Мамандығым мақтанышым эссе мектепке дейінгі балаларға

Мамандығым мақтанышым! (эссе)

Тәрбиеші болу – бақыт! Мынау менің бөбекжайым...... Мынау менің кішкентай бүлдіршіндерім...... Әр күні олардың сүйкімді жүзін көргенде еріксіз күлімсіреймін. Өйткені оларды күнде ертемен көру мен үшін бақыт. Ал ,олар мені қуана қарсы алады, қуанышын жасыра алмай еркелей алдыма келеді. Бір үйдің болашағы, шырағы, аяулысы, ардағы, еркесі, бұзығы мен қызығы. Мен олармен бірге жүрсем, балаша қуанып, өмірге де балаша қарағым келеді.Бір сөзбен айтқанда мен қайта бейкүнә сәби болғым келеді.Мен тәрбиешімін... Осы мамандықтың қызығы мен қиындығын өзі бала ортасында жүрген жан ғана түсіне алады. Жер бетінде тәрбиеші алдын көрмеген адам кем де кем, мүмкін бұл мамандық содан киелі шығар... Барлық мамандықтан да дән егіп өсіруден, балапан ұшырудан да бала тәрбиелеп, балабақшада бүлдіршіндерге өмірде не дұрыс, не бұрыстығын түсіндіріп өсіру ең қиын ,әрі қызықты іс дер едім. Өйткені егінші көктемде алдағы жайма шуақ жазға арқа сүйеп егін егеді. Ал құс көктемде ұя салып, күздің суығында балапанын қатайтып ұшырады да нәтижесі бірден көзге көрінеді. Ал тәрбиеші ше? Күздің қоңыраулатқан күніне де, қыстың қаһарына да, көктемнің лайсаңына қарамай табиғат ананың жаңаруымен бірге құстарын баптайды. Бірақ

Тәрбие – отбасынан басталатындықтан қашанда тәрбиеленушінің ата - ана, жанұясымен жете танысып, үнемі қарым қатынаста болуды өзіме басты мақсат етемін. Ол біздің ортақ баламыз екендігін сезінуге үйретуге тырысамын.. Кез - келген бала – дарынды немесе дарынсыз болсын, жылдам немесе ақырын қимылдасын – бәрібір өзіне деген сүйіспеншілік пен құрметті қалайды. Сондықтан да әр баланың жанын түсініп, мақтап, қолпаштап, көмек көрсету арқылы қызметімде тек қана жақсы жетістікке қол жеткізетініме сенемін. Тәрбиеші деген сөздің мағынасына үңілсек, мақсаты тәрбие беру екенін түсінеміз. Балабақшада дұрыс тәлім - тәрбие бере алсақ, ол ертең мектепке барып саналы түрде сапалы білім алуға тырысады. Соның нәтижесінде елін сүйген азамат болып шығады. Біз, тәрбиешілер, түрлі болашақ маман иелерін тәрбиелеп жатырмыз десем артық болмас. Болашақ заңгерлерді - әділдікке үйрету, дәрігерлерді - жауапкершілікке баулу, мейірімділікке үйрету, құрылысшыларды - нақтылыққа…