Мәдени мұра қолданбалы курсының сабақ жоспары

С.Датұлы атындағы жалпы орта мектебі

мемлекеттік мекемесі

«Мәдени мұра» қолданбалы курсы

Түсінік хат.

2004 жылы 13 қаңтарда ҚР Президенті «Мәдени мұра» мемлекеттік бағдарламасы туралы Қаулығы қол қойды. Бағдарламаның орындалу барысында ғылыми ізденістер ауқымды нәтижеге жетіп, еліміздің барлық тұрғындары қатыстырылып, «халықтық» деген атауға ие болды.

Аумағы жағынан әлемдегі алғашқы ондыққа кіретін қазақ жері ежелден - ақ сан түрлі мәдениеттердің тоғысқан орны болды. Мұнда көшпенділік пен отырықшылық өзара араласып жатты. Көшпенді өмір салтын бастан кешкен қазақ халқы ежелден – ақ табиғатпен етене араласып жатты. Табиғат аясындағы таным – тәжірибесі тек қана күнкөріс тіршілігіне негіз болып қоймай, сонымен бірге уақытты мәнді, көңілді өткізудің жолы ретінде де кеңінен пайдаланылған. Солардың бір көрінісі аңшылық – саятшылыққа байланысты

Жалпы білім беретін мектепте Қазақстан тарихын оқыту ерекше маңызды. Өйткені кез-келген мемлекеттің азаматы өз елінің, мемлекеттің, сол мемлекетті мекендеп отырған халықтардың тарихын білуге құштар. Тоталитарлық тәртіп кезіндегі моноидеологияның күйреуі және дүниетанымдық көзқарастағы өзгерістер тарихи түсініктерге жаңа бағыттар алып келуде.

Төл тарихымыз қайта жазылып, қасиетті Қазақ елінің тарихы өз халқының талабына сай қызмет ете бастады. Елімідің қоғамдық-саяси, әлеуметтік-экономикалық өмірінде болып жатқан өзгерістер мен жаңалықтар, жаңа үрдістер адамзат баласы ғасырлар бойы жинақтаған құндыылықтары мен игіліктерін қайта зерделеп, жаңаша көзқарастар мен тұжырымдарды қалыптастыруда.

Жеке пәндерді тереңдетіп оқытуды қамтамасыз ету мақсатында мектептерде бағдарлы оқыту енгізілуде.

Бағдарлы оқыту жоғары сынып оқушыларының қызығушылығын, қабілетін, бейімділігін толық ескеруді көздейді.

Бағдарлы оқытуда оқушылардың бағдарлы пәндер бойынша білімдерін кеңейту мен тереңдету жүзеге асыру мақсатында қолданбалы курстар ерекше болып табылады.

Қоғамдық-гуманитарлық бағыт бойынша тарихи-қоғамдық бағдарының «Мәдени мұра» атты қолданбалы курсы оқушылардың Отан тарихының негізгі оқиғаларына байланысты білімдерін тереңдетуге мүмкіндік береді.

Мақсаты:

Жас ұрпақты әлеуметтік белсенділікке, адамзат басынан кешірген аса елеулі тарихи оқиғалармен, ол жинақтаған бағалы құндылықтармен таныстыра отырып, жауапкершілікке, тиянақтылыққа тәрбиелеу болып табылады.

Міндеттері:

1. Оқушылар бойына патриоттық-азаматтық құндылықтарды дарыту.

2. Туған халқына деген құрмет, мақтаныш сезімін ұялату.

3. Ұлттық рухты дамыту.