Сыбдыры сұлу күз ертеңгілігіне арналған сценарий

«Сыбдыры сұлу, Алтын Күз!»

атты ертеңгілігінің сценариі

Зал қызыл-сары жапырақтармен әсем безендірілген. Төрде осы мерекенің тақырыбы ілінген. Орындықтар жарты шеңбер ретінде қойылған. Балалар көңілді әуен ырғағымен жүгіріп кіріп, орындықтар алдына келіп тұрады.

Қош келіпсіз, ұстаздармен ата-аналар! Жүздеріңнен мейіріммен нұр тамар. Алдарыңда жауқазындай құлпырған Біз алаңсыз, балғын шақты балаларымызды ортаға шақырайық.

1ж. Береке ғой, мереке ғой күз деген,

Байлығы ғой еліміздің жүздеген

Таза еңбек, маңдай терің төгілген.

Адал асың, алдыңдағы іздеген!

2ж. Сәлеметсіздер ме, қадірменді қонақтар! Міне табиғаттың бізге байлығы мен берекесін сыйлайтын сары алтын Алтын Күзде келді. Күз дегеніміз – байлық, молшылық, жазира даланың дархан дастарханы. Сіздерді «Сыбдыры сұлу Алтын Күзім!» атты ертеңгілігімізді тамашалауға шақырамыз! Сөз балаларда!

1б Жетті желмен алтын күз,

Жеміс жинау салтымыз.

Жиын-терін болғансон

Той жасайды халқымыз!

2б Жемісі мол теретін,

Күз дос екен бізбенен

Бәрін тауып беретін

Жомарт екен күз деген!

3б Мерейлі күз, мырза күз,

Сыйлығыңа ризамыз

Аппақ арай таңында,

Шомыламыз нұрға біз!

4б Көбейді құт-береке

Астық толы қоймамыз,

Құтты болсын мереке,

Алтын күзді тойлаймыз!

5б Көктемде егін егетін,

Күзде жиып беретін

Біздің дала, бай дала,

Алтын астық айнала!

Хор « Күз келгенде»

1ж: Балалар,мерекемізге Алтын күз келе жатыр,дауыстап шақырайық.

Келші,келші Алтын Күз

Келші, келші Жарқын Күз!

(Сырттан қолында жемістер салынған себеті бар Алтын Күз кіріп келеді).

Күз: Сәлем балғын достарым!

Өмірге көп қосқаным.

Күз сыйлығын алыңдар

Молшылыққа кенеліп,

Шаттық әнге салыңдар!

Сәлеметсіңдер ме, балалар!

Б-Р: Сәлеметсіз бе, Алтын Күз!

Күз: Мен – Алтын Күзбін.Өте еркемін,сәл нәрсеге ренжіп,бұртиып қаламын.Кейде өкпелеп, жаңбырымды төгіп-төгіп жіберемін.Әйтседе менің жомарттығыммен ақ көнілдігім үшін бәрі ұнатады.

2-жург:Қош келдің Алтын Күз! Біз сізді дархан алтын күз деп байлық, молшылықпен келетініңізді білеміз!Отырыңыз

Күз: Балалар мен сендерге ертегі-мысал айтып берейін,ал сендер мұқият тыңдап, тамашалаңдар! Ал, тыңдандар! «Бидай мен қаңбақ»!

Өзі қаңбақ болсын,

Онда қандай салмақ болсын?

Тұрақтай алмай тегістікке,

Тірелді бір күні егістікке

Дауыспен былай тіл қатты:

(Ортаға қанбақ пен 3 бидай шығады)

Қаңбақ: -Сен осы бидаймысың?

Бидай: -Бидаймын

Қаңбақ: -Ақыл айтсам тыңдаймысың?

Бидай: - Тыңдаймын.

Қаңбақ: -Осы қай тұрысың?

Жүрмейсің, көрмейсің,кезбейсің,

Не бар, не жоқты да сезбейсің,

Көктемде шығып, күз болса бұғып,

Бастарың сараптұрғандарың маужырап!

1-бидай: Әй, қаңбақ!

Қанатыма сыймай,

Осы қай жүрісің?

Белгілі тұрағың жоқ,

Бас түгіл құғағың жоқ

«Үф» десе ұшасың, «Сүф» десе қонасың!

2-бидай: Қаңғырған қанбақсың

Кімге тұлға болмақсың?

Күні мен түні ұшарыңды жел біліп,

Сайран салып жүргенің!

3-бидай: Ал, біздің

Жинағанымыз дән,

Айналамыз толған ән

Абырой да, данқ та, ерлік те жеңісте,

Барлығы осы егісте!

Күз: Бидайдың сөзі осымен бітті,

Қаңбақ жөніне зытты

Дұрысын айтқан Бидай ма,Қаңбақ па?

Оны өздерің салмақта!

(Бәрі басын изеп кетеді)

-Балалар, қалай ойлайсыңдар,кімдікі дұрыс?

-Бидайдікі!