Мамандығым – мақтанышым эссе әдістемелік бірлестікке

Мен – қазіргі заманның мұғалімімін

Эссе

«Ұстаздың биігі ойлана қарасаң, биіктей береді, үңіле қарасаң, тереңдей береді, қол созсаң қарсы алдыңда, айналсаң артыңда тұрғандай» – деп Сократ айтқандай, егеменді еліміздің алдыңғы қатарлы отыз мемлекеттің қатарына қосылуға табандылықпен жылжу саясаты қоғамымыздың барлық саласында түбегейлі өзгерістер енгізді және жаңа талаптар қойды. Соның ішінде болашақ ұрпаққа әлемдік деңгейде білім беру мақсатына орай білім мазмұнына жаңаша қарау – басты міндеттердің біріне айналды. Қазіргі кезде білім берудің жаңа жүйесінің жасалынуы, білім мазмұны мен әдіс-тәсілдерінің жаңаруы бәсекелестікке қабілеті мол, шығармашылық бағытта еңбектенетін, ой қабілетімен ерекшеленетін азаматты тәрбиелеуді көздейді.

Қазіргі заман сабағы қандай? «Заман» ешкімнің ырқына бағынбайтын, үзеңгілесең де шырмалып тоқтамайтын таудан аққан тасқын сумен іспеттес - өмір ағымы. Жаңа ағын жаңа өзгерістерді, жаңа өзгерістер жаңа қауымды дүниеге әкеледі. Ал, қазіргі біз өмір сүріп жатқан заман қандай, оның әкелген жаңалығы қандай, адамға әсер етер құдіреті қандай, осыған тоқталып өтелік. Заман өзгерген сайын, қоғам да өзгереді, гүлденіп, жаңаша бір күйге енеді. Оған ықпал ететіп, өзгертетін -жаңа бағдар, жаңа білім кеңістігі.

Бүгінгі таңда оқыту процесінде жаңартылған оқу жоспарына сәйкес жаңаша оқулықтар шығып өзгерістер енген соң, мен де әр сабағыма мынадай өзгерістер енгізе бастадым. Дәстүрлі оқыту жүйесіндегі "Кім кезекші?", "Сабақта кім жоқ, неге жоқ?" т.б. қатаң сұрақтарды алмастырып, "шаттық шеңбері", "Тілекті тізбек", немесе қызықты сұрақтар қою арқылы оқушыларды өтілетін сабаққа психологиялық тұрғыдан дайындай отырып, қызығушылықтарын арттыра білдім. Одан кейін "бүгінгі біздің өтетін тақырыбымыз" деп дайын дүниені айтып беруден алыстатып, оның орнына білетін білімді еске түсіре отырып, жаңа білімге көпір салуға бағыттайтын болдым. Ал одан кейін болжау кестесі, ойлан, жұптас, ортаға сал, білгім келеді, сұрақ қоя білуді үйрету, өзара оқыту, топпен зерттеу т.б. әдіс-тәсілдерді қолдану арқылы ең тамаша кезеңге, яғни оқушының өздігінен білім алуға, өзіндік еңбек ету кезеңіне айналдырдым. Содан соң оқушы алған білімін пайдалана отырып, қасындағы оқушыларға үйрете білді және шешім қабылдай алатын болды. Топпен , жұппен немесе жеке берілген тапсырмаларды…