендірілген.Жүргізуші кіреді.

Жүргізуші:

Қуандырып біздерді

Мерекелді күз келді.

Кел жемісті алтын күз,

Кемелденсін ел енді.

Құрметті қонақтар! Балалар! Алтын күз мерекесіне қош келдіңіздер! Ел байлығын арттырған берекелі де, мерекелі күз мерекесі құтты болсын! Ендеше «Күз жомарт » атты ертеңгілігімізді бастаймыз..

Балалар музыкалық әуенмен кіріп, күзгі вальс билейді.

Балалар тақпақтары

Али : Армысыздар халайық,

Бармысыздар халайық.

Күзгі тойда жұп жазбай,

Келіңдер қарсы алайық.

Аяна

Берекесін сыйлауға, Өлкемізге күз келді. Жемістерін жинауға, Шақырады біздерді. Гулнур

Еңбек қызып қырларда, Бидай толды қырманға. Алтын дала секілді, Сап-сары боп тұрғанда

Асылзада:

Күздің қазан айында,

Алма, алмұрт піседі.

Жапырақтар сарғайып,

Сыбдыр-сыбдыр етеді.

Нурсултан:

Алтын, сары, қызыл көк,

Алуан, алуан жапырақ.

Күзгі бақта күлімдеп ,

Көз тартады атырап.

Аружан:

Көбейді құт береке,

Астық толы қамбамыз.

Құтты болсын мереке,

Алтын күзді тойлаймыз.

Жасмин :

Берекелі, мерекелі

Келді жомарт Алтын күз.

Қалада да, далада да,

Жанның бәрі жарқын күз.

Нуртлеу Қамба толды астыққа, Алғыс саған Алтын күз! Бір уыс дән шаштық та Қап-қап бидай алдық біз. Каусар

Алақай, алақай Шаттанды балақай. Күз түсті, дән пісті Айтамыз алғысты

Айнара:

Жомарт күздің біздерге,

Берерін алып шашпайық.

Алтын күз тойын сіздерге,

Өлеңменен бастайық

Хор : «Күз жомарт » (балалар өз орындарына отырады)

Жүргізуші Балалар бізге сонау алыстан «Күз ханшайымы» келіпті (осы кезде себетке толы жемістері бар «Күз ханшайымы» билеп кіреді.) Күз ханшайымы: Сәлеметсіздерме балалар!Сәлеметсіздерме қонақтар

Балалар:Салеметсізбе!

-Мен күзбін . Өте еркемін . Сәл нәрсеге ренжіп. Бұртыйып қабағымды түйе қаламын. Кейде болмашыға өкпелеп , көз жасымды алмай төгіп-төгіп жіберемін. Әйтсе де менің жомарттығым мен ақ көңілдігімді бәрі де ұнатады.

-Менің айларым -еңбек ерліктің айы . Отан қоймасы , алтын астыққа толады. Диқандар еңбек жемісіне келетін береке айы , берекесін тойлайтын , мереке айы . Сондықтан да мені жұрт « Алтын күз» деп теңейді.

Жүргізуші: Балалар күзде неше ай бар?

Олай болса «Күз ханшайымы» өзімен бірге сол үш айында ала келіпті енді сол айларға кезек берейік.

Қыркүйек: Айнара

Мен кыркүйек айымын

Жылы күн райымын

Аспанды құс шарлай бастады

Алғашкы қоңырау қуантты жастарды

Қазан: Амили:

Қазанда халкымыз

Тойшыл ол салтымыз

Береке байлығын

Беріп тұр алтын куз

Қыркүйекке еремін

Молшылық беремін

Қараша: Жасмин:

Күз мезгілі тамаша

Менің атым қараша

Қараша айында

Қыс қамын дайында!

Жүргізуші: Хош келдің Күз ханшайымы! Төрлет.Біздің балалар әнде,тақпақта ,биде билей алады.Біздің балалардың барлығы ақылды.

Ондай болса балалар мен сендерге жұмбақ жасырайын

Ағайынды бәрі,

Шықса –жасыл

Түссе – сары. Бұл не?

Балалар: Жапырақ.

Күз ханшайымы: Дұрыс

Ата –аналарға жұмбақ жасырады

Жүргізуші: Ән салыңдар күліңдер,

Жайнап гүлдей жүріңдер.

Күздің тойын тойлайық,

Би-билейік ойнайық.

Жүргізуші: Мен қазір күзгі көкөністер, жемістер туралы жұмбақ жасырамын. Ал шешейік:

Дөп-дөңгелек доптай,

Іші қызыл шоқтай.

Дәмін татып көрсең,

Одан дәмді жоқтай. (қарбыз)

2.Тәтті,

Тәттінің іші қатты,

Қатының іші тәтті. (өрік)

3.Бұл недеген көп киім,

Жетпіс қабат көк киім.

Жаңбыр одан өтпейді,

Қабат-қабат тоны бар,

Түймелеуге жетпейді.(орамжапырақ)

4.Үстіне тігіп көк шатыр,

Астында қызыл дәу жатыр.(қызылша)