Л. Хамиди өмірі мен шығармашылығы бойынша ашық сабақ, 4-сынып

Сабақтың тақырыбы: Латиф Хамиди өмірі мен шығармалары(1906-1983)

Сабақтың мақсаты:

Білімділік: оқушыларды қазақ профессионалды музыкасының негізін қалаушылардың бірі Л.Хамидидің өмірі мен шығармаларымен таныстыру;

Дамытыушылық: оқушыларды композитор шығармаларында ұлттық үнділігімен ерекше көзге түскен әндері туралы білімдерін дамыту, жетілдіру;

Тәрбиелілік: оқушыларды композитор шығармалары арқылы ұлттық мәдениеттілікке, өнерді сүюге тәрбиелеу;

Көрнекілігі: композитор суреті, өмірі, әндері туралы видео-слайд;

Сабақтың барысы:

Ұйымдастыру: оқушылардың сабаққа қатысымын, дайындығын қадағалау, жаңа сабаққа назарын аудару;

Үй тапсырмасын сұрау:

1.А.Жұбановтың оркестрге арналған шығармалары.

3. Актуалдау: Өткен сабағымызда қазақ музыка мәдениетінің қайраткері А.Жұбановтың шығармаларымен таныссақ, осы композитормен шығармашылық бірлестікте болған Л.Хамидидің өмірі мен шығармаларымен танысамыз.

4. Жаңа сабақ барысы:

Л.Хамиди 1906 жылы Қазан қаласына жақын орналасқан Бувари деревниясында кедейдің семьясында дүниеге келді. Әкесі Донбаста шахтер болды. Көшіп қонып, тұрмыс жағдайлары тұрақталмай жүргеніне қарамастан, баланың музыкаға деген қабілеті ерте оянды. Мектеп қабырғасында жүргенде фортепиано және скрипкада ойнап үйрене бастады.

1920 жылы Хамиди отбасы Ташкентке көшіп келді. Осы жерде көркемөнерпаздар үйірмелері жұмыс істеді. Мұнда Л.Хамиди қазақтың әндері мен күйлерін алғаш рет естіді. Ол өзінің тұңғыш шығармаларын «Алғашқы вальс», «Көңілді жастар» маршын жазды. Бұл щығармалар татар музыкасындағы вальс және марш жанры еді. Музыкалық білімін толықтыру үшін Ташкент музыка училищесінде оқиды.

1925 ж ансамбльмен бірге Қазақстанның қалалары мен ауылдарына гастрольдік саяхатқа аттанады. Мұнда қазақтардың өмірі, өнері және дәстүрімен танысады. Кейін Л.Хамиди өз естеліктерінде былай дейді: «сол бір тамаша сапарымда табиғатқа, адамға, қазақ музыкасына деген сүйіспеншілік пайда болды. Жеті жылдан кейін маған Қазақстанға баруға ұсыныс жасағанда, мен ойланбастан келісім бердім».

1935 ж Қазақстанға алғаш келген жылдары Семей қаласында болып, талай халық әндерін жазып алды. Бұл әндердің ішінде ең құнды болған Абайдың 18 әні. Бұл әндер «Абайдың музыкалық творчествосы» атты жинақта басылып шықты.

1936 ж Л.Хамиди Москва консерваториясының жанынан ашылған татар студиясына оқуға түсті. Студияны бітіргеннен кейін Алматыға оралды. А.Жұбанов пен бірігіп халық әндері мен күйлерін жазып алып, өңдеу жұмыстарын жүргізді.