М дыбысы мен әрпіне арналған ашық сабақ

«М дыбысы мен әріпі» ашық сабақ

Тәрбиеші: Тулепова Айгуль Акилбековна

ЖШС «Бопай» балабақшасы

Сабақтың мақсаты: 1. М дыбысы және оның әріп таңбасы туралы түсінік беру. М дыбысын сөз ішінен таба білу,дауыссыз дыбыс екенін түсіндіру.

2. М дыбысына мысалдар ойлату арқылы ойлау,сөйлеу қабілеттерін арттыру.

3.М дыбысының әріп таңбасын әдемі,көркем жазуға машықтандыру.

Көрнекілігі: кеспе әріптер жинағы,сандықша, киіз үй,суреттер,дыбыстық талдауға арналған дөңгелектер,жұмбақтар,жаңылтпаштар т.б.

Ұйымдастырылған оқу әрекетінің барысы:

Шаттық шеңбері: Сәлеметсіңдерме балалар?

Кел,балалар күлейік,

Күлкіменен түлейік.

Қабақ шытқан не керек,

Көңілді боп жүрейік.

-Балалар қазір бізде сауат ашу ұйымдастырылған оқу қызметі. Қане есімізге түсірейікші, өткен сабақта қандай дыбыспен танысқан едік? (Д дыбысы)

-Ол қандай дыбыс? (дауыссыз дыбыс)

-Дауыссыз дыбысты қандай түспен белгілейтін едік?

-Д дыбысынан басталатын қандай зат атауларын білесіңдер?

-Жарайсыңдар балалар олай болса мына затқа қараңдаршы,бұл не? (сандық)

-Балалар бұл жәй сандық емес бұл сиқырлы алтын сандық? Сандықтың ішінде не бар екенін білгілерің келеме? (Иә)

-Олай болса беске дейін санасақ сиқырлы сандықты ашуға әбден болады екен,санау білемізбе? (иә)

-Балалар санауды өте жақсы біледі екенсіңдер, ал енді сандық ашылды қане кім қарайды не бар екенін?

Бір бала шығып сандық ішінен ойыншық кішкене мысықты алады.

-Бұл не балалар? (мысық)

Мысық туралы не білесіңдер? (үй жануары,сүйкімді,түсі ақ, мияулайды,сүт ішеді т.б балалардың жауаптары әр түрлі болады)

-Мысық сөзі балалар «М»дыбысынан басталады екен. Қане барлығымыз бірге «м» дыбысын айтайық. М дыбысы қалай айтылып тұр? Дұрыс-ақ дыбыс кедергіге тап болып,анық айтылмай тұр. Демек, балалар М дыбысы дауыссыз дыбыс екен. М дыбысынан басталатын тағы қандай сөздерді атасақ болады?

-Маса, машина,мерген ...

-Жарайсыңдар балалар! Олай болса осы аталған сөздерді буынға бөліп айтайық: ма-са, ма-ши-на ....

М дыбысы сөздің басында, ортасында келеді.

-Ал енді балалар «Кім зерек?»ойынын ойнайық.

-Балалар алдарыңда үш түрлі киіз үй тұр,суреттегі затты атаған кезде М дыбысы сөздің басында келсе көк түсті киіз үйге саламыз (суретті). М дыбысы сөздің ортасында келсе жасыл түсті киіз үйге саламыз,ал М дыбысы сөздің…