Майлау жүйесінің күтімі мен ақаулары сабақ жоспары

Елбаев Абзал Жайгалиевич

Өндірістік оқыту шебері

Қаратөбе колледжі «МҚКК»

Қаратөбе ауданы

Батыс Қазақстан облысы

Майлау жүйесінің техникалық күтімі және ақаулары

Сабақтың білімділік мақсаты: Майлау жүйесінің техникалық күтімі және ақаулары бойынша теориялық білімдерін кеңейтіп жұмыс істеу әдіс-тәсілдерін, майдың жүру жолдарына зейін қойып және де ақаулардың неден пайда болатынына түсінік беру.

Дамытушылық мақсаты: оқушылардың білім деңгейін арттырып, оны іс-жүзінде қолдануды меңгерту.

Тәрбиелік мақсаты: білім алушыларды адамгершілікке,адалдыққа, жауапкершілікке, кәсіби біліктілікке өздігінен шешім қабылдай білуге , еңбекқорлыққа тәрбиелеу.

Сабақтың түрі: аралас сабақ.

Сабақтың әдіс-тәсілі: топпен сұрақ-жауап , өз бетінше жұмыс жасау дағдылары.

Пәнаралық байланыс: трактор, автокөлік құрылысы, химия.еңбек қорғау.

Үй тапсырмасы.

1.Салқындату жүйесінің негізгі ақаулары.

2.Термостат

3.Радиатор,желдеткіш,

4. су тыстары, сорғы.

5. Салқындату жүйесіне техникалық қызмет көрсету.

Жаңа сабақ мазмұны

Қозғалтқыштың ұзақ мерзімді жұмыс жасауы майдың тазалығына байланысты болады. Ластанған май бөлшектердің үйкелетін беттерінің тез тозуына әсер етеді.Майдың сапасын (тазалығын) анықтаудың ең қарапайым тәсілі –қолмен тексеру. Егер майдың бірнеше тамшысын ақ қағазға (сүзгі қағазға) тамызсақ ластанған май жайыла келе қағаздың ортасында қоңыр дақ қалдырады.Мұның өзі май тұнбасының шөгетіндігін көрсетеді.Ол таза майда қалқыма күйде болады және сүзгіш қағазға сақина түрінде түседі.

Майлау жүйесінің техникалық күтіміне мынадай операцияларды орындау жатады: қозғалтқыш картеріндегі майдың мөлшерін және жүйедегі барлық қосылыстардың тығыздығын тексеру; қозғалтқыш қызғанда және ол күшпен жұмыс істегенде жүйедегі майдың температурасы мен қысымын бақылау ; майлау жүйесін жуу және майды ауыстыру.Майлау жүйесінің негізгі ақаулары - май қысымының жоқтығынан , қысымның төмендігінен немесежоғарлауынан, майлау жүйесіне салқындатқыш сұйықтықтың енуінен және майдың ағуынан болады.

Майлау жүйесінде қысымның болмауы мынадай себептерге байланысты болуы мүмкін: картер түбіндегі май деңгейінің төмендігінен, редукциялық клапанның қажалуынан немесе май насосы жетегінің ақаулығынан. Мұндай ақауларды картер түбіне үстеп май құйып , редукциялық клапанды жуып немесе май насосы жетегін жөндеп жоюға болады.

Егер салқындатқыш сұйық картерге келсе,онда біріншіден ,блок қалпақшасын бекіту гайкаларын қатайтыңқыраған жөн , егер қажет болса, цилиндр гильзасы мен блок арасындағы нығыздауыш сақинаны ауыстыру керек.Майдың ағуын оның аққан жеріндегі бекітуді қатайту немесе қажет болған жағдайда детальдың аралық төсемін немесе ақауы бар детальды ауыстыру арқылы жояды.

Ақауларды болдырмау үшін оған жол беретін себептерді жою қажет.майды үстеп құю, майдың қызуына жол бермеу немесе жасаушы зауыттың ұсынысына сәйкес картердегі майды ауыстыру, картер түбін алу және май қабылдағышты жуу, редукциялық және төгу клапандарын жуу және ретке келтіру, қажет болған жағдайда иінді біліктің…